1 कुरिन्थियां 15:10 - ओङ राजपूत

¹⁰ पर मैं जको कोच्छ वी छै, नरीकारा चे अनुग्रह लारे छै। ते ओचा अनुग्रह जको माये उपर हुला, ओ बेकार कोनी हुला। पर मैं वां सबकनु बधती कर मेहनत वी करली तां वी ईं माये तरफु कोनी हुले पर नरीकारा चे अनुग्रह लारे जको माये उपर हुता।

1 कुरिन्थियां 15:10 ပူးပေါင်းရင်းမြစ်များ

मत्ती 10:20

कांकि ब़ोलणे आले तम्ही कोनी, पर तम्चे ब़ा नरीकार चा आत्मा, तम्चे मां ब़ोले।

मत्ती 25:16

ते जानु पाँच घड़े मिड़ले हुते, ओणे तुरन्त जती कर वांचे लारे लेन-देन करला, ते ओणे पाँच घड़े नेरे कमाले।

रोमियां 11:1

ऐवास्ते मैं किहे कि, “का नरीकारा ने आपणी प्रजा नु छोड़ती ङिले?” कङी वी कोनी! मैं वी तां इस्राएली छै, अब्राहम चे वंश ते बिन्यामीन चे गोत्र महु छै।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 15:11

ऐवास्ते चाहे मैं छै, चाहे वे हो, अम्ही हाओ प्रचार करु, ते ऐचे उपर तम्ही विश्‍वास वी करला।

1 कुरिन्थियां 15:2

अगर तम्ही ओ सुसमाचार नु जको मैं तम्हानु सुणाला हुता ओचे मां बणले रिहा तां तम्चा उद्धार हुवी, ना तां तम्चे विश्‍वास करने बेकार छै।

1 कुरिन्थियां 3:10

नरीकारा चे ओ अनुग्रह चे अनुसार मैं ब़ुध्दिमान मिस्त्रीया आलीकर नीम घाली ते ङुजे ने ओचे उपर रद्दा मेहले पला, पर हर हेक इन्सान चौकस रिहो, कि ओ ओचे उपर किसड़ा रद्दा मेहले पला।

1 कुरिन्थियां 3:6

मैं राहले, अपुल्‍लोस ने पाणी लाले, पर नरीकारा ने बधाले।

1 कुरिन्थियां 4:7

कूण किहे कि तम्ही नेरा कनु श्रेष्ट छिवा? छै का तम्चे कनु, जको तम्हानु काये जरिये ङिले ना गेले हो, जब ईं तम्हानु काये जरिये ही ङिले गेले? तां तम्ही घमण्डा मां कां भरीजा, मनती गिहा कि ईं तम्हानु काये जरिये कोनी ङिले गेले?

2 कुरिन्थियां 12:11

मैं मूर्ख तां बणला, पर तम्ही मनु मजबूर करले, तम्हानु नु तां माई बढ़ाई करनी चाही छै, कांकि अगर मैं कोच्छ वी कोनी, तां वी वां प्रेरितां कनु कुई वी बाते मां कम कोनी जानु तम्ही बङे किहा।

2 कुरिन्थियां 3:5

ईं कोनी कि, अम्ही आपणे आप कनु ऐस लायक छिऊं कि, आपणे तरफु कुई बाते चा विचार कर सग़ु, पर अम्ची योग्यता नरीकारा ची ओर कनु छै।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 2:8

नरीकारा ने पतरस नु हेक प्रेरित चे रुप मां काम करने ची ताकत ङिली हुती, पतरस यहूदी लौका वास्ते हेक प्रेरित छै, नरीकारा ने मनु वी हेक प्रेरित चे रुप मां काम करने ची ताकत ङिली, पर मैं वां लौका चा प्रेरित छै जको नेरीया जातिया छी,

फिलिप्पियां 2:13

कांकि ओ नरीकारा ही छै जको वां कामा ची इच्छा ते वानु पूरा करने चा कर्म, जको नरीकारा नु भावी, तम्चे मां पैदा करे।

फिलिप्पियां 4:13

मसीह, जको मनु ताकत ङिये ओचे मां मैं सारीया दशा चा सामना कर सग़े।

1 थिस्सलुनीकियां 5:12

ते ओ माये भऊ ते ब़ेहणीया, अम्ही तम्हा कनु बिनती करु पले, कि जको तम्चे मां मेहनत करी वी, ते प्रभु मां तम्चे अग़ुवे छी, ते तम्हानु शिक्षा ङी, ते वानु मना।

1 तीमुथियुस 4:10

कांकि अम्ही घणी मेहनत ते जत्तन ऐवास्ते करु कि, अम्ची आस ओ जीते नरीकारा उपर छै, जको सारा बन्दा चा छै, ते खास करती कर विश्‍वास करने आला चा उद्धारकर्ता छै।