1 कुरिन्थियां 1:18 - ओङ राजपूत

¹⁸ क्रूसा चा सनेसा वांचे वास्ते मूर्खता छै जको नाश हुवणे चे मार्ग़ उपर चली पले, पर अम्चे वास्ते जको उद्धार चे मार्ग़ उपर छिऊं, नरीकारा ची सामर्थ छै।

1 कुरिन्थियां 1:18 ပူးပေါင်းရင်းမြစ်များ

प्रेरितां चे काम 13:41

“ ‘हे निन्दा, करने आले ङेखा, ते हैरान हुवा, ते मिटती जावा, कांकि मैं तम्चे ङिहां मां हेक काम इसड़े करी, कि अगर कुई तम्हानु ओची चर्चा करे, ते तम्ही कङी विश्‍वास नी करा।’ ”

प्रेरितां चे काम 17:18

बल्ति कोच्छ इपिकूरी ते स्तोईकी दार्शनकारीया महु कोच्छ ओचे लारे तर्क करु लाग़ले, ते आपस मां किहुं लाग़ले कि, “हा बकवादी का केहणे चाहवे?” पर ङुजा ने केहले कि, “हा कुई नेरे देवता चा प्रचारक छै।” कांकि पौलुस तां प्रभु ईशु मसीह चा ते पुनरुत्थान चा सुसमाचार सुणाता।

प्रेरितां चे काम 17:32

मरला आला महु जीते हुवणे ची बात सुणती कर कोच्छ लौक तां ओचे उपर मजाक करु लाग़ती गेले, पर नेरे कईयां ने केहले कि, “यां बाता चे बारे मां अम्ही बल्ति कङी दुधे कनु होर ज्यादा सुणु।”

प्रेरितां चे काम 2:47

ते नरीकारा ची स्तुति करते, ते सारे लौक वांचे लारे खौश हुते, ते जको नवें लौक उद्धार पाते, वानु प्रभु रोजाना विश्‍वासीया मां मिलाती ङिता।

रोमियां 1:16

मैं सुसमाचार वास्ते शर्मिन्दा कोनी, कांकि हा सुसमाचार नरीकारा ची सामर्थ छै, जको विश्‍वास करने आला वास्ते, पेहले तां यहूदी, बल्ति नेरीया जातिया वास्ते, उद्धार चा मार्ग़ छै।

1 कुरिन्थियां 1:21

नरीकारा ने आपणे ज्ञान मां ईं असम्भव करले कि लौक आपणे ज्ञान चे अनुसार नरीकारा नु जाणो, पर नरीकारा नु ईं आच्छे लाग़ले कि, ऐ प्रचार चे जरिये जानु लौक मूर्खता समझे, विश्‍वास करने आला नु उद्धार ङिये।

1 कुरिन्थियां 15:2

अगर तम्ही ओ सुसमाचार नु जको मैं तम्हानु सुणाला हुता ओचे मां बणले रिहा तां तम्चा उद्धार हुवी, ना तां तम्चे विश्‍वास करने बेकार छै।

1 कुरिन्थियां 2:14

पर शरीरिक इन्सान नरीकारा ची आत्मा ची बाता स्वीकार ना करी, कांकि वे ओची नजरी मां बेवकूफी चा बाता छी, ते ना ओ वानु जाण सग़े कांकि वांची परख आत्मिक रीति लारे हुवे।

1 कुरिन्थियां 2:2

कांकि मैं मना मां सराती गेलते, कि तम्चे मां ईशु मसीह, बल्कि क्रूसा उपर चढ़ाले हुले मसीह नु छोड़ती नेरी किसी बाते नु ना जाणे।

1 कुरिन्थियां 3:19

कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।”

1 कुरिन्थियां 4:10

अम्ही मसीह वास्ते बेवकूफ ङिसु, ताकि तम्ही मसीह मां ब़ुध्दिमान बणा, अम्ही कमजोर छियुं पर तम्ही ताकतवार छिवा। तम्हानु कद्दर मिले, पर अम्ची बेकदरी हुती जाये।

2 कुरिन्थियां 10:4

कांकि अम्ची लड़ाई चे हथियार संसारिक कोनी, पर अन्धकार ची शक्‍ति नु ढाती नाखणे वास्ते नरीकारा ची सामर्थ छै।

2 कुरिन्थियां 4:3

पर अगर अम्चे सुसमाचार उपर पड़दा पला आला छै, ते हा नाश हुवणे आला चे वास्ते ही पला आला छै।

1 थिस्सलुनीकियां 1:5

कांकि अम्चा सुसमाचार तम्चे गोढु हेको वचना मां ही कोनी, बल्कि ताकत ते पवित्र आत्मा, ते इरादे लारे पुज़ला, जिंवे तम्ही जाणा कि अम्ही तम्चे फायदे चे वास्ते किसड़ा जीवन जीते तम्चे मां किवें बणती गेलते।

2 थिस्सलुनीकियां 2:10

ते नाश हुवणे आला चे वास्ते अधर्म चे सारे तरीके चे धोक्‍के लारे हुवी, ते वे नाश हुवी पले कांकि वाने सच्‍चाई चे प्यारा नु कोनी मनले, जाये कनु वांचा उद्धार हुवणा तां।

इब्रानियां 12:2

ते विश्‍वास चे कर्ता ते सेद्ध करने आले ईशु ची तरफ तकते रिहुं, जेह्णे ओ आनन्द वास्ते जको ओचे वास्ते पला हुता, लाज़ ची कुई चिन्ता ना करते हुले क्रूस चे ङोख सेहले, ते नरीकारा चे सिंहासन चे सज़्ज़े पासु जती ब़ेहला।

इब्रानियां 4:12

कांकि नरीकारा चा वचन जीता, प्रबल, ते ङुंहु धारी तलवारी कनु वी तेज छै, जको अम्चे भीतर जती कर अम्ची आत्मा, प्राण नु जोड़ा नु ते गूदे-गूदे नु अलग़ करती कर, आर-पार छैदती ङिये ते मना चे भावना ते विचारा नु जांचे।