ቲ̈ታ̇ 2:7 - ኦራ ጫ̈ቃ ማጻ̈ፋ

⁷ ዎይ ባዝባራ ኔ ኔ ቆሚ̇ን ኮሽ ኦ̈ሳ ኦ̈ሙታ ኢንታ̇ብ ሚሳ̇̈ሊ ማ̈ቃ̇ራ ቤይሳቤ፤ ኔ ታማ̈ርሳዝ ቲምርቲንባራር ማ̈ቂ̇ን ኪንኬ ኣማ̇ኒንቲ̇ኖ ኣስ ማ̈ቃ̇ቤ።

ቲ̈ታ̇ 2:7 ပူးပေါင်းရင်းမြစ်များ

2 ቆሮ 1:12

ኑ̈ና ኬርፊሲዝ ፔቲ̇ ባዚ ዎ ዪ̈ናሬ፤ ኑ̈ኒ ዓኒ ኣላሚን ጋልዳ ማ ዎይ̈ፖ ሺ ዪንታ̇ባራ ኑ̈ብ ዎ ፔቲ̇ቲን ጋርታ ኑ̈ኒ ጾ̈ሳ̇̇ ጋልዳፖ ዲጚኖ ጌ̈ሺ̇ቲንባርኬ ኣሽኪቲንባራ ዪንታ̇ባር ዶኢኖን ኑ ቡ̈ዲን ኑ̈ቦ ማርኪታ̈ሬ። ዪ̈ና̇ ኣሳ ኤራባራ ጊዳካ̇ይዶን ጾ̈ሳ̇̇ ኮሺ̇ቲባር ማ̈ቂ̇ኖባዜ።

2 ቆሮ 2:17

ኑ̈ኒ ጾ̈ሳ̇ ቃ̈ሊን ዛላ ባዝፌ̈ን ማሂዝ ዎይሊን ኣሳንፌ̈ን ጊዳካዬ። ዎቲናካሬ ጾ̈ሳ̇ ቲ̈ናፖ̇ ኪ̈ቲንታ̇ር ዬይኖ ኮሽ̇ ኪ̈ታ̇ንቻ̇ንፌ̈ኒ ክርስቶ̈ሳባር ማ̈ቃ̇ር ጾ̈ሳ̇ ቲ̈ን ኪን ቡ̈ዳፖ̇ ሶ̈ሊ̈ሬ።

2 ቆሮ 4:2

ጌ̈ማ ኦ̈ዚን ኣስ ዬ̈ሊዝ ባዝ ማ̈ቂ̇ኖ ባዛን ዎይ ኑ̈ ኦ̈ባ̈ሴ፤ ማ ውጫር ውጪቲባ̈ሴ፤ ጾ̈ሳ̇ ቃ̈ላዳር ላሚ̇ባ̈ሴ፤ ዪኒፖ̇ ኪን ባዚን ፋላ̇ ጋልዳ ቤይሲሙታ̇ ኑ̈ኒ ጌ̈ሺ̇ቲባር ዶኢሙታ̇ ዎንዶ ኣስ ዎይ̈ቦ ጾ̈ሳ̇ ቲ̈ን ፋላ̇ ማሂ̈ሬ።

2 ቆሮ 8:8

ዓት̇ ዓና̇ ታ ጋ̈ዚንዳ ዪንታ̇ ኪ̈ታ̇ባሴ። ዎቲናካሬ ሜላን ኢማ̇ዚን ቤቃ̇ንዳብኬ ዪንቲ̇ ኢማ̇ዚን ቤቃ̇ምባራ ዪንታ̇ኮ ካንን ኪን ማቂ̇ኖን ኤራንዳቦ።

ኤፍ 6:24

ኑ ጎዳ ዬሱ̈ስ ክርስቶ̈ሳ ዛ̈ኪ̇ባ̈ሶ ካዛንባራ ካዝ ኣሳንቦ ጾ̈ሳ̇ ኮሺ̇ቲ ኢንታ̇ባር ማ̈ቆ።

ፊል 1:10

ዪ̈ዳሬ ዪንቲ ዎይፖ ኮሽ̇ ባዚን ዎኒ̇ኮ ኤራምፔ̈ኒ፤ ክርስቶ̈ሲ ዬ̈ይዝ ዲራስ ጌ̈ሽ̇ኬ ማዛ ኣባክ ዪንታ̇ ጋልዳ ባዮ̇ ኣስ ማ̈ቃ̇ር ዶኣኒፌ̈ኒዬ።

2 ታሳ 3:9

ኑ̈ኒ ዪኖ̇ ዎቲኖንዳ ዪንቲ̇ ኑ̈ና ማ̈ይጻምፔ̈ንዶኬ ኑ̈ኒ ዪንታ̇ ጋልዳፖ ማ̈ዲ ኦይጪ̇ዝ ሲልጣ̈ና ዪን ጊዳካ̇ዬ።

1 ጢማ̈ 4:12

ኔ̈ና ናኤ ጌዪ ኦናካር ሌቃ̈ፖጋ̈ቤ፤ ዎቲናካሬ ኔ̈ኒ ኣማ̇ኒዝ ኣሳን ዎይንቦ ኔ ሶ̈ሊዝ ሶ̈ላባራ፥ ካንባራ፥ ኣማ̇ናባራ፥ ጌ̈ሺቲባርኬ ኮሽ ኦ̈ሳባራ ኢንታ̇ብ ሚሳ̇̈ሊ ማ̈ቃ̇ር ቤንታ̇ቤ።

1 ጢማ̈ 5:10

ኮሽ ኦ̈ሳ ዎይባራ ዪ̈ዳሬ፥ ናኢ ኮሺንቻ ዲቻ̇ዚንዶ፣ ዛቃ̇ ሞካ̇ዚንዶ፣ ኣማ̇ኒኖ ኣሳን ቶሂን ሜ̈ጫ̇ዚንዶ፣ ሜ̈ቲንቲኖ̈ን ማ̈ዳ̇ዚንዴኬ ኮሽ̇ ኦ̈ሳ ዎይባራ ኤሪንቲ̇ኖ ኣስ ማ̈ቃ̇ንዳቦ ኮሻ̈ሬ።

ቲ̈ታ̇ 3:8

ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።

1 ጴጥ 5:3

ዪንታ̇ቦ ዓዳራባር ኢሚ̇ኖ ዎርዣ̈ ዎልቃባር ኣቂሲዝባዝ ጊዳካ̇ይዶን ኢንታ̇ብ ኮሽ ሚሳ̇̈ሊ ማ̈ቃ̇ር ቤይሲሙታ ኣቂሲብቴ።