1 कुरिन्थियां 15:32 - ओङ राजपूत

³² इफिसुस शहरा चे लौक माये लारे जंगली ढौरा आलीकर भिड़ले तां मनु ऐचा का फायदा हुला? अगर मरले आले जीते ना करले जईया, तां जिंवे कोच्छ लौका चे केहणे छै कि, “आवा अम्ही खऊं पीऊं कांकि सुवारे तां अम्हानु मरती ही जाणे।”

1 कुरिन्थियां 15:32 ပူးပေါင်းရင်းမြစ်များ

लूका 12:19

ते आपणी जानी नु किही, “हे जान, दुधे गोढु घणे साला वास्ते घणी धन मेहली, आराम कर, खा, पी, सुखा लारे रेह।” ’

लूका 9:25

अगर इन्सान सारे संसारा नु हांसिल करे, ते आपणी जीन्दगी गंवाती ङियो, जा विचा नुकसान चवे, तां ओनु का फायदा हुवी?

प्रेरितां चे काम 18:19

ते इफिसुस शहरा मां पुज़ती कर वानु उठी छोड़ती ङिले, ते आप खौद्द जती कर प्राथनाघरा मां यहूदिया लारे बहस-बाजी करु लाग़ती गेला।

प्रेरितां चे काम 18:21

पर ईं केहती कर वांचे कनु विदा हुला कि, “अगर नरीकार चाहवी तां मैं तम्चे गोढु दुबारा आवी।” ते बल्ति ओ इफिसुस शहर छोड़ती कर पाणीया आले जहाजा मां ब़ेसती कर चाह्‍ला गेला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

रोमियां 3:5

ऐवास्ते अगर अम्चा अधर्म नरीकारा ची धार्मिकता ठहराती ङिये, ते अम्ही का किहुं? का ईं कि नरीकार जको क्रोध करे अन्यायी छै? ईं तां मैं इन्साना चे नजरीये लारे किहे पला।

रोमियां 6:19

मैं तम्ची शरीरिक दुर्बलता ची वजह इन्साना ची रीति उपर किहे। जिंवे तम्ही आपणे शरीरा चे अंगा नु कुकर्म चे वास्ते अशोद्धता ते कुकर्म चे दास बणाती कर सोंपले हुते, यूंही ही हमा आपणे शरीरा चे अंगा नु पवित्रता चे वास्ते धार्मिकता चे दास करती कर सोंपती ङिया।

1 कुरिन्थियां 16:8

पर मैं पिन्तेकुस्त तेंहवारा तक इठी इफिसुस शहरा मां ही रिही।

गलातियां 3:15

हे माये भऊ ते ब़ेहणी मैं तम्हानु हेक मिसाल ङिये कि जाये बारे मां तम्ही जाणा जिंवे कि अगर बन्दा ची वाचा वी पक्‍का हुती जाओ तां ओनु वी कुई ना टाल सग़ी ना ही घटा बधा सग़ी।

2 पतरस 2:12

पर ईं लौक बेवकूफ ढौरा आलीकर छी जको ब़झणे वास्ते ते रुसणे वास्ते पैदा हुले ते जिसीया बाता नु जाणी ही ना, वांचे बारे मां ङुजा नु बुरे-भले किही, वे आपणी सड़ाहट मां आप ही सड़ती जाये।

यहूदा 1:10

पर ईं लौक जिसीया बाता नु ना जाणी, वानु बुरे-भले किही। पर जिसीया बाता नु बेसमझ ढौरा आलीकर सुभाव कनु ही जाणी वांचे मां आपणे आप नु नाश करी।