1 कुरिन्थियां 2:10 - ओङ राजपूत

¹⁰ ईं सब नरीकारा ने अम्चे उपर आपणी आत्मा चे जरिये लारे प्रकट करले। कांकि हा आत्मा सारीया बाता, इठे तक कि नरीकारा चीया गूढ बाता नु वी परखे गेहती।

1 कुरिन्थियां 2:10 ပူးပေါင်းရင်းမြစ်များ

मत्ती 13:11

ओणे उत्तर ङिला, “तम्हानु तां स्वर्ग़ चे राज़ चे भेदा ची समझ ङिली गेली, पर वानु कोनी।

मत्ती 16:17

ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

लूका 10:21

ओही बेले ईशु पवित्र आत्मा मां हुती कर खुशी लारे भरीती गेला, ते केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया। हव्वे, हे ब़ा, कांकि तनु ईं आच्छे लाग़ले।

लूका 2:26

ते पवित्र आत्मा लारे ओनु चिताले गेलते ले कि, “जब तक तु प्रभु चे मसीह नु ङेखती ना गिही, तब तक मौत नी ङेखे।”

यूहन्‍ना 14:26

पर सहायक, यानिकि पवित्र आत्मा, जानु ब़ा माये नांवा कनु भेज़ी, ओह तम्हानु सारीया बाता सिखावी ते जको कोच्छ मैं तम्हानु केहले ओ सब तम्हानु याद करावी।

यूहन्‍ना 16:13

पर जब ओ यानिकि सच्‍चाई चा आत्मा आवी, तां तम्हानु सारा सच्‍चाई चा मार्ग़ बावड़ी, कांकि ओ आपणे तरफु नी किही पर जको कोच्छ सुणी ऊंही किही, ते आणे आलीया बाता तम्हानु बावड़ी।

1 कुरिन्थियां 14:30

अगर ओही बेले काये हेके उपर नरीकारा चे तरफु दर्शन हुती जाओ तां ओ, जको ओ बेले भविष्यवाणी करे पला, शान्त हुती जाओ ते ऐनू मौका ङियो।

1 कुरिन्थियां 2:11

इन्साना महु कूण कुई इन्साना चीया बाता जाणे? सेर्फ इन्साना ची आत्मा जको ओचे मां छै। यूंही नरीकारा चीया बाता वी कुई ना जाणी, सेर्फ नरीकारा चा आत्मा।

गलातियां 1:12

कांकि ना तां कुई बन्दे कनु गेहला, ना ही कुई बन्दे मनु सिखाला, पर हा ईशु मसीह चे अगुवाई लारे मनु मिड़ला।

इफिसियां 3:3

यानिकि नरीकारा ने ओ भेदा नु जको मनु दर्शन चे जरिये ङिखाणला जानु मैं तम्हानु थोडे़ लिखती चुकला।

इफिसियां 3:5

पेहले ओ भेद लौका नु कोनी बावड़ला गेला ते हमा पवित्र आत्मा लारे भविष्यवक्‍ता ते प्रेरितां नु बावड़ला गेला।

1 तीमुथियुस 4:1

पर पवित्र आत्मा साफ-साफ किहे पला, कि आणे आले समय मां कितने लौक भरमाणे आली कूड़ी आत्मा, ते दुष्टात्मा ची सीख उपर मन लाती कर विश्‍वास कनु बहकती जाये।

1 पतरस 1:12

वांचे उपर ईं वी उजागर करले गेले, कि वे आपणी कोनी बल्कि तम्ची सेवा करने चे वास्ते ये बाता किही पलते ले, जाया समाचार तम्हानु हमा वांचे जरिये मिड़ला जेह्णे पवित्र आत्मा चे जरिये जको स्वर्ग़ा कनु भेज़ला गेला तम्हानु सुसमाचार सुणाला, जा बाता नु जाणने चे वास्ते तां स्वर्ग़दूत वी तरसते रिही।

1 यूहन्‍ना 2:20

पर तम्चा तां ओ नरीकारा चे जरिये पवित्र आत्मा लारे अभिषेक करवाला, ऐवास्ते तम्ही सारी सच्‍चाई नु जाणा,

1 यूहन्‍ना 2:27

पर तम्चा ओ अभिषेक जको पवित्र आत्मा ची ओर कनु करला गेला, तम्चे मां बणला रिहे, ते तम्हानु ऐची जरुरत कोनी कि कुई तम्हानु सिखाओ, बल्कि जिंवे ओ अभिषेक जको पवित्र आत्मा ची ओर कनु करला गेला तम्हानु सारीया बाता सिखावे, ते हा सच्‍चा छै ते कूड़ा कोनी, ते जिसड़े ओणे तम्हानु सिखाले यूंही तम्ही ईशु मसीह मां बणले रिहा।

प्रकाशितवाक्य 1:1

ईशु मसीह चा प्रकाशितवाक्य, जको ओनु नरीकारा ने ऐवास्ते ङिला कि आपणे दासा नु वे बाता, जाये जल्दी हुवणे जरुरी छै ङिखाणो। ओणे आपणे स्वर्ग़दूत नु भेज़ती कर ओचे जरिये आपणे दास यूहन्‍ना नु बावड़ले,

प्रकाशितवाक्य 2:24

“पर तम्हानु थुआतीरा चे बाकि लौका नु जितने ये शिक्षा नु ना मनी ते वां बाता नु जानु शैताना चीया गेहरीया बाता किही ना जाणी, ईं किहे पला कि मैं तम्चे उपर नेरा बोझ नी नाखी।