1 कुरिन्थियां 1:10 - ओङ राजपूत

¹⁰ हे माई ब़ेहणी ते भऊ, आपणे प्रभु ईशु मसीह चे नांवा मां माई तम्चे कनु बिनती छै कि तम्ची आपस मां हेक बात हो ते तम्चे मां फूट ना हो, पर हेक मन ते हेक ही मत्त हुती कर मिड़ले रिहा।

1 कुरिन्थियां 1:10 ပူးပေါင်းရင်းမြစ်များ

मत्ती 9:16

“नवें ओढ़णा ची टाकी पुराणे ओढ़णा उपर कुई ना लावी, कांकि वा टाकी ओ ओढ़णा कनु कोच्छ नेरे छिकती गिहे, ते ऊं ओढ़ण ज्यादा फड़ीती जाये।

मरकुस 2:21

“नवें ओढ़णा ची टाकी पुराणे ओढ़णा उपर कुई ना लावी, ना तां वा टाकी ओ ओढ़णा कनु कोच्छ छिकती गिही, यानि नवां, पुराणे कनु, ते ओ पेहले कनु ज्यादा फड़ीती जई।

मरकुस 3:24

अगर कुई राज़ मां फूट पड़े, तां ओ राज़ किवें टिकती कर रेह सग़े?।

यूहन्‍ना 10:19

यां बाता ची वजह यहूदी लौका मां बल्ति फूट पड़ती गेली।

यूहन्‍ना 17:23

मैं वांचे मां ते तु माये मां जाये कनु वे सेद्ध हुती कर हेक हुती जाओ। बल्ति संसार ईं जाणो कि तु मनु भेज़ले ते जिसड़ा तु माये लारे प्रेम राखला उसड़ा ही वांचे लारे प्रेम राखला।

यूहन्‍ना 7:43

ईशु ची वजह कनु लौका मां फूट पड़ली।

यूहन्‍ना 9:16

हा ङेखती कर नेरे फरीसी किहुं लाग़ले, “ऊं बन्दे नरीकारा ची तरफा कनु कोनी, कांकि ओह सब्त चा ङिओ ना मनी।” ङुजा ने केहले, “पापी बन्दे इसड़े चैन्ह किवें ङिखाण सग़े?” वांचे मां फूट पड़ली गेली।

प्रेरितां चे काम 4:32

ते विश्‍वास करने आली कलीसिया हेक चेत्त ते हेक मन चीया हुतीया इठे तक कि कुई वी आपणी जायजात आपणी ना केहते, पर सब कोच्छ साझे चे हुते।

रोमियां 1:13

ते हे माये भऊ, मैं ना चाहवी कि तम्ही ऐचे कनु अणजाण रिहा कि मैं कई वारी तम्चे गोढु आणे चाह्‍ले कि, जिंवे मनु होर नेरीया जातिया कनु फल मिड़ला, यूहीं तम्चे महु वी मिलो, पर मैं हमा तक मजबूरी मां रुकला रेहला।

रोमियां 12:1

ऐवास्ते हे माये भऊ, मैं तम्हानु नरीकारा ची दया याद ङिवाती कर बिनती करे पला कि, आपणे शरीरा नु जीते, ते पवित्र, ते नरीकारा नु भाता हुला बलिदान करती कर चढ़ावा, हाओ तम्ची आत्मिक सेवा छै।

रोमियां 12:16

आपस मां हेक जिसड़े मन राखा, घमण्डी ना हुवा, पर दीन-ङुखिया लारे मेल-मिलाप राखा, ते आपणी नजरी मां आपणे-आप नु ब़ुध्दिमान ना समझा।

रोमियां 15:30

ते हे माये भऊ, मैं ईशु मसीह चा, जको अम्चा प्रभु छै ते पवित्र आत्मा चे प्रेम ची याद ङिवाती कर, तम्चे कनु बिनती करे पला, कि माये वास्ते नरीकारा कनु प्राथना करने मां माये लारे मिलती कर लौ लाली रिहा।

रोमियां 16:17

हमा हे माये भऊ, मैं तम्चे कनु बिनती करे पला, कि जको लौक वे शिक्षा चे विपरीत, जको तम्ही गेहली, फूट नाखणे, ते ठोकर ङिवाणे ची वजह बणी, ते वानु भांपती गेहले करा ते वाकनु दूर रेहले करा।

1 कुरिन्थियां 1:11

कांकि हे माये भऊ, खलोए चे घराणे चे कोच्छ लौका ने मनु तम्चे बारे बावड़ले कि तम्चे मां झग़ड़े हुवी पले।

1 कुरिन्थियां 11:18

सबकनु पेहले तां ईं छै, कि जिसे बेले कलीसिया मां भेले हुवा, तां तम्चे मां फूट पड़ली रिहे। मैं कोच्छ-कोच्छ विश्‍वास वी करे।

1 कुरिन्थियां 12:25

कि शरीरा मां कुई फूट ना पड़ो, पर हर अंग हेके ङुजे चा ध्यान राखो।

1 कुरिन्थियां 3:3

कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला?

