1 कुरिन्थियां 15:2 - ओङ राजपूत

² अगर तम्ही ओ सुसमाचार नु जको मैं तम्हानु सुणाला हुता ओचे मां बणले रिहा तां तम्चा उद्धार हुवी, ना तां तम्चे विश्‍वास करने बेकार छै।

1 कुरिन्थियां 15:2 ပူးပေါင်းရင်းမြစ်များ

लूका 8:13

पत्थरीली भोंये उपर चे वे छी कि जिसे बेले वचन सुणी, तां खुशी लारे वचना नु मनती तां गिही, पर ज़हड़ ना पकड़ने लारे वे थोड़ी देरी तक विश्‍वास राखी ते परीक्षा चे समय बहकती जई।

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

प्रेरितां चे काम 8:13

बल्ति शमौन ने खौद्द वी विश्‍वास करला ते बपतिस्मा गेहती कर फिलिप्पुस चे लारे रिहुं लाग़ला ते चैन्ह ते बङे-बङे सामर्थ चे काम हुते ङेखती कर हैरान हुता।

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

रोमियां 11:22

ऐवास्ते नरीकारा ची दयालुता ते सख्ताई नु ङेख। जको ढेती गेले, वांचे उपर सख्ताई, पर दुधे उपर दयालुता, अगर तु ओचे मां बणला रिहे। ना तां, तु वी बाढती कर नाखला जाये।

1 कुरिन्थियां 1:18

क्रूसा चा सनेसा वांचे वास्ते मूर्खता छै जको नाश हुवणे चे मार्ग़ उपर चली पले, पर अम्चे वास्ते जको उद्धार चे मार्ग़ उपर छिऊं, नरीकारा ची सामर्थ छै।

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

1 कुरिन्थियां 11:2

मैं तम्ची तारीफ करे कि तम्ही सब बाता मां मनु याद राखा ते वां शिक्षा नु मजबूती लारे पालन करा, जिसड़ी मैं तम्हानु सोंपली हुती।

1 कुरिन्थियां 15:14

ते अगर मसीह ना जीता हुवीया, तां अम्चा प्रचार करने वी बेकार छै, ते तम्चा विश्‍वास वी बेकार छै।

2 कुरिन्थियां 2:15

कांकि अम्ही नरीकारा चे गोढु उद्धार गेहणे आले, ते नाश हुवणे आले, ङुंहु वास्ते मसीह ची खुश्बु छिऊं।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 3:4

का तम्ही इतने ङोख बेकार मां ही चले? आस छै कि वे बेकार कोनी हुते!

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

कुलुस्सियां 1:23

ईं तां हो सग़े कि तम्ही विश्‍वास ची ढाल उपर मजबूत बणले रिहा ते ओ सुसमाचार ची आस नु जानु तम्ही सुणले, ना छोड़ा, जाया प्रचार आसमाना चे तले सारे संसारा मां करला गेला ते जाया मैं पौलुस सेवक बणला।

2 थिस्सलुनीकियां 2:15

ऐवास्ते हे माये भऊ ते ब़ेहणीया, टिकले रिहा, ते जको-जको बाता तम्ही का वचन, का चिठ्ठी चे जरिये अम्हा कनु सिखलीया, वानु तम्ही पकड़ली रिहा।

2 तीमुथियुस 1:9

जेह्णे अम्चा उद्धार करला, ते पवित्र बुलाहट लारे हकारले, ते हा अम्चे कामा चे अनुसार कोनी, पर आपणी मनसा ते ओ अनुग्रह चे अनुसार छै, जको ईशु मसीह मां शुरुआत कनु अम्चे उपर हुला।

इब्रानियां 10:23

हमा अम्ही बिना कुई शक्‍क चे आपणी वे आस मां अटल रिहुं, जको अम्ही स्वीकार करली, कांकि जेह्णे वायदा करला ओ विश्‍वास योग्य छै।

इब्रानियां 2:1

ऐवास्ते जरुरी छै कि अम्ही जको सुणले, ओचे उपर खास ध्यान ङिऊं, इसड़े ना हो कि बहकती कर वांचे कनु दूर चाह्‍ले जऊं।

इब्रानियां 3:14

अगर अम्ही आपणे पेहले भरोसे नु अन्त तक बणाली रिहुं, तां अम्ही मसीह चे भईवाल बणले रिहुं।

इब्रानियां 3:6

पर मसीह पूता आलीकर नरीकारा चे घरा चा अधिकारी छै। अगर अम्ही मजबूत विश्‍वासा उपर ते आपणी आस चे गर्व उपर अन्त तक मजबूती लारे बणले रिहुं, तां अम्ही ओचे घराणे छिऊं।

इब्रानियां 4:14

ऐवास्ते जब नरीकारा चा पूत ईशु हेक इसड़ा महान महायाजक, जको स्वर्ग़ा मां गेला, जको अम्ही मनती गेले, ओचे मां विश्‍वास मां मजबूत बणले रिहुं।

याकूब 2:14

हे माये भऊ, अगर कुई किहो कि, “मनु विश्‍वास छै,” पर विश्‍वास चे जिसड़े काम ना करता हो, तां ऐचा का फायदा? का इसड़ा विश्‍वास कङी ओचा उद्धार कर सग़े?

याकूब 2:17

यूं करती विश्‍वास वी, अगर कर्म सहित ना हो तां आपणे सुभाव मां मरला आला छै।

याकूब 2:26

तां जिंवे देह आत्मा बिना मरली आली छै यूंही विश्‍वास वी कर्म बिना मरला आला छै।