1 कुरिन्थियां 14:37 - ओङ राजपूत

³⁷ अगर कुई इन्सान आपणे आप नु भविष्यवक्‍ता जा आत्मिक जन समझो, तां ईं जाणती गिहो, कि जको बाता मैं तम्हानु लिखे पला, वे प्रभु चीया आज्ञा छी।

1 कुरिन्थियां 14:37 ပူးပေါင်းရင်းမြစ်များ

लूका 10:16

“जको तम्ची सुणे, ओ माई सुणे, ते जको तम्हानु तोच्छ जाणे, ओ मनु तोच्छ जाणे, ते जको मनु तोच्छ जाणे, ओ माये भेज़णे आले नु तोच्छ जाणे।”

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

1 कुरिन्थियां 14:29

भविष्यवक्‍ता महु ङोन जा तीन ब़ोलो, ते बाकि लौक वांचे वचना नु परखो।

1 कुरिन्थियां 14:36

का नरीकारा चा वचन तम्चे महु निकड़ला? जा सेर्फ तम्चे तक ही पुज़ला?

1 कुरिन्थियां 14:38

अगर कुई इन्सान ये सच्‍चाई नु ना मनी, तां ओनु तम्ही वी ना मना।

1 कुरिन्थियां 2:15

सेर्फ ओ, जको आत्मिक छै, हर हेक बाते ची परख करे, पर ओ आप काये कनु परखला ना जई।

1 कुरिन्थियां 3:1

हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी।

1 कुरिन्थियां 7:25

कुंवारीया चे बारे मां प्रभु ची कुई आज्ञा मनु कोनी मिड़ली पर विश्‍वासयोग हुवणे वास्ते जिसड़ी दया प्रभु ने माये उपर करली छै ओचे अनुसार आपणे तरफु केहणा चाहवे।

1 कुरिन्थियां 7:40

माये केहणे ईं छै वा असतरी जिसड़ी छै वा अगर इसड़ी ही रिहो तां वा होर वी धन्‍न छै। मैं ऐ विश्‍वासा लारे किहे पला कि माये मां वी नरीकारा ची आत्मा वास करे पली।

1 कुरिन्थियां 8:2

अगर कुई ईं समझे कि, “मैं कोच्छ जाणे,” तां वास्तव मां ओ हमा तक उसड़े जाण ही ना सग़ला जिसड़े जाणने ओचे वास्ते जरुरी छै।

2 कुरिन्थियां 10:12

कांकि अम्ची हा हिम्मत कोनी कि अम्ही आपणे आप नु वांचे लारे तुलना करु, जको आपणी तारीफ करी, आपणे आप नु आपस मां नापती तोलती कर मूर्ख बणती जई।

2 कुरिन्थियां 10:7

तम्ही यां बाता नु ङेखा, जको आंखी चे सामणे छी। अगर कानु आपणे खौद्द चे उपर हा भरोसा छै कि, “मैं मसीह चा छै,” ते ओ ईं वी जाणती गिहो कि, जिंवे ओ मसीह चा छै, यूंही अम्ही वी मसीह चे छिऊं।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

गलातियां 6:8

जको आपणे पापी शरीरा चे सुभाव लारे राहवे, ओ आपणे शरीरा लारे विनाश ची रहड़ बाढी, पर जको पवित्र आत्मा चे खेता मां बीज राहवी, ओह पवित्र आत्मा कनु अनन्त जीवन ची रहड़ बाढी।

2 पतरस 3:2

कि तम्ही वां बाता नु जको, पवित्र भविष्यवक्‍ता ने पेहले कनु केहलीया ते प्रभु ते उद्धारकर्ता ची वे आज्ञा नु ध्यान करा, जको तम्चे प्रेरितां चे जरिये ङिलीया गेलतीया।

1 यूहन्‍ना 4:6

अम्ही नरीकारा चे छिऊं। जको नरीकारा नु जाणे, ओ अम्ची सुणे, जको नरीकारा नु ना जाणी, ओ अम्ची ना सुणी। यूंही अम्ही सच्‍चाई ची आत्मा ते भ्रम ची आत्मा नु पिछाणती गिहुं।

यहूदा 1:17

ऐवास्ते हे प्यारे, तम्ही वां बाता नु याद राखा, जको अम्चे प्रभु ईशु मसीह चे प्रेरित पेहले कनु ही केहती चुकले।