1 कुरिन्थियां 13:3 - ओङ राजपूत

³ अगर मैं आपणी सारी जायजात कंगाला नु बांटती ङिये ते आपणे शरीर भसम हुवणे वास्ते बलिदान करती ङिये, पर प्रेम ना राखे, तां मनु कुई फायदा कोनी।

1 कुरिन्थियां 13:3 ပူးပေါင်းရင်းမြစ်များ

मत्ती 23:5

वे आपणे सारे काम लौका नु ङिखाणने वास्ते करी। वे आपणे तवीजा नु चौड़े करी ते जको ठोङा उपर ते हाथा उपर ब़ांधी, ते आपणे चोला चे कूणे बधावी, ताकि बन्दी वानु धर्मी समझो!

लूका 18:22

ईं सुणती कर ईशु ने ओनु केहले, “दुधे मां हेक बाते ची कमी छै, जा आपणे सब कोच्छ बेचती कर कंगाला नु ङे, ते तनु स्वर्ग़ा मां धन मिली, ते आती कर माये भांसु टुरती पड़।”

लूका 18:28

पतरस ने केहले, “ङेख, अम्ही तां घर ब़हार छोड़ती कर दुधे भांसु टुरती पले।”

लूका 19:8

जक्‍कई ने प्रभु नु भिले रेहती कर केहले, “हे प्रभु, ङेख, मैं आपणी आधी जायजात कंगाला नु ङिये पला, ते अगर काये कोच्छ वी अन्याय करती कर गेहले तां ओनु मैं चार गुणा पुठा फेरती ङिही।”

यूहन्‍ना 12:43

कांकि लौका ची वाह-वाह वानु नरीकारा ची प्रशंसा कनु ज्यादा प्यारी लाग़ती।

यूहन्‍ना 13:37

पतरस ने ओनु केहले, “हे प्रभु, हमा मैं दुधे भांसु कां ना आ सग़ी? मैं तां दुधे वास्ते आपणी जान वी ङिती ङिही।”

यूहन्‍ना 15:13

ऐकनु बङा प्रेम काया वी कोनी कि कुई आपणे मित्रा वास्ते आपणी जान ङिये।

यूहन्‍ना 6:63

नरीकारा ची आत्मा छै जको जीवन ङिये, शरीरा चे कामा लारे कुई फायदा कोनी। वचन जको मैं तम्हानु केहले, वे आत्मिक जीवन ङी।

प्रेरितां चे काम 21:13

पर पौलुस ने उत्तर ङिला, “तम्ही ईं का करा पले, यूं रोती-रोती कर माये देल तरोड़ा पले? मैं तां यरुशलेम मां ना हेको ब़झणे चे वास्ते बल्कि, प्रभु ईशु चे नांवा वास्ते मरणे वास्ते वी तियार छै।”

गलातियां 5:26

ना ही अम्ही घमण्डी, ना तां हेके ङुजे नु चिड़ावा, ना हेके ङुजे लारे गैरत करा।

फिलिप्पियां 2:3

आपणे स्वार्थ जा कूड़ी बढ़ाई वास्ते कहीं ना करा, पर नरमाई लारे हेके ङुजे नु आपणे कनु आच्छे समझा।

1 तीमुथियुस 4:8

कांकि कसरत लारे शरीरा नु थोड़ा फायदा तां हुवे वे, पर नरीकारा ची भग़ती सारीया बाता चे वास्ते लाभदायक छै, कांकि ऐ समय ची ते आणे आले जीवन ची आशीषा ची प्रतिज्ञा ऐचे वास्ते छै।

इब्रानियां 13:9

बदड़ली आली विचित्र प्रकार ते अणजाण शिक्षा चे बहकावे मां ना बहकजा। दिला वास्ते सही छै कि ऊं अनुग्रह चे जरिये मजबूत करले जाओ, ना कि खाणे चे चीजा जरिये, खान-पान चे सम्बन्धी प्रथा चे जरिये काये भले कोनी हुले।