1 कुरिन्थियां 12:10 - ओङ राजपूत

¹⁰ बल्ति कानु सामर्थ चे काम करने ची ताकत ते कानु भविष्यवाणी करने ची ते कानु सब आत्मा ची परख ते कानु कई तरह ची भाषा ते कानु भाषा चा मतलब बावड़ना।

1 कुरिन्थियां 12:10 ပူးပေါင်းရင်းမြစ်များ

मरकुस 16:17

जको माये उपर विश्‍वास करी, ओचे मां ये चैन्ह हुवे, वे माये नांवा उपर दुष्टात्मा नु काढ़े, वे नवींया-नवींया ब़ोलीया ब़ोले।

मरकुस 16:20

ईशु चे चैला ने हर जग़हा जती प्रचार करला। ते प्रभु वांचे लारे काम करता रेहला, ते वां चैन्हा चे जरिये जको लारे-लारे हुवी पलते, वचना नु दृढ करता रेहला। आमीन।

लूका 24:49

ते ङेखा, जको वायदा माये ब़ा ने करला, मैं ओनु तम्चे उपर उतारी। ते जब तक स्वर्ग़ कनु सामर्थ ना गिहा, तब तक तम्ही ऐह शहरा मां रुकले रेहजा।”

यूहन्‍ना 14:12

मैं तम्हानु सच्‍च-सच्‍च किहे कि जको माये उपर विश्‍वास राखे, ये कामे जको मैं करे, ऊं वी करी, यानि याकनु वी बङे काम करी, कांकि मैं ब़ा चे गोढु जाये पला।

यूहन्‍ना 16:13

पर जब ओ यानिकि सच्‍चाई चा आत्मा आवी, तां तम्हानु सारा सच्‍चाई चा मार्ग़ बावड़ी, कांकि ओ आपणे तरफु नी किही पर जको कोच्छ सुणी ऊंही किही, ते आणे आलीया बाता तम्हानु बावड़ी।

प्रेरितां चे काम 1:8

पर जिसे बेले पवित्र आत्मा तम्चे उपर आवी तब तम्हानु सामर्थ मिली ते यरुशलेम ते सारे यहूदिया ते सामरिया मां ते धरती चे सिरे तक माये ग़वाह हुवे।”

प्रेरितां चे काम 11:27

वां ङिहां मां कई भविष्यवक्‍ता यरुशलेम कनु अन्ताकिया मां आले।

प्रेरितां चे काम 11:28

वांचे महु अगबुस नांवा चे हेके ने खड़े हुते पवित्र आत्मा ची प्रेरणा लारे ईं बावड़ले कि सारे जग़त मां बङा अकाल पड़ी। ते ओ अकाल राजे क्लौदियुस चे समय मां पड़ला हुता।

प्रेरितां चे काम 19:6

ते जिसे बेले पौलुस ने वांचे उपर हाथ मेहले, ते वांचे उपर पवित्र आत्मा उतरती आला, ते वे अलग़-अलग़ भाषा ब़ोलु लाग़ती गेले ते भविष्यवाणीया करु लाग़ले।

प्रेरितां चे काम 5:3

पर पतरस ने केहले, “हे हनन्याह, शैताना ने दुधे मना मां हा बात कां घाली कि तु पवित्र आत्मा नु कूड़ मार, ते भोंये ची कीमती महु कहीं मेहल जती?

रोमियां 12:6

ते जबकि ओ अनुग्रह चे अनुसार जको अम्हानु ङिला गेला, अम्हानु अलग़-अलग़ वरदान मिड़ले, तां जानु भविष्यवाणी चा वरदान मिड़ला आला हो, ओ विश्‍वासा चे अनुसार भविष्यवाणी करो।

रोमियां 15:19

ते चैन्ह ते अदभोत कामा ची सामर्थ लारे, ते पवित्र आत्मा ची सामर्थ लारे माये ही जरिये करले गेले। इठे तक मैं यरुशलेम कनु लाती कर चऊं पासु ते इल्‍लुरिकुम तक मसीह चे सुसमाचार चा पूरा-पूरा प्रचार करला।

1 कुरिन्थियां 11:4

जको मर्दा चे प्राथना जा भविष्यवाणी करते बेले आपणे ठोङ ढकली राखणे आपणे मसीह चा अपमान करने छै।

1 कुरिन्थियां 13:8

प्रेम अनन्त काल चा छै। पर भविष्यवाणीया थोड़े समय वास्ते छी, नेरीया भाषा ब़ोलणे चा वरदान खत्तम हुती जाये, ज्ञान चा वरदान हो, तां मिटती जई।

1 कुरिन्थियां 14:13

ऐवास्ते जको नेरीया भाषा मां बाता करी तां वे प्राथना करो, कि वे भाषा चा मतलब वी बावड़ सग़ो।

1 कुरिन्थियां 14:39

ऐवास्ते हे माये भऊ, भविष्यवाणी करने ची धोन्‍न मां रिहा ते नेरीया भाषा ब़ोलणे वास्ते मना ना करा।

गलातियां 3:5

जको नरीकार तम्हानु पवित्र आत्मा चा दान करे ते सामर्थ चे काम करे का ओ व्यवस्था चे कामा लारे जा सुसमाचार चे विश्‍वास इसड़े करे?

1 थिस्सलुनीकियां 5:20

भविष्यवाणीया नु तोच्छ ना समझा।

इब्रानियां 2:4

ओचे अलावा नरीकारा ने वी चैन्ह, चमत्कार ते अलग़-अलग़ अदभोत कामा चे जरिये ते पवित्र आत्मा चे वरदाना चे जरिये जको ओची इच्छा चे अनुसार अम्हानु ङिले गेले हुते, ऐची ग़वाही ङिता रेहला।

1 यूहन्‍ना 4:1

हे प्यारे, हर हेक आत्मा चा विश्‍वास ना करा, बल्कि आत्मा नु परखा कि वे नरीकारा ची ओर कनु छी जा कोनी। कांकि ब़ोहत सारे कूड़े भविष्यवक्‍ता संसारा महु निकलती खड़े हुले।

प्रकाशितवाक्य 2:2

मैं दुधे काम, ते दुधी मेहनत, ते दुधे सब्रा नु जाणे। ते ईं वी कि तु बुरे लौका नु ङेख ना सग़ी, ते जको आपणे आप नु प्रेरित किही, ते छी कोनी, वानु तु परखती कर कूड़े ङेखले।