1 कुरिन्थियां 15:50 - ओङ राजपूत

⁵⁰ हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

1 कुरिन्थियां 15:50 ပူးပေါင်းရင်းမြစ်များ

मत्ती 16:17

ईशु ने ओनु उत्तर ङिला, “हे शमौन, योना चा पूत, तु धन्‍न छी, कांकि मांस ते लुहींया ने ना पर माये ब़ा नरीकारा ने जको स्वर्ग़ा मां छै, हा बात दुधे उपर उजागर करली।

मत्ती 25:34

“मैं राजा आपणे सज़्ज़े पासे आला नु किही, ‘हे माये ब़ा ची धन्‍न बन्दी, आवा, ओ राज़ चे अधिकारी हुती जावा, जको संसार चे शुरुआत कनु तम्चे वास्ते तियार करला आला छै।

रोमियां 2:7

जको लगातार आच्छे काम करते हुले, महिमा ते आदर ते अनन्त जीवन ची खोज मां रिही, वानु नरीकार अनन्त जीवन ङिही।

1 कुरिन्थियां 1:12

माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 15:42

मुड़दा चे जीते उठणे वी इसड़े ही छै। शरीर नाशवान दशा मां राहले जाये ते अविनाशी रूपा मां जीते उठे।

1 कुरिन्थियां 15:44

शरीरिक देह राहली जाये ते आत्मिक देह जीती उठती जाये। अगर शरीरिक देह छै तां आत्मिक देह वी छै।

1 कुरिन्थियां 6:10

ना चोर, ना लोभी, ना शराबी, ना चुग़लखौर, ना ठग़्ग़ी करने आले नरीकारा चे राज़ चे वारिस नी हुवे।

1 कुरिन्थियां 6:13

खाणे ढिड्डा वास्ते ते ढेड्ड खाणे वास्ते छै। पर नरीकार यां ङुंहु नु नाश करी। शरीर व्यभिचार वास्ते कोनी, बल्कि प्रभु वास्ते छै ते प्रभु शरीरा वास्ते छै।

1 कुरिन्थियां 6:9

का तम्ही ना जाणा, कि अन्यायी लौक नरीकारा चे राज़ चे वारिस नी हुवे? धोक्‍का ना खावा, ना वेश्यागामी, ना मूर्तिपूजक, ना परअसतरी गामी, ना लुच्‍चे, ना पुरुषगामी,

1 कुरिन्थियां 7:29

हे माये भऊ, मैं ईं किहे पला कि समय कम छै। ऐवास्ते हमा कनु वे जको परनीले आले छी इसड़े रिहो मनती गिहो अणपरनीले छी।

2 कुरिन्थियां 5:1

कांकि अम्ही जाणु कि, जिसे बेले अम्चे संसारिक देह नु धरती कनु ढाती ङिले जई तां अम्चे वास्ते नरीकारा ची ओर कनु स्वर्ग़ा मां हेक इसड़े घरा जिसड़ी देह तय करली गेली, जको इन्साना चे हाथा लारे बणाले आले कोनी छै पर स्वर्ग़ीय ते अनन्त काल चे छै।

2 कुरिन्थियां 9:6

पर बात तां हा छै कि, जको थोड़े राहवे ऊं थोड़े ही बाढी, ते जको घणे राहवे, ऊं घणे बाढी।

गलातियां 3:17

पर मैं किहे जको वाचा नरीकारा ने पेहले पक्‍की करली तां विनु चार साओ त्रीस साल बाद आणे आले मूसा ची व्यवस्था ना टाल सग़ली ते ना ही वायदा बेकार ठहरा सग़ली।

गलातियां 5:16

पर मैं किहे पला, तम्ही पवित्र आत्मा चे अनुसार चला, तां तम्ही शरीरा ची बुरी लालसा उपर काबु कर सग़ा।

इफिसियां 4:17

ऐवास्ते मैं किहे पला ते प्रभु नु ग़वाह बणाती कर तम्हानु चिताती कर किहे पला कि जिंवे नेरीया जातिया चे लौक आपणे मना ची बेकार रीति उपर चली यूंही तम्ही ना चला।

कुलुस्सियां 2:4

ईं मैं ऐवास्ते किहे, कि कुई बन्दे तम्हानु लुभावणे आलीया बाता कनु धोक्‍का ना ङियो।

2 तीमुथियुस 4:18

ते प्रभु मनु हर हेक बुरे कामा कनु छुड़ावी, ते आपणे स्वर्ग़ीय राज़ मां उद्धार करती कर पुचावी, ओची महिमा युगानयुग हुती रिहो। आमीन।