1 कुरिन्थियां 14:3 - ओङ राजपूत

³ पर वे जको भविष्यवाणी करे, लौका ची आत्मिक बढोतरी शाबासी ते सब्रा नु उग़ते बधावे।

1 कुरिन्थियां 14:3 ပူးပေါင်းရင်းမြစ်များ

लूका 3:18

ओ ब़ोहत सारीया बाता नु समझाणे चे रूपा मां लौका नु सुसमाचार सुणाता रेहला।

प्रेरितां चे काम 13:15

व्यवस्था ते भविष्यवक्‍ता चा किताबा महु पढ़ने चे बाद प्राथनाघरा चे सरदारा ने वानु केहले, “हे माये भऊ, अगर लौका वास्ते तम्चे कनु उपदेश ङेणे वास्ते कुई वचन छी तां तम्ही सुणावा।”

प्रेरितां चे काम 14:22

ते वे चैला चे मना नु मजबूत करते रेहले ते हा उपदेश करते कि विश्‍वासा मां बणले रिहा, ते ईं केहते कि, “अम्हानु बङे क्लेश भोग़णे जरुरी छै नरीकारा चे राज़ मां जाणे वास्ते।”

प्रेरितां चे काम 15:32

यहूदा ते सीलास जको खौद्द वे आप ही भविष्यवक्‍ता हुते, घणीया बाता लारे भावां नु उपदेश सुणाती ते हिम्मत ब़न्धवाली।

प्रेरितां चे काम 4:36

ओठे यूसुफ नांवा चा हेक शक्स हुता जको साइप्रस मां पैदा हुला हुता ते लेवी गोत्र चा हुता। प्रेरित ओनु बरनबास (जाया मतलब “शान्ति ङेणे आला”)केहते।

प्रेरितां चे काम 9:31

यूं करती सारे यहूदिया, ते गलील, ते सामरिया, मां कलीसिया नु चैन मिड़ला, ते वांची बढ़ोतरी हुती गेली, ते वे प्रभु चे भय ते पवित्र आत्मा ची शान्ति मां टुरते ते बधते गेले।

रोमियां 12:8

जानु होंसला ब़न्धावणे चा वरदान मिड़ला, ओ होंसला ब़न्धाता रिहो, ते दान ङेणे आला खुले मना लारे दान करो, जको अगुवाई करे, ओ लगन लारे करो, जको दया करे, ओ खुशी लारे करो।

रोमियां 14:19

ऐवास्ते अम्ही वां बाता ची कोशिस करु, जाये लारे शान्ति मिलो ते हेके-ङुजे ची आत्मिक बढोतरी हो।

रोमियां 15:2

अम्चे महु हर-हेक नु विश्‍वासीया नु ओची भलाई वास्ते खौश करा, कि वांची आत्मिक बढोतरी हो।

1 कुरिन्थियां 10:23

मैं सब करने वास्ते आजाद छै पर सब कोच्छ भलाई वास्ते ना हुवी। मैं कोच्छ वी करने वास्ते आजाद छै पर सारीया चीजा लारे बढोतरी ना हुवी।

1 कुरिन्थियां 14:12

ऐवास्ते तम्ही वी जब आत्मिक वरदाना ची धोन्‍न मां छिवा, तां इसड़ा यतन करा कि तम्चे वरदाना ची बढोतरी लारे कलीसिया ची आत्मिक बढोतरी हो।

1 कुरिन्थियां 14:17

तु तां आच्छी तरह धन्यवाद करी, पर ङुजा ची बढोतरी ना हुवी।

1 कुरिन्थियां 14:26

ऐवास्ते हे माये भऊ, का करने चाही छै? जिसे बेले तम्ही भेले हुवा, हर-हेक चे दिला मां भज़न, जा उपदेश, जा नेरीया भाषा, जा दर्शन, जा नेरीया भाषा चा मतलब बावड़ना रिहे सब कोच्छ आत्मिक बढोतरी वास्ते हुवणे चाही छै।

1 कुरिन्थियां 14:31

कांकि तम्ही सारे हेक-हेक करती भविष्यवाणी कर सग़ा कि सारे सिखो, ते सारे शान्ति गे सग़ो।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

2 कुरिन्थियां 1:4

ओ अम्चे सारे ङुखा मां तसल्‍ली ङिये, ताकि अम्ही ओ तसल्‍ली चे वजह जको नरीकार अम्हानु ङिये, वानु वी तसल्‍ली ङे सग़ु जको हर-तरहा चे ङुखा मां छी।

2 कुरिन्थियां 2:7

ऐवास्ते ईं ठीक छै कि ओचा अपराध माफ करा, ते तसल्‍ली ङिया, कङी इसड़े ना हो कि इसड़े इन्सान उदासी मां ब़ुङती जाओ।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

इफिसियां 6:22

ओनु मैं तम्चे गोढु ऐवास्ते भेज़ले कि तम्ही अम्ची दशा जाणा, ते ओ तम्चे मना नु शान्ति ङियो।

