1 कुरिन्थियां 13:2 - ओङ राजपूत

² ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

1 कुरिन्थियां 13:2 ပူးပေါင်းရင်းမြစ်များ

मत्ती 13:11

ओणे उत्तर ङिला, “तम्हानु तां स्वर्ग़ चे राज़ चे भेदा ची समझ ङिली गेली, पर वानु कोनी।

मत्ती 17:20

ओणे वानु केहले, “आपणे विश्‍वास ची कमी ची वजह, कांकि मैं तम्हानु सच्‍च किहे पला, अगर तम्हानु राई चे ङाणे चे बराबर वी विश्‍वास हो, तां ऐ पहाड़ा नु केह सग़ा, ‘इठु सरकती कर ओठे चाह्‍ला जा’ तां ओ चाह्‍ला जई, नेरी कुई बात तम्चे वास्ते असम्भव नी हुवी।

मत्ती 21:19

ओ सड़के चे किनारे अंजीरा चे दरख्त ङेखती कर गोढु गेला, ते पाना नु छोड़ती ओचे मां नेरे कहीं ना ङेखती कर ओनु केहले, “हमा कनु दुधे मां बल्ति कङी फल ना लाग़ो।” ते अंजीरा चे दरख्त तुरन्त सूखती गेले।

मत्ती 21:21

ईशु ने वानु उत्तर ङिला, “मैं तम्हानु सच्‍च किहे पला, अगर तम्ही विश्‍वास राखा ते शक्‍क ना करा, तां ना सेर्फ ईं करा जको ऐ अंजीरा चे दरख्ता लारे करले गेले, पर अगर ऐ पहाड़ा नु वी किहा, ‘उखड़ती जा, ते समुन्दरा मां जती पड़,’ तां ईं हुती जई।

प्रेरितां चे काम 13:1

अन्ताकिया शहरा ची कलीसिया मां कई भविष्यवक्‍ता ते उपदेशक हुते, बरनबास, ते शमौन जाये ङुजे नां नीगर हुते, ते लूकियुस कुरेनी, ते मनाहेम जको चौथाई देश चे राजा हेरोदेस चा मित्र हुता, ते शाऊल।

रोमियां 11:25

हे माये भऊ, कङी इसड़े ना हो, कि तम्ही आपणे नु ब़ुध्दिमान समझती गिहा, ऐवास्ते मैं ना चाहवी कि तम्ही ऐ भेद कनु अणजाण रिहा, कि जब तक नेरीया जातिया पुरी तरह मसीह मां आती ना जई, तब तक इस्राएल चा हेक हेंस्सा इसड़ा ही कठोर रिही।

रोमियां 15:14

हे माये भऊ, मैं आप वी खौद्द तम्चे बारे मां पक्‍के ही जाणे कि, तम्ही आप ही भलाई लारे भरीले आले छिवा ते ज्ञान मां भरपूर छिवा ताकि हेके-ङुजे नु समझा सग़ा।

रोमियां 16:25

हमा जको तम्हानु माया सुसमाचार यानिकि ईशु मसीह चे सनेसे चे प्रचार चे अनुसार मजबूत कर सग़े, ओ भेद चे प्रकाश चे अनुसार जको सनातन कनु लुकला रेहला,

1 कुरिन्थियां 11:4

जको मर्दा चे प्राथना जा भविष्यवाणी करते बेले आपणे ठोङ ढकली राखणे आपणे मसीह चा अपमान करने छै।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 13:1

अगर मैं इन्साना ते स्वर्ग़दूता ची ब़ोलीया ब़ोले ते प्रेम ना राखे, तां मैं टनटनाता हुला पित्तल, ते छिणकते हुले छिणकणे छै।

1 कुरिन्थियां 13:3

अगर मैं आपणी सारी जायजात कंगाला नु बांटती ङिये ते आपणे शरीर भसम हुवणे वास्ते बलिदान करती ङिये, पर प्रेम ना राखे, तां मनु कुई फायदा कोनी।

