1 कुरिन्थियां 12:2 - ओङ राजपूत

² तम्ही ये बाते नु जाणा, कि जिसे बेले तम्ही अविश्‍वासी हुते, तां गूंगीया मूर्तिया मां भांसु जिंवे चलाले जते यूंही चलते रेहते।

1 कुरिन्थियां 12:2 ပူးပေါင်းရင်းမြစ်များ

मत्ती 15:14

वानु जऊं ङिया, वे अन्धे मार्ग़दर्शक छी। ते अगर अन्धा, अन्धे नु मार्ग़ ङिखाणे तां ङोनी ही खङे मां ढेती पड़े।”

1 कुरिन्थियां 6:11

ते तम्चे महु कोच्छ इसड़े ही हुते। पर हमा तम्ही धुपती कर शोद्ध हुती गेले प्रभु ईशु मसीह चे नांवा लारे ते अम्चे नरीकारा ची आत्मा चे जरिये करले गेले कामा चे नतीजे लारे धर्मी घोषित करले गेले ही छिवा।

गलातियां 4:8

पेहले तां तम्ही नरीकारा ना जाणती कर तां वांचे दास हुते, जको सुभाव मां नरीकार कोनी हुते?

1 थिस्सलुनीकियां 1:9

कांकि वे आप ही अम्चे बारे मां बावड़ी कि तम्चे गोढु अम्चे आवणे किसड़े हुले, ते तम्ही कांकि मूर्ता कनु नरीकारा ची तरफ फिरले ताकि जीते ते सच्‍चे नरीकारा ची सेवा करा

तीतुस 3:3

कांकि अम्ही वी पेहले, बेअक्‍कल, ते आज्ञा ना मनणे आले, ते वहमा मां ढेले आले, ते हर हेक रंगा ची इच्छा ते सोख भोग़णे चे गुलाम हुते, ते बैरबन्दी, ते खार खाणे मां जीन्दगी गुजारते, ते किज़ड़े हुते, ते हेके ङुजे लारे बैर राखते।

1 पतरस 1:18

कांकि तम्ही जाणा, कि तम्चा निक्‍कमा चाल-चलन जको ङाङा-ब़ा कनु चड़ला आवे ओचे कनु तम्चा छुटकारा चान्दी सोने यानिकि नाशवान चीजा चे जरिये कोनी हुला,

1 पतरस 4:3

कांकि पेहले तम्ही नेरीया जातिया आलीकर जीवन बीताते, जिंवे बुरी इच्छा चे अनुसार काम करने, ते लोचपण, ते मतवालापन, व्यभिचार, ते पियक्‍कड़पन, ते किज़ड़ी मूर्तिपूजा मां जिठे पेहले समय गुजारला ओही ब़ोहत छै।