1 कुरिन्थियां 10:11 - ओङ राजपूत

¹¹ वांचे उपर बितलीया आलीया ये घटना नमुना हुता जको अम्चे वास्ते चितावनी चे रूपा मां लिखलीया गेलीया कांकि अम्ही ओ युगा मां छिऊं, जको अन्त चे गोढु छै।

1 कुरिन्थियां 10:11 ပူးပေါင်းရင်းမြစ်များ

मत्ती 13:39

जिसे दुश्मना ने ओनु राहले ओ शैतान छै, फसल बाढणे ऐ जग़त चा अन्त छै, ते फसल बाढणे आले स्वर्ग़दूत छी।

मत्ती 13:40

तां जिसे बेले जंगली खड़ भेले करले जई ते बाढले जई, ते इसड़े ही जग़त चे अन्त मां हुवी।

रोमियां 13:11

ते समय नु पिछाणती कर इसड़े ही करा, ऐवास्ते कि हमा तम्चे वास्ते नीङे कनु सुज़ाक हुवणे ची घड़ी आती पुज़ली, कांकि जिसे बेले अम्ही विश्‍वास करला हुता, ओ समय चे हिसाबा लारे अम्चा उद्धार गोढु छै।

रोमियां 13:12

रात घणी बीतती चुकली, ते ङिओ निकलणे उपर छै, ऐवास्ते अम्ही अन्धकार चे कामा नु छोड़ती कर ज्योति चे हथियार कसती गिहा।

रोमियां 15:4

जितनीया बाता पेहले कनु लिखलीया गेलीया वे अम्ची ही शिक्षा चे वास्ते लिखलीया गेलीया, ताकि अम्ही सब्र ते पवित्रशास्त्रा ची हिम्मत चे जरिये आस राखु।

रोमियां 4:23

पवित्रशास्त्र चा हा वचन छै, “विश्‍वास ओचे वास्ते धार्मिकता गिणला गेला,” ना सेर्फ ओचे वास्ते लिखले गेले।

1 कुरिन्थियां 10:6

ये सारीया बाता अम्चे वास्ते चितावनी छी अम्ही बुरीया चीजा ची इच्छा ना करु जिंवे अम्चे बुजर्गा ने करले हुते।

1 कुरिन्थियां 7:29

हे माये भऊ, मैं ईं किहे पला कि समय कम छै। ऐवास्ते हमा कनु वे जको परनीले आले छी इसड़े रिहो मनती गिहो अणपरनीले छी।

1 कुरिन्थियां 9:10

जा खास करती अम्चे वास्ते किहे। हव्वे, अम्चे वास्ते वी लिखले गेले, कांकि वाजिब छै, कि हल बाहवणे आला आस लारे बाहो, ते बाढणे आला भईवाल हुवणे ची आस लारे बाढो।

गलातियां 4:24

ये बाता मिसाल चे समान छी, ये ङोन असतरीया ङोन वाचा छी हेक वाचा जको नरीकारा ने इस्राएली लौका लारे सीनै पहाड़ा उपर करली हाजिरा चे समान छै, हाजिरा ने वा लौका नु पैदा करले जको गुलामी वास्ते हुते हा वाचा हाजिरा लारे वास्ता राखे।

फिलिप्पियां 4:5

तम्ची नरमाई लारे भरीली आली आत्मा चा ज्ञान सारा बन्दा उपर हो प्रभु चे आणे गोढु छै।

इब्रानियां 10:25

ते अम्ही अराधना सभा मां लगातार भेले हुवणे मां सुस्त ना हुती जऊं जिंवे कई हुती वी चुकले हेके ङुजे नु शाबास करते रिहा ते ऐ बारे मां होर वी ज्यादा गोढु हुती जावा, जिंवे कि तम्ही ङेखा ही पले, ओ ङिओ गोढु आता जाये।

इब्रानियां 10:37

कांकि पवित्रशास्त्र मां लिखले पले कि, “हमा ब़ोहत ही थोड़ा समय रेहती गेला जबकि आणे आला आवी, ते ओ देर नी करी।

1 यूहन्‍ना 2:18

हे जवानु, हा आखरी समय छै, ते जिसड़े तम्ही सुणले कि मसीह चा विरोधी आणे आला छै, ओचे अनुसार हमा वी ब़ोहत सारे मसीह-विरोधी उठती खड़े हुले छी, ऐचे कनु अम्ही जाणु कि हा आखरी समय छै।