1 कुरिन्थियां 1:12 - ओङ राजपूत

¹² माये केहणे चा मतलब हा छै कि तम्ची हर-हेक ची मत्त अलग़ छै, कुई किहे, “मैं पौलुस चा चैला छै,” ते कुई किहे, “मैं अपुल्‍लोस चा,” ते कुई, “मैं पतरस चा,” ते कुई किहे, “मैं मसीह चा चैला छै।”

1 कुरिन्थियां 1:12 ပူးပေါင်းရင်းမြစ်များ

मत्ती 23:8

पर तम्ही ‘रब्बी,’ ना किहवाजा, कांकि तम्चा हेक ही गुरु छै, ते तम्ही सारे भऊ छिवा।

यूहन्‍ना 1:42

बल्ति अन्द्रियास शमौन नु ईशु चे गोढु गेहती आला। ईशु ने शमौन नु ङेखती कर केहले, “तु यूहन्‍ना चा पूत शमौन छी, तु कैफा किहवावे।” (कैफा जानु पतरस वी किही यांचा मतलब चट्टान हुवे)।

प्रेरितां चे काम 18:24

अपुल्‍लोस नांवा चा हेक यहूदी जाया जनम सिकन्दरिया मां हुला तां जको विद्वान मर्द हुता ते जानु पवित्रशास्त्र चा बङा ज्ञान हुता। ओ इफिसुस मां आला।

प्रेरितां चे काम 19:1

जिसे बेले अपुल्‍लोस कुरिन्थुस शहर मां हुता, ते पौलुस सारे प्रदेसा महु हुती कर इफिसुस शहर मां आला ते ओठे कोच्छ चैले मिड़ले।

1 कुरिन्थियां 1:11

कांकि हे माये भऊ, खलोए चे घराणे चे कोच्छ लौका ने मनु तम्चे बारे बावड़ले कि तम्चे मां झग़ड़े हुवी पले।

1 कुरिन्थियां 15:5

ते पतरस नु ओचे बाद ब़ारहा प्रेरितां महु बचला आला नु वी ङिसला हुता।

1 कुरिन्थियां 15:50

हे माये भऊ, मैं ईं किहे पला कि मांस ते लुहीं नरीकारा चे राज़ चे अधिकारी ना हो सग़ी। ते ना नाशवान अविनाशी चा अधिकारी हो सग़े।

1 कुरिन्थियां 16:12

ते भऊ अपुल्‍लोस कनु मैं ब़ोहत बिनती करली कि तम्चे गोढु भावां लारे चाह्‍ला जा। पर ओचे ऐ समय जाणे चे मन कोनी करले, जब मौका मिली तब आती जई।

1 कुरिन्थियां 4:6

हे माये भऊ, मैं यां बाता मां तम्चे वास्ते आपणी ते अपुल्‍लोस ची चर्चा मिसाल चे तौर उपर करली, ऐवास्ते कि तम्ही अम्चे जरिये ईं सिखा कि, “लिखले आले कनु आग़ु ना बधजा,” तां हेके चे पक्ष मां ते ङुजे चे विरोध मां गर्व ना करजा।

1 कुरिन्थियां 7:29

हे माये भऊ, मैं ईं किहे पला कि समय कम छै। ऐवास्ते हमा कनु वे जको परनीले आले छी इसड़े रिहो मनती गिहो अणपरनीले छी।

1 कुरिन्थियां 9:5

का अम्हानु हा अधिकार कोनी कि किसी विश्‍वासी ब़ेहणी लारे परनीती कर लारे गेहली फिरु, जिंवे नेरे प्रेरित ते प्रभु चे भऊ ते पतरस करे?

2 कुरिन्थियां 10:7

तम्ही यां बाता नु ङेखा, जको आंखी चे सामणे छी। अगर कानु आपणे खौद्द चे उपर हा भरोसा छै कि, “मैं मसीह चा छै,” ते ओ ईं वी जाणती गिहो कि, जिंवे ओ मसीह चा छै, यूंही अम्ही वी मसीह चे छिऊं।

2 कुरिन्थियां 9:6

पर बात तां हा छै कि, जको थोड़े राहवे ऊं थोड़े ही बाढी, ते जको घणे राहवे, ऊं घणे बाढी।

गलातियां 2:9

जिसे बेले वाणे ओ अनुग्रह नु जको मनु मिड़ला हुता समझती गेले, तां याकूब, ते यूहन्‍ना, ते पतरस जको कलीसिया चे खम्बे समझले जते, मनु ते बरनबास नु आपणी संगति चा सज़्ज़ा हाथ ङिला, कि अम्ही नेरीया जातिया मां जऊं ते वे खतना करले आले यहूदी लौका मां,

गलातियां 3:17

पर मैं किहे जको वाचा नरीकारा ने पेहले पक्‍की करली तां विनु चार साओ त्रीस साल बाद आणे आले मूसा ची व्यवस्था ना टाल सग़ली ते ना ही वायदा बेकार ठहरा सग़ली।