1 कुरिन्थियां 2:15 - ओङ राजपूत

¹⁵ सेर्फ ओ, जको आत्मिक छै, हर हेक बाते ची परख करे, पर ओ आप काये कनु परखला ना जई।

1 कुरिन्थियां 2:15 ပူးပေါင်းရင်းမြစ်များ

यूहन्‍ना 7:17

अगर कुई ओची इच्छा उपर चलणे चाहवे तां ओ माया उपदेशा चे बारे मां जाणती जई कि ईं नरीकारा चे तरफु छै जा मैं आपणे तरफु किहे पला।

प्रेरितां चे काम 16:3

पौलुस ची इच्छा हुती कि तीमुथियुस ओचे लारे चालो, ते जको यहूदी लौक ओ इलाके मां रेहते, वांची वजह कनु पौलुस ने तीमुथियुस चा खतना करला, कांकि वे सब जाणते कि ओचा ब़ा यूनानी छै।

1 कुरिन्थियां 14:37

अगर कुई इन्सान आपणे आप नु भविष्यवक्‍ता जा आत्मिक जन समझो, तां ईं जाणती गिहो, कि जको बाता मैं तम्हानु लिखे पला, वे प्रभु चीया आज्ञा छी।

1 कुरिन्थियां 3:1

हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी।

1 कुरिन्थियां 4:5

ऐवास्ते जब तक प्रभु ना आती जाओ, समय कनु पेहले कुई बाते चा न्यां ना करा, वे ही तां अन्धकार चीया लुकलीया बाता छी, जको सोज़ले मां ङिखाणी, ते मना चे मकसद प्रकट करी। तब नरीकारा चे तरफु हर-हेक ची बढ़ाई हुवी।

गलातियां 6:1

हे माये भऊ, तम्चे कुई बन्दे अगर कुई पापा मां पकड़ीती वी जाये तां, तम्ही जको आत्मिक छिवा ओनु नरमाई लारे सम्भाला ते जाये कनु बल्ति ओ विश्‍वास मां आती जाओ, ते आपणी वी चौकसी राखा ताकि तम्ही परीक्षा मां ना पड़ा।

फिलिप्पियां 1:10

इठे तक कि तम्ही आच्छीया महु आच्छीया बाता नु प्रिय जाणा ते मसीह आणे चे ङिओ तक सच्‍चे, पवित्र, ते बिना कसूरा चे बणले रिहा, ते ठोकर ना खावा,

कुलुस्सियां 1:9

ऐवास्ते जिसे ङिहां कनु ईं सुणले, अम्ही वी तम्चे वास्ते हा प्राथना ते बिनती करने ना छोड़ु कि तम्ही सारे आत्मिक ज्ञान ते समझ समेत नरीकारा ची मर्जी ची पिछाण मां परिपूर्ण हुती जावा।

1 थिस्सलुनीकियां 5:21

सारीया बाता नु परखा, जको आच्छीया छी वानु मजबूती लारे पकड़ली रिहा।

इब्रानियां 5:14

पर अन्‍न सियाणा वास्ते छै जाया ज्ञानेन्द्रिया अभ्यास करते-करते भले-बुरे चा भेद करने मां भरपूर हुती गेलीया।

1 यूहन्‍ना 2:20

पर तम्चा तां ओ नरीकारा चे जरिये पवित्र आत्मा लारे अभिषेक करवाला, ऐवास्ते तम्ही सारी सच्‍चाई नु जाणा,

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।