1 कुरिन्थियां 16:16 - ओङ राजपूत

¹⁶ ऐवास्ते मैं तम्हा कनु बिनती करे पला कि इसड़ा चे अधीन रिहा, बल्कि हर-हेक चे जको ऐ कामा मां मेहनती ते सहायक छी।

1 कुरिन्थियां 16:16 ပူးပေါင်းရင်းမြစ်များ

रोमियां 16:12

त्रूफेना ते त्रूफोसा नु जको प्रभु मां मेहनत करने आलीया नु नमस्कार। प्यारी पिरसिस प्रभु मां घणी मेहनत करने आली नु नमस्कार।

रोमियां 16:3

प्रिस्का ते अक्विला नु जको ईशु मसीह मां माये भईवाल हुले, वानु नमस्कार।

रोमियां 16:6

मरियम नु जेह्णे तम्चे वास्ते घणी मेहनत करली, नमस्कार।

रोमियां 16:9

उरबानुस नु, जको मसीह मां अम्चा भईवाल छै, ते माये प्यारे इस्तखुस नु नमस्कार।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 3:9

कांकि अम्ही नरीकारा चे भईवाल छिऊं। तम्ही नरीकारा ची भोंये छिवा, तम्ही नरीकारा चा भवन वी छिवा।

इफिसियां 5:21

ते मसीह चा कद्दर करते समय हेके ङुजे चे अधीन रिहा।

फिलिप्पियां 4:3

हे सच्‍चा भईवाल, मैं दुधे कनु वी बिनती करे पला कि तु वां असतरीया ची सहायता कर। कांकि वाणे माये लारे सुसमाचार प्रचार करने मां, क्लेमेन्स ते माये नेरे भईवाला समेत मेहनत करली, जाये नां जीवन ची किताबे मां लिखले पले।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 थिस्सलुनीकियां 2:9

कांकि, हे माये भऊ ते ब़ेहणीया, तम्ही अम्ची मेहनत ते ङुखा नु याद राखा, कि अम्ही ऐवास्ते रात-ङिओ काम धन्धा करते हुले तम्चे महु काये उपर वी बोझ कोनी बणने ची इच्छा लारे तम्हानु नरीकारा चा सुसमाचार प्रचार सुणाला।

1 थिस्सलुनीकियां 5:12

ते ओ माये भऊ ते ब़ेहणीया, अम्ही तम्हा कनु बिनती करु पले, कि जको तम्चे मां मेहनत करी वी, ते प्रभु मां तम्चे अग़ुवे छी, ते तम्हानु शिक्षा ङी, ते वानु मना।

1 तीमुथियुस 5:17

जको अग़ुवे आच्छा प्रबन्ध करते हो, खास करती वे जको वचन सुणावणे ते सिखावणे मां मेहनत करी, ङोन गुणा कद्दर चे लायक समझले जाओ।

इब्रानियां 13:17

आपणे अग़ुवा ची आज्ञापालन करा, वांचे अधीन रिहा, वे तम्ची आत्मा चे पाहरेदार छी, वानु तम्चे बारे मां हिसाब ङेणा, वांचे वास्ते ईं काम खुशी चा विषय बणला रिहो। अगर हेक कष्ट भरला बोझ बणा, तां ईं तम्चे वास्ते फायदेमन्द नी हुवी।

इब्रानियां 13:24

तम्चे सारे अग़ुवा ते सारे नरीकारा चे लौका नु माया नमस्कार केहजा, इटली वासीया चा तम्हानु नमस्कार।

इब्रानियां 6:10

नरीकार अन्यायी कोनी, कांकि तम्चे काम ते ओ प्रेम नु भूलती ना जई, जको तम्ही ओचे नांवा वास्ते ओचे लौका ची सेवा करली ते करा वी पले।

1 पतरस 5:5

यूं करती हे जवान, तम्ही वी अग़ुवा चे अधीन रिहा, बल्कि तम्ही सब चे सब हेके ङुजे ची सेवा चे वास्ते नरमाई लारे कमर कसली रिहा, कांकि, “नरीकार घमण्डीया चा विरोध करे, पर दीन-दयाला उपर अनुग्रह करे।”

3 यूहन्‍ना 1:8

ऐवास्ते अम्ही विश्‍वास करने आला नु इसड़े सम्भालु, ताकि अम्ही वी वांचे लारे सच्‍चाई चे लारे काम करने आले हुती जऊं।

प्रकाशितवाक्य 2:3

तु सब्र करी ते माये नांवा वास्ते ङोख चते-चते थाकला कोनी।