1 कुरिन्थियां 16:2 - ओङ राजपूत

² हर हफ्ते चे पेहले ङिओ तम्चे महु हर हेक आपणी आमदनी चे अनुसार कहीं आपणे मेहले जती करो, कि माये आवणे पर दान भेला ना करना पड़ो।

1 कुरिन्थियां 16:2 ပူးပေါင်းရင်းမြစ်များ

मरकुस 14:8

जको कोच्छ वा कर सग़ली, विणे करले, विणे माये दफनाले जाणे ची तियारी मां पेहले कनु माये शरीर उपर इत्र मसड़ला।

लूका 16:10

जको लौक थोड़े कनु थोड़े मां विश्‍वास चे लायक छी, वे घणा मां वी विश्‍वास चे लायक छी, ते जको थोड़े कनु थोड़े मां अधर्मी छी, वे घणा मां वी अधर्मी छी।

लूका 24:1

पर हफ्ते चे पेहले ङिओ पुरा फुटले वे वां खुश्बुदार चीजा नु जको वाणे तियार करलीया हुतीया, चती कर कब्री उपर आलीया।

यूहन्‍ना 20:19

ओही ङिओ जको हफ्ते चा पेहला ङिओ हुता,आथण चे बेले जब उठली दरवाजी जिठे चैले हुते, यहूदिया चे ङरा कनु बन्द हुती, तब ईशु आला ते वांचे आधे मां भिले रेहती कर वानु केहले, “तम्हानु शान्ति मिलो!”

यूहन्‍ना 20:26

आठ ङिहां चे बाद ईशु चे चैले घरा चे भीतर हुते, ते थोमा वांचे लारे हुता ते दरवाजे बन्द हुते। बल्ति वी ईशु आला वांचे बीच मां भिला रेहती कर वानु केहले, “तम्हानु शान्ति मिलो।”

प्रेरितां चे काम 20:7

हफ्ते चे पेहले ङिओ जिसे बेले अम्ही रोटी भानणे चे वास्ते भेले हुले, ते पौलुस ने जको ङुजे ङिओ जाणे आला हुता, वांचे लारे बाता करलीया, ते आधी राती तक उपदेश ङिता रेहला।

2 कुरिन्थियां 8:10

इठे मैं आपणा विचार किहे पला, जाये मां तम्ची भलाई छै। पिछले साल तम्ही दान ङेणे मां आग़ु रेहले, ते दान ङेणे ची इच्छा मां वी तम्ही आग़ु हुते।

प्रकाशितवाक्य 1:10

मैं प्रभु चे ङिओ पवित्र आत्मा मां आती गेला, ते आपणे भांसु तुरही जिसड़ी बङी अवाज ईं केहते सुणले,