1 कुरिन्थियां 15:20 - ओङ राजपूत

²⁰ पर सच्‍चमां मसीह मुड़दा महु जीता ऊठला, ते जको नूहती रेहले वांचे महु, ओ पेहला फल हुला।

1 कुरिन्थियां 15:20 ပူးပေါင်းရင်းမြစ်များ

प्रेरितां चे काम 2:24

पर नरीकारा ने ओनु मौत चे दर्दा कनु छुड़ाती कर मरला आला महु जीते करती ङिले। कांकि ईं हो ना सग़ेले कि मौत ओनु आपणे वशा मां राखती गिहा।

प्रेरितां चे काम 26:23

कि मसीह नु ङोख भोग़णे पड़ी, ते ओही सबकनु पेहले मरला आला महु जीता हुती कर, अम्चे लौका मां ते नेरीया जातिया मां ज्योति चा प्रचार करी।”

रोमियां 8:11

ते अगर ओचा ही आत्मा जेह्णे मसीह ईशु नु मरला आला महु जीते करले तम्चे मां बसला आला छै, ओही तम्चीया मरणहार देह नु वी आपणी आत्मा चे जरिये जको तम्चे मां बसला आला छै जीते करी।

1 कुरिन्थियां 15:23

पर हेक-हेक करती, पेहला फल मसीह, बल्ति मसीह चे आणे उपर ओचे लौक वी जिवाले जाये।

1 कुरिन्थियां 15:6

बल्ति पाँच साओ कनु ज्यादा जणा नु ङिसला हुता, जाये महु ब़ोहत सारे हमा तक जीते छी पर कितने गेले पती।

कुलुस्सियां 1:18

ऊंही शरीर, यानि कलीसिया चे ठोङ छै, ओही आदि छै, ते मरले आला महु जीता हुवणे आला महु पलेठी चा छै कि सारीया बाता मां ओही प्रधान बणो।

1 थिस्सलुनीकियां 4:16

कांकि प्रभु आप ही स्वर्ग़ा कनु उतरी ते ओ बेले ललकार, ते प्रधान दूता चा साङ सुणीजी, ते नरीकारा ची तुरही फूकली जई, ते जको मसीह मां विश्‍वास करने आले मरले, वे पेहले जीते हुती जाये।

1 पतरस 1:3

अम्चे प्रभु ईशु मसीह चा नरीकारा ते ब़ा चा धन्यवाद हो, जेह्णे ईशु मसीह नु मरले आला महु जीते हुवणे चे जरिये, आपणी बङी दया लारे अम्हानु जीती उम्मीद चे वास्ते नवां जनम ङिला।

प्रकाशितवाक्य 1:5

ते ईशु मसीह चे तरफु जको भरोसेमन्द ग़वाही ते मरले आला महु जीता हुवणे आला महु पलेठी चा ते धरती चे राजा चा हाकिम छै तम्हानु अनुग्रह ते शान्ति मिलती रिहो। ओ अम्चे लारे प्रेम राखे ते ओणे आपणे लुहींया लारे अम्हानु पापा कनु छुड़ाले छै।

प्रकाशितवाक्य 14:13

ते मैं स्वर्ग़ कनु हा शब्द सुणला कि, “लिखती गे, जको बन्दी प्रभु मां मरली, वे हमा कनु धन्‍न छी।” आत्मा किहे, “हां, हाओ ठीक छै। वानु आपणी मेहनत करने उपर हमा आराम मिली कांकि वांचे कर्म, वांचे लारे छी।”