1 कुरिन्थियां 12:9 - ओङ राजपूत

⁹ ते कानु वेही आत्मा लारे विश्‍वास ते कानु वेही हेक आत्मा लारे चंगाई करने चा वरदान ङिला जाये।

1 कुरिन्थियां 12:9 ပူးပေါင်းရင်းမြစ်များ

मत्ती 10:8

बिमारा नु ठीक करा, मरला आला नु जीते करा, कोहड़ीया नु शोद्ध करा, दुष्टात्मा नु काढ़ा। तम्ही मुफ्त मां गेला, ते मुफ्त मां ङिया।

मत्ती 21:21

ईशु ने वानु उत्तर ङिला, “मैं तम्हानु सच्‍च किहे पला, अगर तम्ही विश्‍वास राखा ते शक्‍क ना करा, तां ना सेर्फ ईं करा जको ऐ अंजीरा चे दरख्ता लारे करले गेले, पर अगर ऐ पहाड़ा नु वी किहा, ‘उखड़ती जा, ते समुन्दरा मां जती पड़,’ तां ईं हुती जई।

मरकुस 16:18

वे आपणे हाथा मां नाग़ा नु पकड़ती गिहे ते वे अगर जहर वी पीती गिहे तां वांची कहीं वी हानि नी हुवी, वे बिमारा उपर आपणे हाथ मेहले, ते वे ठीक हुती जाये।”

मरकुस 6:13

ते ब़ोहत सारीया दुष्टात्मा नु काढ़ले, ते ब़ोहत सारे बिमारा नु जैतून चे तेल लाती कर ठीक करले।

लूका 10:9

उठले बिमारा नु ठीक करा ते वानु किहा, ‘नरीकारा चा राज़ तम्चे गोढु आती पुज़ला।’

लूका 9:2

ते वानु नरीकारा चे राज़ चा प्रचार करने ते बिमारा नु ठीक करने चे वास्ते भेज़ले।

प्रेरितां चे काम 10:38

नरीकारा ने किसी रीति लारे ईशु नासरी नु पवित्र आत्मा ते सामर्थ लारे अभिषेक करले, ओ भलाई करता, ते सारा नु जको शैताना चे सताले आले हुते, ठीक करता फिरला, कांकि नरीकार ओचे लारे हुता।

प्रेरितां चे काम 5:15

इठे तक कि लौक बिमारा नु सड़का उपर आणती आणती कर, खाटा ते तङीया उपर लिटाती ङिते, कि जिसे बेले पतरस आओ, ओची छां ही वांचे महु काये उपर पड़ती जाओ।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 12:30

का सारा नु चंगाई करने चा वरदान मिड़ला आला छै? का सारा नु नेरी भाषा ब़ोलणे ची भरपूरी ङिली गेली? का सब नु नेरी भाषा चा अनुवाद करने चा वरदान मिड़ला आला छै?

1 कुरिन्थियां 13:2

ते अगर मैं भविष्यवाणी कर सग़े, ते सारे भेद ते सब तरह चे ज्ञान नु समझे, ते माया विश्‍वास इसड़ा मजबूत हो कि माये वचना लारे पहाड़ आपणी जग़हा कनु हटती जाओ, पर प्रेम ना राखे, तां मैं कोच्छ वी कोनी।

2 कुरिन्थियां 4:13

ऐवास्ते कि अम्चे मां वाहो विश्‍वास ची आत्मा छै, जाये बारे मां लिखले पले कि, “मैं विश्‍वास करला, ऐवास्ते मैं केहले,” तां अम्ही वी विश्‍वास करु, ऐवास्ते ब़ोलु।

इफिसियां 2:8

कांकि तम्ही विश्‍वास करला ते नरीकारा ची दया लारे तम्चा उद्धार हुला। हा तम्चे तरफु कोनी, बल्कि नरीकारा चा दान छै।

इब्रानियां 11:33

यांणे विश्‍वासा लारे राज़ जीतले, धार्मिकता चे काम करले, वायदे करले आलीया चीजा गेहलीया, शेरा चे मुँह बन्द करले,