1 कुरिन्थियां 1:23 - ओङ राजपूत

²³ पर अम्ही तां ओ क्रूसा उपर चढ़ाले आले मसीह चा प्रचार करु जको यहूदिया वास्ते ठोकर ची वजह छै ते नेरीया जातिया वास्ते मूर्खता छै।

1 कुरिन्थियां 1:23 ပူးပေါင်းရင်းမြစ်များ

मत्ती 11:6

ते धन्‍न छी वे, जको माये उपर भरोसा करना ना छोड़ी।”

मत्ती 13:57

यूं करती वाणे ओचे बारे मां ठोकर खाली। पर ईशु ने वानु केहले, “भविष्यवक्‍ता चे आपणे देश ते आपणे घरा नु छोड़ती नेरे किठी निरादर ना हुवी।”

लूका 2:34

बल्ति शमौन ने ओनु आशीष ङिती कर, ओची आई मरियम नु केहले, “ङेख, ओ तां इस्राएल मां ब़ोहता चे ढेणे ते खड़े हुवणे वास्ते, हेक इसड़ा चैन्ह हुवणे वास्ते ठहराला गेला, जाये विरोध मां बाता करलीया जाये।

1 कुरिन्थियां 1:18

क्रूसा चा सनेसा वांचे वास्ते मूर्खता छै जको नाश हुवणे चे मार्ग़ उपर चली पले, पर अम्चे वास्ते जको उद्धार चे मार्ग़ उपर छिऊं, नरीकारा ची सामर्थ छै।

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

1 कुरिन्थियां 1:28

ते नरीकारा ने जग़त चे नीच ते तुच्छा नु, यानि जको छी वी कोनी वानु वी चुणती गेले कि वानु जको छी, बेकार ठहराओ,

1 कुरिन्थियां 2:14

पर शरीरिक इन्सान नरीकारा ची आत्मा ची बाता स्वीकार ना करी, कांकि वे ओची नजरी मां बेवकूफी चा बाता छी, ते ना ओ वानु जाण सग़े कांकि वांची परख आत्मिक रीति लारे हुवे।

1 कुरिन्थियां 2:2

कांकि मैं मना मां सराती गेलते, कि तम्चे मां ईशु मसीह, बल्कि क्रूसा उपर चढ़ाले हुले मसीह नु छोड़ती नेरी किसी बाते नु ना जाणे।

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

2 कुरिन्थियां 4:5

कांकि अम्ही आपणे आप चा ना, पर मसीह ईशु चा प्रचार करु कि ओ प्रभु छै, ते ओचे बारे मां ईं किहुं कि, अम्ही ईशु चे वजह तम्चे सेवक छिऊं।

गलातियां 3:1

हे गलाति शहरा मां रेहणे आले ब़ुध्दु लौक तम्हानु केहणे मोहति गेले? मैं तां तम्हानु खोलती कर बावड़ती ङिले ते, जिंवे तम्चे सामणे ईशु मसीह नु क्रूसा उपर चढ़ाले गेले,

गलातियां 5:11

पर हे भऊ ब़ेहणी, अगर मैं हमा तक खतने चा प्रचार करी हा, तां कां हमा तक सताला जाये? अगर इसड़े हुवीया तां मसीह चे क्रूसा ची वजह कनु आली सारी रुकावटा खत्तम हुती जईया।

गलातियां 6:14

पर यूं ना हो कि मैं नेरी कुई बाते चा घमण्ड करे, सेर्फ अम्चे प्रभु ईशु मसीह चे क्रूसा चा, जाये जरिये संसार माई नजरी मां ते मैं संसारा ची नजरी मां क्रूसा उपर चढ़ाला गेला

इफिसियां 3:8

मैं सारे पवित्र लौका कनु छोटा छै, मनु हा वरदान मिड़ला कि मैं नेरीया जातिया मां जती कर मसीह चा बेशकीमती शान्ति चा धन चा सुसमाचार सुणावे।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

1 पतरस 2:8

हेक इसड़ा पत्थर जाये कनु वे ठोकर खई, हेक इसड़ी चट्टान जाये उपर वे फिसलती कर ढेती पड़ी।” वे वचना मां विश्‍वास ना करने चाहवी, ऐवास्ते वे ठोकर खाती कर ढेती पड़ी। हाओ वांचे भाग़ा मां लिखले पले।