1 कुरिन्थियां 13:13 - ओङ राजपूत

¹³ पर हमा विश्‍वास, आस, प्रेम ये तीन टिकाऊं छी, पर यांचे महु सबकनु बङा प्रेम छै।

1 कुरिन्थियां 13:13 ပူးပေါင်းရင်းမြစ်များ

लूका 10:27

ओणे उत्तर ङिला, “तु प्रभु आपणे नरीकारा लारे आपणे सारे मन, ते आपणे सारे प्राण, ते आपणी सारी ताकत, ते आपणी सारी ब़ुध्दि लारे प्रेम राख, ते आपणे पड़ोसीया लारे आपणे समान प्रेम राख।”

लूका 22:32

पर मैं दुधे वास्ते बिनती करली कि दुधा विश्‍वास जता ना रिहो, ते जिसे बेले तु फिरी, तां आपणा भावां नु विश्‍वास मां मजबूत करियो।”

रोमियां 15:13

ऐवास्ते नरीकार जको आस चा दाता छै, तम्हानु विश्‍वास करने मां ते हर-तरहा ची खुशी ते शान्ति लारे भरती नाखो, कि पवित्र आत्मा ची सामर्थ लारे तम्ची आस बधती जाओ।

1 कुरिन्थियां 14:1

ऐवास्ते प्रेम चा सुभाव राखते हुले, आत्मिक वरदाना ची धोन्‍न मां रिहा, खास करती भविष्यवाणी चे वरदाना ची।

1 कुरिन्थियां 16:14

तां हर हेक काम प्रेमभाव लारे ही करा।

1 कुरिन्थियां 3:14

जाये काम वे नीम उपर बणले आले मजबूत रिही, ऊं मजदूरी गिही।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 8:3

पर अगर कुई नरीकारा लारे प्रेम राखे, तां ओनु नरीकार पिछाणती गिहे।

2 कुरिन्थियां 5:10

कांकि जरुरी छै कि, अम्चे सारा चा हाल मसीह चे न्यां आसण चे सामणे खुलती जाओ, कि हर हेक इन्सान आपणे आपणे बुरे-भले कामा चा बदला जको ओणे आपणे शरीरा चे अनुसार करले ओ भोग़ो।

2 कुरिन्थियां 5:15

ते मसीह सब वास्ते मरला कि जको जीते छी, वे आग़ु चे वास्ते आपणे वास्ते ना जियो, पर ओचे वास्ते जियो जको वांचे वास्ते मरला ते बल्ति कनु जीता हुला।

गलातियां 5:6

मसीह ईशु मां ना खतना ते ना बिना खतना कुई कामा चा छै, पर सेर्फ विश्‍वास, जको प्रेम चे जरिये असर नाखे।

फिलिप्पियां 1:9

मैं हाओ प्राथना करता रिहे कि आपस मां तम्चा सच्‍चा प्रेम, ज्ञान, ते पुरी समझ सहित ओर वी बधता जाओ,

कुलुस्सियां 1:27

जाये उपर नरीकारा ने प्रकट करने चाह्‍ले, कि वानु पता लाग़ो कि सारे लौका मां ओ भेदा ची कीमत चा धन का छै? ते वा हाओ छै, कि मसीह जको महिमा ची उम्मीद छै वा तम्चे मां बणली रिहो।

कुलुस्सियां 1:5

ईं वे उम्मीद ते प्रेम चे वजह हुले जको तम्चे वास्ते स्वर्ग़ा मां पली छै, जाई चर्चा तम्ही ओह सुसमाचार चे सच्‍चे वचना मां सुणती चुकले।

कुलुस्सियां 3:14

यां सारा चे उपर जको प्रेम नु धारण करती गिहा जको प्रेम सारा नु एकता मां ब़ांधे।

1 थिस्सलुनीकियां 1:3

ते आपणे नरीकार ते ब़ा चे सामणे तम्चे विश्‍वास चे काम, ते प्रेम ची मेहनत, ते अम्चे प्रभु ईशु मसीह मां आशा ची धीरता नु लगातार प्राथना मां याद करु।

1 थिस्सलुनीकियां 5:8

पर अम्ही तां ङिहां चे छिऊं, ऐवास्ते अम्हानु आपणे आप नु बसा मां राखणे चाही छै, विश्‍वास ते प्रेम ची झिलम घालती कर ते उद्धार ची आस चा टोप घालती कर चौकस रिहा।

1 तीमुथियुस 1:5

आज्ञा चा निचोड़ हा छै, कि शोद्ध मन ते आच्छा विवेक, ते बिना कप्पट करले विश्‍वास लारे प्रेम पैदा हुला हो।

2 तीमुथियुस 1:7

कांकि नरीकारा ने अम्हानु ङरा ची आत्मा कोनी पर ताकत, ते प्रेम, ते सब्र करने ची आत्मा ङिली।

इब्रानियां 10:35

ऐवास्ते आपणी हिम्मत ना छोड़ा कांकि ओचा प्रतिफल बङा छै।

इब्रानियां 10:39

पर अम्ही भांसु हटणे आले कोनी, कि नाश हुती जऊं, पर विश्‍वास करने आले छिऊं, कि जान बचाऊं।

इब्रानियां 6:11

पर अम्ची हाओ इच्छा छै कि तम्चे महु हर हेक जणे अन्त तक इसड़ा ही यतन करते रिहो, ताकि तम्ही ओनु पक्‍के गे सग़ा जाई तम्हानु आस छै।

इब्रानियां 6:19

वा आस अम्चे प्राण वास्ते इसड़ा लंगर छै जको टिकाऊं ते मजबूत छै, जको पड़दे चे भीतर अति पवित्र स्थान तक पुज़ती जाये,

1 पतरस 1:21

जको ओचे जरिये ओ नरीकारा उपर विश्‍वास करा, जेह्णे ओनु मरले आला महु जीते करले, ते महिमा ङिली, कि तम्चा विश्‍वास ते उम्मीद नरीकारा उपर हो।

1 यूहन्‍ना 2:10

जको कुई आपणे भावां लारे प्रेम राखे ऊं सोज़ले मां टुरे, ओचे जीवन मां इसड़ी कुई गलती कोनी जाकनु कुई ठोकर खा सग़े।

1 यूहन्‍ना 2:14

हे ब़ाला आले, मैं तम्हानु ऐवास्ते लिखले कि जको शुरु कनु छै तम्ही ओनु जाणती गेले। हे जवानु, मैं तम्हानु ऐवास्ते लिखले कि तम्ही ताकतवार छिवा, नरीकारा चे वचना उपर तम्ही हमेशा ध्यान ङिला, ते तम्ही ओ दुष्टा उपर जय पाली।

1 यूहन्‍ना 2:24

जको बात तम्ही शुरु कनु सुणली, वा तम्चे मां हुवणी चाही छै, अगर वा तम्चे मां हुवी, तां तम्ही वी पूता मां ते ब़ा मां बणले रिहा,

1 यूहन्‍ना 3:3

जको कुई ईशु मसीह कनु इसड़ी आस राखे, ओ आपणे आप नु उसड़े ही पवित्र करो जिसड़ा ओ छै।

1 यूहन्‍ना 3:9

जको कुई नरीकारा कनु जमले ऊं पाप ना करी, कांकि ओचे बीज वांचे मां बणले रिहे, ते ऊं पाप कर ही ना सग़ी कांकि नरीकारा कनु जमले।