1 कुरिन्थियां 1:13 - ओङ राजपूत

¹³ का मसीह बटती गेला? का पौलुस तम्चे वास्ते क्रूसा उपर चढ़ाला गेला? जा का तम्हानु पौलुस चे नांवा उपर बपतिस्मा मिड़ला? ना इसड़े कोनी।

1 कुरिन्थियां 1:13 ပူးပေါင်းရင်းမြစ်များ

मत्ती 28:19

ऐवास्ते तम्ही जावा, ते सब जातिया चे लौका नु चैले बणावा, ते वानु, ब़ा, ते पूत, ते पवित्र आत्मा चे नांवा लारे बपतिस्मा ङिया।

मत्ती 3:6

वाणे आपणे-आपणे पापा नु मनती कर यरदन नदी मां ओकनु बपतिस्मा गेहला।

प्रेरितां चे काम 10:48

ते ओणे आज्ञा ङिली कि वानु ईशु मसीह चे नांवा लारे बपतिस्मा ङिला जाओ। बल्ति वाणे ओकनु बिनती करली, कि कोच्छ ङिहें होर अम्चे लारे रेह।

प्रेरितां चे काम 19:5

ईं सुणती कर वाणे प्रभु ईशु मसीह चे नांवा लारे बपतिस्मा गेहला।

प्रेरितां चे काम 2:38

पतरस ने वानु केहले, “मन फिरावा, ते तम्चे महु हर हेक आपणे आपणे पापा कनु माफी चे वास्ते ईशु मसीह चे नांवा लारे बपतिस्मा गिहो, ते तम्ही पवित्र आत्मा चा दान पावा।

प्रेरितां चे काम 8:16

कांकि पवित्र आत्मा हमा तक वांचे महु काये उपर कोनी उतरला हुता, वाणे तां सेर्फ प्रभु ईशु चे नांवा मां बपतिस्मा गेहला हुता।

रोमियां 14:9

कांकि मसीह ऐवास्ते मरला ते जीता वी हुती गेला, कि ओ मरला आला चा ते जीता चा, ङुंहु चा प्रभु हो।

1 कुरिन्थियां 1:15

कङी इसड़े ना हो कि कुई ईं केह सग़ो कि तम्हानु माये नांवा उपर बपतिस्मा ङिला गेला।

1 कुरिन्थियां 10:2

ते सब ने बदला तले ते समुन्दरा मां हुती कर मूसे चे चैले हुवणे चा बपतिस्मा गेहला।

2 कुरिन्थियां 11:4

कांकि अगर कुई तम्चे गोढु आती कर जिसे ईशु चा सुसमाचार अम्ही तम्हानु सुणाला, ओचे अलावा कुई ङुजे ईशु चा सुसमाचार सुणावे, जा जको आत्मा तम्हानु मिड़ला, ओचे कनु अलग़ कुई नेरी आत्मा नु ग्रहण करा तां तम्ही छुटकारे चे समाचार नु कोनी अपनाले, ओचे कनु अलग़ कुई ङुजे समाचार नु अपनावा तां तम्ही बङी आसानी लारे वानु अपनाती गिहा।

गलातियां 1:7

पर ओ ङुजा सुसमाचार छै ही कोनी, पर बात हा छै कि कितने इसड़े छी जको तम्हानु भरमाती नाखी, ते ईशु मसीह चे सुसमाचार नु बिगाड़ना चाहवी।

इफिसियां 4:5

हेक ही प्रभु छै, हेक ही विश्‍वास छै, ते हेक ही बपतिस्मा छै।

तीतुस 2:14

जेह्णे आपणे आप नु अम्चे वास्ते ङिती ङिले, कि अम्हानु हर-तरहा चे अधर्म कनु छुड़ाती गिहो, शोद्ध करती आपणे वास्ते हेक इसड़ी जाति बणाती गिहो जको भले-भले कामा मां तियार हो।