1 कुरिन्थियां 2:12 - ओङ राजपूत

¹² अम्ही संसारा ची आत्मा कोनी, पर वा आत्मा गेहली छै, जको नरीकारा चे तरफु छै कि अम्ही वां बाता नु जाणु, जको नरीकारा ने अम्हानु ङिलीया।

1 कुरिन्थियां 2:12 ပူးပေါင်းရင်းမြစ်များ

रोमियां 8:1

ऐवास्ते हमा जको मसीह ईशु मां छी, वांचे उपर ङण्ड ची आज्ञा कोनी। कांकि वे शरीरा चे अनुसार ना बल्कि आत्मा चे अनुसार चली।

रोमियां 8:32

नरीकार, जेह्णे आपणे पूता नु वी कोनी राखले, बल्कि ओनु अम्चे सब चे पापा वास्ते मरणे वास्ते ङिती ङिले, तां ओ ओचे लारे अम्हानु होर सब कोच्छ कां नी ङिही?

1 कुरिन्थियां 1:27

पर नरीकारा ने संसारा चे मूर्खा नु चुणती गेले कि ज्ञानीया नु शर्मिन्दा करो ते नरीकारा ने संसारा चे कमजोरा नु चुणती गेले कि ताकतवार नु शर्मिन्दा करो।

1 कुरिन्थियां 2:6

फेर वी मैं वानु, जको मजबूत छी, ज्ञान भरला सनेसा ङिये पर हा ज्ञान ना ऐ युगा चा ते ना ऐ युगा चे हाकिमा चा, जाया नाश हुवणे तय छै।

1 कुरिन्थियां 3:22

का पौलुस, का अपुल्‍लोस, का कैफा, का संसार, का जीन्दगी, का मरण, का वर्तमान, का भविष्य, सब कोच्छ तम्ची भलाई वास्ते ही छै।

2 कुरिन्थियां 4:4

ते वा अविश्‍वासीया चे वास्ते, जाई ब़ुध्दि नु ऐ संसारा चे ईश्‍वर ने यानिकि शैताना ने अन्धी करती नाखली, ताकि मसीह जको नरीकारा चा प्रतिरुप छै, कि ओचे तेजोमय सुसमाचार चे सोज़ले वांचे उपर ना चमको।

इफिसियां 2:2

जाये मां तम्ही पेहले ऐ संसारा ची रीति उपर, ते आसमाना चे अधिकार चे हाकिम यानि वे आत्मा चे अनुसार चलते, जको हमा वी आज्ञा ना मनणे आला मां काम करे।

याकूब 4:5

का तम्ही हा समझा कि पवित्रशास्त्र बेकार चा बाता बावड़े। जिसे नरीकारा ने पवित्र आत्मा नु अम्चे भीतर नाखले, नरीकार घणी इच्छा राखे, कि अम्ही विश्‍वास चे लायक बणले रिहुं?

1 यूहन्‍ना 2:20

पर तम्चा तां ओ नरीकारा चे जरिये पवित्र आत्मा लारे अभिषेक करवाला, ऐवास्ते तम्ही सारी सच्‍चाई नु जाणा,

1 यूहन्‍ना 2:27

पर तम्चा ओ अभिषेक जको पवित्र आत्मा ची ओर कनु करला गेला, तम्चे मां बणला रिहे, ते तम्हानु ऐची जरुरत कोनी कि कुई तम्हानु सिखाओ, बल्कि जिंवे ओ अभिषेक जको पवित्र आत्मा ची ओर कनु करला गेला तम्हानु सारीया बाता सिखावे, ते हा सच्‍चा छै ते कूड़ा कोनी, ते जिसड़े ओणे तम्हानु सिखाले यूंही तम्ही ईशु मसीह मां बणले रिहा।

प्रकाशितवाक्य 12:9

ते ओ बङा अजगर यानिकि ओही पुराणा नाग़, जको इबलीस शैतान किहवावे, ते सारे संसारा नु भरमावे, धरती उपर ढाती ङिला गेला, ते ओचे दूत ओचे लारे तले भुकाती ङिले गेले।

प्रकाशितवाक्य 22:6

ते ओ स्वर्ग़दूता ने मनु केहले, “ये बाता विश्‍वास चे लायक ते सच्‍च छी। ते प्रभु नरीकार जको भविष्यवक्‍ता नु आपणी आत्मा ङिये, आपणे स्वर्ग़दूता नु भेज़ले, कि आपणे दासा नु वे बाता जाये ब़ोहत जल्दी पुरे हुवणे जरुरी छै ङिखाणो।”