1 कुरिन्थियां 14:4 - ओङ राजपूत

⁴ वे जको नेरीया भाषा मां बाता करे, वे आपणी बढोतरी करी। पर जको भविष्यवाणीया करी, ओ कलीसिया ची बढोतरी करी।

1 कुरिन्थियां 14:4 ပူးပေါင်းရင်းမြစ်များ

मरकुस 16:17

जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले।

रोमियां 14:19

ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।

1 कुरिन्थियां 12:10

बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 13:1

अगर मैं इन्साना ते स्वर्ग़दूता ची ब़ोलीया ब़ोले ते प्रेम ना राखे, तां मैं टनटनाता हुला पित्तल, ते छिणकते हुले छिणकणे छै।

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 कुरिन्थियां 14:12

ऐवास्ते तम्ही वी जब आत्मिक वरदाना ची धोन्‍न मां छिवा, तां इसड़ा यतन करा कि तम्चे वरदाना ची बढोतरी लारे कलीसिया ची आत्मिक बढोतरी हो।

1 कुरिन्थियां 14:22

ऐवास्ते नेरीया भाषा विश्‍वासीया वास्ते चैन्ह कोनी, पर अविश्‍वासीया वास्ते चैन्ह छी, ते भविष्यवाणी अविश्‍वासीया वास्ते चैन्ह कोनी पर विश्‍वासीया वास्ते चैन्ह छी।

1 कुरिन्थियां 14:26

ऐवास्ते हे माये भऊ, का करने चाही छै? जिसे बेले तम्ही भेले हुवा, हर-हेक चे दिला मां भज़न, जा उपदेश, जा नेरीया भाषा, जा दर्शन, जा नेरीया भाषा चा मतलब बावड़ना रिहे सब कोच्छ आत्मिक बढोतरी वास्ते हुवणे चाही छै।

1 कुरिन्थियां 14:3

पर वे जको भविष्यवाणी करे, लौका ची आत्मिक बढोतरी शाबासी ते सब्रा नु उग़ते बधावे।

1 कुरिन्थियां 14:5

मैं चाहवे कि तम्ही सारे नेरीया भाषा मां बाता करा, पर ज्यादा ईं चाहवे कि भविष्यवाणीया करा कांकि अगर नेरीया भाषा ब़ोलणे आले चा कुई अनुवाद ना करो, तां भविष्यवाणी चा फायदा कलीसिया ची बढोतरी वास्ते ओकनु बढ़ती कर छै।