1 कुरिन्थियां 4:16

ऐवास्ते मैं तम्चे कनु बिनती करे पला, कि माये जिसड़ी चाल चला।

2 कुरिन्थियां 10:1

मैं पौलुस तम्हानु मसीह ची नरमाई, ते दयालुता चे वजह निवेदन करे पला। पर कोच्छ लौक किहे कि, मैं तम्चे सामणे नरमाई लारे बर्ताव करे, पर तम्चे कनु दूर हुवणे पर सख्ताई लारे बर्ताव करे।

2 कुरिन्थियां 13:11

हमा, हे माये भऊ, तम्ही खौश रिहा। सेद्ध बणते जावा, तसल्‍ली राखा, हेक मन राखा, मेल-मिलाप लारे रिहा, ते प्रेम ते शान्ति चा दाता नरीकार तम्चे लारे रिही।

2 कुरिन्थियां 13:9

जिसे बेले अम्ही कमजोर छिऊं ते तम्ही ताकतवार छिवा, तां अम्ही खौश हुं। ते हा प्राथना वी करु कि तम्ही सेद्ध हुती जावा।

2 कुरिन्थियां 5:20

ऐवास्ते अम्ही मसीह चे राजदूत छिऊं, मनाकि नरीकार अम्चे जरिये समझावे। अम्ही मसीह चे तरफु बिनती करु, कि नरीकारा चे लारे मेल-मिलाप करती गिहा।

2 कुरिन्थियां 6:1

ते अम्ही जको नरीकारा चे भईवाल छिऊं, ईं वी समझाऊं, कि नरीकारा चा अनुग्रह जको तम्चे पर हुला, ओनु बेकार ना जऊं ङिया।

गलातियां 4:12

हे भऊ मैं तम्हा कनु विनती करे कि तम्ही वी माये जिसड़े हुती जावा कांकि मैं वी तम्चे जिसड़ा हुती गेला, तम्ही माये कहीं कोनी बिगाड़ले।

फिलिप्पियां 1:27

तम्चा चाल-चलन ईशु मसीह चे सुसमाचार चे लायक हो, चाहे मैं आवे चाहे ना आवे, तम्चे बारे मां ईं सुणे कि तम्ही हेक ही पवित्र आत्मा मां मजबूत छिवा, हेक ही मन हुती कर सुसमाचार चे विश्‍वास चे वास्ते मेहनत करते रिहा।

फिलिप्पियां 3:16

पर याद राखा कि ऐवास्ते जिसी सच्‍चाई तक अम्ही पुज़ले, ओचे अनुसार दस्तुरा लारे चलु।

1 थिस्सलुनीकियां 5:13

ते वांचे कामा चे वजह प्रेम चे लारे वानु घणे ही कद्दर चे योग्य समझा, ते आपस मां मेल-मिलाप लारे रिहा।

2 थिस्सलुनीकियां 2:1

ओ माये भऊ ते ब़ेहणीया, तम्ही आपणे प्रभु ईशु मसीह चे आणे ते ओचे आपणे भेले हुवणे चे बारे मां तम्हा कनु विनती करु पले,

1 तीमुथियुस 5:21

नरीकार, ते ईशु मसीह, ते चुणले आले स्वर्ग़दूता नु मौजुद जाणती कर मैं तनु चितावें पला कि तु मन खोलती कर यां बाता नु मनले कर, ते कुई काम पक्षपात लारे ना कर।

2 तीमुथियुस 4:1

नरीकारा नु ते मसीह ईशु नु आपणा ग़वाह करती कर, जको जीता ते मरला आला चा न्यां करी, कांकि ईशु चे पुठे आणे ते ओचा राज़ गोढु छै, मैं तनु हा आज्ञा ङिये पला।

1 पतरस 2:11

हे प्यारे, मैं तम्हा कनु बिनती करे पला, कि तम्ही संसारा मां प्रदेसीया चे रूपा मां छिवा, जको तम्ची आत्मा लारे योद्ध करतीया रिही वा शरीरा चा इच्छा कनु तम्ही बचले रिहा।

1 पतरस 5:10

हमा नरीकार जको सारे अनुग्रह चा दाता छै, जेह्णे तम्हानु मसीह मां आपणी अनन्त महिमा वास्ते हकारले, तम्चे थोड़ी देरी तक ङोख चवणे चे बाद आप ही तम्हानु सेद्ध ते मजबूत ते बलवन्त करी।