1 कुरिन्थियां 13:5 - ओङ राजपूत

⁵ प्रेम ङुजा लारे गलत व्यवहार ना करी, स्वार्थी कोनी, झुंझलावी वी ना, ओ बुराई चा कुई हिसाब ना राखी।

1 कुरिन्थियां 13:5 ပူးပေါင်းရင်းမြစ်များ

मत्ती 5:22

पर मैं तम्हानु किहे कि जको कुई आपणे भावां उपर गुस्सा करे, ऊं कचेहरी मां ङण्ड चे लायक हुवी, ते जको कुई आपणे भावां नु निक्‍कमा किही, ऊं महासभा मां ङण्ड चे लायक हुवी। ते जको कुई आपणे भावां नु किहे अरे मूर्ख, नरीकार ओनु नर्क चे जाखते मां नाखती ङिही।

मत्ती 9:4

ईशु ने वांचे मना चीया बाता जाणती कर केहले, “तम्ही लौक आपणे-आपणे मना मां बुरा विचार कां करा पले?

मरकुस 3:5

ईशु ने वांचे मना ची कठोरता कनु उदास हुती कर, वानु क्रोध लारे चारो-तरफ ङेखले, ते ओ बन्दे नु केहले, “आपणा हाथ आग़ु बढ़ा।” ओणे बढ़ाला, ते ओचा हाथ ठीक हुती गेला।

लूका 7:39

ईं ङेखती कर, ओह फरीसी जेह्णे ओनु हकारले हुते आपणे मना मां सोचु लाग़ला, “अगर हा भविष्यवक्‍ता हुवीया तां जाणती गिहा कि जको ओनु हाथ लावे पली, वा कूण ते किसड़ी छै कांकि वा तां पापेण छै।”

1 कुरिन्थियां 10:24

तम्चे महु हर हेक आपणे भले चे ही ना पर ङुजा चे भले चा वी ध्यान राखो।

1 कुरिन्थियां 10:33

ठीक जिंवे मैं वी सब बाता मां सब नु खौश राखे ते मैं आपणे भले ची ना। पर ङुजा चे भले चा ध्यान राखे कि वे उद्धार गे सग़ो।

1 कुरिन्थियां 11:18

सबकनु पेहले तां ईं छै, कि जिसे बेले कलीसिया मां भेले हुवा, तां तम्चे मां फूट पड़ली रिहे। मैं कोच्छ-कोच्छ विश्‍वास वी करे।

1 कुरिन्थियां 12:25

कि शरीरा मां कुई फूट ना पड़ो, पर हर अंग हेके ङुजे चा ध्यान राखो।

1 कुरिन्थियां 7:36

अगर कुई ईं समझे कि ओ आपणी धूवे चा बीहा करने मां देर हुवे पली तां विचे लारे अन्याय करे पला कांकि विची उम्र ढले पली ओ विनु अनुमति ङियो ते परनीजु ङियो। हा कुई पाप कोनी।

2 कुरिन्थियां 5:19

यानिकि नरीकारा ने मसीह मां हुती कर आपणे लारे संसारा चा मेल-मिलाप करती गेला, ते वांचे पापा चा दोष वांचे उपर कोनी लाला, ते ओणे मेल-मिलाप चा वचन अम्हानु सोंपती ङिला।

गलातियां 5:13

हे माये भऊ, तम्ही आजाद हुवणे वास्ते हकारले गेले छिवा, पर इसड़े ना कि ये आजादी नु शरीरा चे कामा चे वास्ते मौका बणावा, बल्कि प्रेमा लारे हेके ङुजे चे दास बणा।

फिलिप्पियां 2:21

कांकि सब आपणे स्वार्थ चे बारे मां सोची, ना कि ईशु मसीह चे कामा चे बारे मां।

फिलिप्पियां 4:8

हे भऊ ते ब़ेहणीया, जको-जको बाता सच्‍च छी, ते जको-जको बाता आदरमान चा छी, ते जको-जको बाता वाजिब छी। ते जको-जको पवित्र छी,ते जको-जको बाता सुहावनीया छी, ते जको-जको बाता मन भावनीया छी। यानि जको सदगुण ते प्रशंसा चीया बाता छी, वांचे उपर ध्यान लाले करा।

2 थिस्सलुनीकियां 3:7

कांकि तम्ही आप जाणा, कि किसी रीति लारे अम्ची जिसड़ी चाल चलणी चाही छै, कांकि अम्ही जिसे बेले तम्चे बीच मां हुते आलसी कोनी हुते।

2 तीमुथियुस 2:10

ऐह वजह कनु मैं चुणला आला बन्दा चे वास्ते सारे कोच्छ सहन करे पला, कि वे ओ उद्धार नु जको ईशु मसीह मां छै, हमेशा ची महिमा नु पाओ।

2 तीमुथियुस 4:16

माये पेहले प्रतिवाद चे बेले किह्णी वी माया साथ कोनी ङिला, बल्कि सब ने मनु छोड़ती ङिले हुते। भले हो कि ऐचा वानु लेखा ङेणा ना पड़ो।

याकूब 1:19

हे माये प्यारे भऊ, हा बात तम्ही जाणती गिहा। हर हेक बन्दे सुणने वास्ते तियार, ते ब़ोलणे वास्ते मठे, ते क्रोधा मां मधम हो,