1 कुरिन्थियां 12:18 - ओङ राजपूत

¹⁸ पर सच्‍चमां नरीकारा ने अंगा नु आपणी इच्छा चे अनुसार हेक-हेक करती शरीरा मां राखले।

1 कुरिन्थियां 12:18 ပူးပေါင်းရင်းမြစ်များ

लूका 10:21

ओही बेले ईशु पवित्र आत्मा मां हुती कर खुशी लारे भरीती गेला, ते केहले, “हे ब़ा, स्वर्ग़ ते धरती चा प्रभु, मैं दुधा धन्यवाद करे पला कि तु यां बाता नु ज्ञानीया ते समझदारा कनु लुकाती राखलीया, ते ब़ाला उपर प्रकट करलीया। हव्वे, हे ब़ा, कांकि तनु ईं आच्छे लाग़ले।

लूका 12:32

“हे छोटा झोण्ड ना ङर, कांकि तम्चे ब़ा नरीकारा नु खुशी छै ते ईं भावे कि तम्हानु राज़ ङियो।

रोमियां 12:3

कांकि मैं ओ अनुग्रह चे वजह जको मनु मिड़ला, तम्चे महु हर-हेक नु किहे पला, कि जिसड़े समझणे चाही छै, ओचे कनु बढ़ती कर आपणे-आप नु ना समझो, पर जिसड़े नरीकारा ने हर-हेक नु काबलीयत चे अनुसार बांटती ङिले, उसड़े ही ओचे अनुसार आपणे-आप नु समझणे चाही छै।

रोमियां 12:6

ते जबकि ओ अनुग्रह चे अनुसार जको अम्हानु ङिला गेला, अम्हानु अलग़-अलग़ वरदान मिड़ले, तां जानु भविष्यवाणी चा वरदान मिड़ला आला हो, ओ विश्‍वासा चे अनुसार भविष्यवाणी करो।

1 कुरिन्थियां 12:11

पर ये सारे काम ओही हेक पवित्र आत्मा करवावे ते जानु जको चाहवे ओ बांटती ङिये।

1 कुरिन्थियां 12:17

सारे शरीर आंख ही हुवीया, तां सुणने किठु हुवीया? अगर सारे शरीर कान हुवीया, तां सूंघणे किठु हुवीया?

1 कुरिन्थियां 12:19

अगर वे सब हेक ही अंग हुवीया, तां शरीर ना हुवीया।

1 कुरिन्थियां 12:24

बल्ति वी अम्चे शोभामान अंगा नु ऐची कुई जरुरत कोनी पर नरीकारा ने शरीरा नु इसड़े बणाले ङिले कि जिसे अंगा नु कमी हुती ओचा होर वी ब़ोहत कद्दर हो।

1 कुरिन्थियां 12:28

कलीसिया मां नरीकारा ने हर हेके नु अलग़-अलग़ पद्दवी ङिली, पेहले प्रेरितां नु, ङुजे भविष्यवक्‍ता, नु तीजे शिक्षका नु, ते ऐचे बाद सामर्थ चे काम करने आले, बल्ति चंगाई करने आले, ते भलाई करने आले, अगुवाई करने आले, ते नेरी भाषा ब़ोलणे आला ची भरपूरी ङिली।

1 कुरिन्थियां 15:38

पर नरीकार आपणी इच्छा चे अनुसार ओनु शरीर ङिये हर-हेक बीजा नु ओचे आपणे खास शरीर,

1 कुरिन्थियां 3:5

अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले।

इफिसियां 1:5

प्रेम मां नरीकार ची आपणी मर्जी लारे अम्हानु बणाले कि ईशु मसीह मां अम्ही गोद गेहले आले नरीकारा चे पूत रिहुं, ओही ओचा मकसद ते खुशी हुती।

इफिसियां 1:9

कांकि ओणे आपणी इच्छा चा भेद, ओ बेले कामा चे अनुसार अम्चे उपर उजागर करला, जानु ओणे आपणे आप मां मसीह मां तय करती गेलते।

प्रकाशितवाक्य 4:11

“हे अम्चे प्रभु, ते नरीकार, तु ही महिमा, ते आदर, ते सामर्थ चे जोगा छी। कांकि तु ही सब चीजा सृजलीया ते वे दुधी ही इच्छा लारे हुतीया ते सृजलीया गेलीया।”