1 कुरिन्थियां 13:8 - ओङ राजपूत

⁸ प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

1 कुरिन्थियां 13:8 ပူးပေါင်းရင်းမြစ်များ

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

प्रेरितां चे काम 19:6

ते जिसे बेले पौलुस ने वांचे उपर हाथ मेहले, ते वांचे उपर पवित्र आत्मा उतरती आला, ते वे अलग़-अलग़ भाषा ब़ोलु लाग़ती गेले ते भविष्यवाणीया करु लाग़ले।

प्रेरितां चे काम 2:4

वे सारे पवित्र आत्मा लारे भरीती गेले, जिंवे आत्मा ने वानु ब़ोलणे ची सामर्थ ङिली, वे अलग़-अलग़ भाषा ब़ोलु लाग़ले।

1 कुरिन्थियां 12:10

बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

1 कुरिन्थियां 13:10

पर जिसे बेले सर्वसिद्ध आवी, तां अधूरा मिटती जई।

1 कुरिन्थियां 13:13

पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 कुरिन्थियां 14:39

ऐवास्ते हे माये भऊ, भविष्यवाणी करने ची धोन्‍न मां रिहा ते नेरीया भाषा ब़ोलणे वास्ते मना ना करा।

1 कुरिन्थियां 8:2

अगर कुई ईं समझे कि, “मैं कोच्छ जाणे,” तां वास्तव मां ओ हमा तक उसड़े जाण ही ना सग़ला जिसड़े जाणने ओचे वास्ते जरुरी छै।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

इब्रानियां 8:13

नवीं वाचा ची स्थापना लारे ओणे पेहली वाचा नु पुराणी ठहराली ते जको चीज पुराणी ते जर्रती जाये विचे मिटती जाणे लाजमी छै।