1 कुरिन्थियां 13:8

प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

1 कुरिन्थियां 14:29

भविष्यवक्‍ता महु ङोन जा तीन ब़ोलो, ते बाकि लौक वांचे वचना नु परखो।

1 कुरिन्थियां 14:39

ऐवास्ते हे माये भऊ, भविष्यवाणी करने ची धोन्‍न मां रिहा ते नेरीया भाषा ब़ोलणे वास्ते मना ना करा।

1 कुरिन्थियां 14:4

वे जको नेरीया भाषा मां बाता करे, वे आपणी बढोतरी करी। पर जको भविष्यवाणीया करी, ओ कलीसिया ची बढोतरी करी।

1 कुरिन्थियां 15:51

ङेखा, मैं तम्हानु भेद ची बात किहे पला, कि अम्ही सारे तां नी मरु, पर अम्चा सारा चा रुप बदलती जई।

1 कुरिन्थियां 16:22

अगर कुई प्रभु लारे प्रेम ना राखो तां ऊं श्रापित हो। अम्चा प्रभु आणे आला छै।

1 कुरिन्थियां 4:1

सही तां ईं हुवी कि अम्हानु मसीह ईशु चा भण्डारी हेकमात्र समझले जाओ, जानु नरीकारा चे भेदा ची जिम्मेवारी सोंपली गेली छै,

1 कुरिन्थियां 7:19

ना खतना कोच्छ छै ते ना खतनारहित। पर नरीकारा चीया आज्ञा नु मनणे ही सब कोच्छ छै।

1 कुरिन्थियां 8:4

तां मूर्तिया चे सामणे बलि करली हुलीया चीजा नु खाणे चे बारे मां अम्ही जाणु कि सारे संसारा मां किठी वी मूर्तिया नरीकार कोनी ते हेक चे अलावा नेरा कुई नरीकार कोनी छै।

2 कुरिन्थियां 12:11

मैं मूर्ख तां बणला, पर तम्ही मनु मजबूर करले, तम्हानु नु तां माई बढ़ाई करनी चाही छै, कांकि अगर मैं कोच्छ वी कोनी, तां वी वां प्रेरितां कनु कुई वी बाते मां कम कोनी जानु तम्ही बङे किहा।

गलातियां 5:16

पर मैं किहे पला, तम्ही पवित्र आत्मा चे अनुसार चला, तां तम्ही शरीरा ची बुरी लालसा उपर काबु कर सग़ा।

गलातियां 5:22

पर आत्मा चा फल प्रेम, आनन्द, शान्ति, धीरज, कृपा, भलाई, विश्‍वास चे लायक,

गलातियां 6:3

कांकि अगर कुई आपणे आप नु कहीं समझे, ते ऊं कहीं वी कोनी छै, तु ऊं आपणे आप नु धोक्‍का ङिये

इफिसियां 3:4

जानु पढ़ती तम्ही समझती गेले वी कि मैं मसीह चे भेद किठे तक समझती गेला।

इफिसियां 6:19

माये वास्ते वी प्राथना करा, कि मनु ब़ोलते बेले इसड़ा ताकत भरला वचन मिलो, कि मैं हिम्मती चे लारे सुसमाचार चे भेदा नु बावड़ सग़े।

कुलुस्सियां 1:26

यानि ओ भेदा नु समय ते पीढ़ीया कनु गुप्त राखले, पर हमा ओचे वां पवित्र लौका उपर प्रकट हुला।

1 तीमुथियुस 3:16

ते ऐचे मां कुई शक्‍क कोनी, कि भग़ती चा भेद गम्भीर छै, यानिकि मसीह जको शरीरा मां प्रकट हुला, पवित्र आत्मा मां धर्मी सेद्ध ठहरला, स्वर्ग़दूता नु ङिसला, नेरीया जातिया मां ओचा प्रचार हुला, संसारा मां ओचे उपर विश्‍वास करला गेला, ते महिमा मां उपर चवीला गेला।

1 यूहन्‍ना 4:8

जको प्रेम ना राखी, ऊं नरीकारा नु ना जाणी, कांकि नरीकार प्रेम छै।