कुलुस्सियां 4:8

ओनु मैं तम्चे गोढु ऐवास्ते भेज़ले कि तम्ही अम्ची दशा जाणा, ते ओ तम्चे दिला नु शान्ति ङियो।

1 थिस्सलुनीकियां 2:11

जिंवे तम्ही जाणा, कि जिंवे ब़ा आपणे ब़ाला लारे बर्ताव करे, यूंही अम्ही तम्चे महु हर हेक नु वी उपदेश करते, ते शान्ति ङिते, ते समझाते रेहते।

1 थिस्सलुनीकियां 2:3

कांकि अम्चा उपदेश तम्हानु समझाणे ची कोशिस करे पला, ना कि गुमराह करे ते ना अशुद्ध मना लारे, ते ना छल कप्पट लारे।

1 थिस्सलुनीकियां 3:2

ते अम्ही तीमुथियुस नु जको मसीह चे सुसमाचार मां अम्चा भऊ, ते नरीकारा चा सेवक छै, ऐवास्ते भेज़ले, कि ओ तम्हानु मजबूत करो, ते तम्चे विश्‍वास चे बारे मां तम्हानु समझाओ।

1 थिस्सलुनीकियां 4:1

तां, हे माये भऊ ते ब़ेहणीया, अम्ही तम्हा कनु बिनती करु पले, ते तम्हानु प्रभु ईशु मां समझाऊं पले, कि जिंवे तम्ही अम्हा कनु काबिल चाल चलणी, ते नरीकारा नु खौश करने सिखले, ते जिंवे तम्ही चला वी हुवा, यूंही होर वी बधते जावा।

1 थिस्सलुनीकियां 4:18

ते यूं करती यां बाता लारे हेके ङुजे नु शान्ति ङिले करा।

2 थिस्सलुनीकियां 3:12

इसड़ा नु अम्ही प्रभु ईशु मसीह मां आज्ञा ङिऊं ते समझाऊं पले, कि चोप-चाप काम करती कर आपणी ही रोटी खाले करा।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।

1 तीमुथियुस 4:13

जब तक मैं ना आवे, तब तक पवित्र वचन पढ़ती कर सुणावणे मां ते उपदेश ते सिखावणे मां लाग़ला रिहो।

1 तीमुथियुस 6:2

ते जाये स्वामी विश्‍वास करने आले छी, याहनु वे भऊ ते ब़ेहणी हुवणे ची वजह तोच्छ ना समझो, बल्कि वांची नेरी सेवा करो, कांकि ऐचे कनु फायदा चवणे आले विश्‍वास करने आले ते प्रेमी छी। जा बाता चा उपदेश करले कर ते समझाता रेह।

2 तीमुथियुस 4:2

कि तु वचन चा प्रचार कर, समय बे समय काम करने चे वास्ते तियार रेह, हर-तरीके चा सब्र, ते शिक्षा चे लारे उलाहणा ङे, ते दड़का ते बढ़ावा ङिती कर तसल्‍ली लारे समझा।

तीतुस 1:9

ते विश्‍वास चे लायक वचना उपर जको धर्मउपदेश चे अनुसार छै, मजबूत रिहो, कि खरी शिक्षा लारे उपदेश ङे सग़ो ते विवाद करने आला चे मुँह बन्द कर सग़ो।

तीतुस 2:15

पुरे अधिकारा लारे ये बाता केह, ते समझाता ते सिखाता रेह, कुई तनु तोच्छ ना जाण सग़ो।

तीतुस 2:6

यूंही जवान मर्दा नु वी समझाले कर, कि संयमी हो।

तीतुस 2:9

दासा नु समझा, कि आपणे आपणे मालिका चे अधीन रिहा, ते सारीया बाता मां वानु खौश राखा, ते उलटा उत्तर ना ङिया।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 13:22

हे माये भऊ, मैं तम्चे कनु बिनती करे पला कि ऐ हिम्मत चे उपदेश चीया बाता नु मनती गिहा, कांकि मैं तम्हानु ईं ब़ोहत थोड़े शब्दा मां लिखले छै।

इब्रानियां 3:13

पर जब तक ओ ङिओ, जानु “आज़” केहला जाये, अम्चे सामणे छै, हर हेक ङिओ हेके ङुजे ची हिम्मत ब़न्धाते रिहा, इसड़े ना हो कि तम्चे महु कुई वी पाप चे छल मां कठोर बणती जाओ।

1 पतरस 5:12

मैं सिलवानुस चे हाथे, जानु मैं विश्‍वासयोग भऊ समझे, साफ-साफ लिखती कर तम्हानु समझाले, ते हा ग़वाही ङिली छै कि नरीकारा चा सच्‍चा अनुग्रह हाओ छै। ऐचे मां मजबूत रिहा।

यहूदा 1:20

पर हे प्यारे, तम्ही आपणे अति पवित्र विश्‍वासा मां आग़ु बधते हुले ते पवित्र आत्मा मां प्राथना करते हुले,