1 कुरिन्थियां 10:23 - ओङ राजपूत

²³ मैं सब करने वास्ते आजाद छै पर सब कोच्छ भलाई वास्ते ना हुवी। मैं कोच्छ वी करने वास्ते आजाद छै पर सारीया चीजा लारे बढोतरी ना हुवी।

1 कुरिन्थियां 10:23 ပူးပေါင်းရင်းမြစ်များ

रोमियां 14:15

अगर दुधा भऊ दुधे खाणे ची वजह उदास हुवे तां, बल्ति तु प्रेम ची रीति उपर कोनी चली पला, जाये वास्ते मसीह मरला, ओनु तु आपणे खाणे चे जरिये नाश ना कर।

1 कुरिन्थियां 14:12

ऐवास्ते तम्ही वी जब आत्मिक वरदाना ची धोन्‍न मां छिवा, तां इसड़ा यतन करा कि तम्चे वरदाना ची बढोतरी लारे कलीसिया ची आत्मिक बढोतरी हो।

1 कुरिन्थियां 14:17

तु तां आच्छी तरह धन्यवाद करी, पर ङुजा ची बढोतरी ना हुवी।

1 कुरिन्थियां 14:26

ऐवास्ते हे माये भऊ, का करने चाही छै? जिसे बेले तम्ही भेले हुवा, हर-हेक चे दिला मां भज़न, जा उपदेश, जा नेरीया भाषा, जा दर्शन, जा नेरीया भाषा चा मतलब बावड़ना रिहे सब कोच्छ आत्मिक बढोतरी वास्ते हुवणे चाही छै।

1 कुरिन्थियां 6:12

सारीया चीजा माये वास्ते वाजिब तां छी। पर सारीया चीजा फायदे चा कोनी। सारीया चीजा माये वास्ते वाजिब छी। पर मैं कुई बाते चे अधीन नी हुवी।

1 कुरिन्थियां 8:1

हमा मूर्तिया नु चढ़ाली आली चीजा चे बारे मां जाणु कि, “अम्हा सब नु ज्ञान छै।” ज्ञान अम्हानु घमण्डी बणावे पर प्रेम लारे बढोतरी हुवे।

1 कुरिन्थियां 8:9

पर चौकस रिहा। इसड़े ना हो कि तम्ची हा आजादी किठी कमजोरा वास्ते ठोकर ची वजह ना बणती जाओ।

2 कुरिन्थियां 12:19

तम्ही हालि तक समझते पले वा, कि अम्ही तम्चे सामणे सफाई ङिऊं पले। इसड़े कोनी। अम्ही तां नरीकारा नु मौजुद जाणती कर मसीह मां ब़ोलु। ते हे प्यारे, जको कोच्छ अम्ही किहुं ते करु ऊं तम्ची बढ़ोतरी वास्ते ही किहुं।

इफिसियां 4:29

कोच्छ गन्दी बात ना ब़ोला जको ब़ोला आच्छे ब़ोला ते जको नेरा वास्ते आशीष ची वजह हो।

1 थिस्सलुनीकियां 5:11

यूंही हेके ङुजे नु शान्ति ङिया, ते हेके ङुजे चे धार्मिक विश्‍वास ची बढ़ोतरी चे वजह बणा, तां तम्ही इसड़े करा वी हुवा।

1 तीमुथियुस 1:4

ते वे इसड़ीया मनघड़न्त कहाणीया ते बेअन्त पीढ़ीया उपर मन ना लावा, जाये कनु लड़ाई-झगडे़ हुवी, ते नरीकारा ची वा इच्छा चे अनुसार कोनी, जको विश्‍वास लारे ही पुरी हो सग़े, यूंही ही मैं बल्ति किहे पला।