ቲ̈ታ̇ 2:2 - ኦራ ጫ̈ቃ ማጻ̈ፋ

² ዶምዚኖ ኣቲናን፥ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዛን፣ ኣማ̇ናባራ፣ ዳንዳኣባርኬ ካ̈ንባራ ዶኢዝ ኣስ ማ̈ቃ̇ምፔ̈ኒ ኢንታ ዞራቤ።

ቲ̈ታ̇ 2:2 ပူးပေါင်းရင်းမြစ်များ

ማ̈ርቆ̈ሳ 5:15

ኣሳ ዬሱ̈ሳክ ዬ̈ምባራ ኢ̈ታ ኣያ̇ናባር ኤ̈ንቲ̇ ዎ ና̈ሳዲ፥ ኢ ቡ̈ዲን ኢጋል ማ̈ቂን ፋጻር ኣፊላ ማኣሪ ዬሱ̈ሳባር ዶኢኖን ቤቃ̇ሪ ኢ̈ጪ̇ዴ።

ሉቃ̈ሳ 8:35

ዎርዣ̈ዳር ዪኖ̇ ኦ̈ንቲ̇ኖ ባዚን ቤቃ̇ንዳቦ ፌ ዎ ቤሳ̇ፖ̇ ዎይ ኬስካ̇ሪ ዬሱ̈ሳክ ዬይዴ። ኢ̈ታ ኣያ̇ና ኢ ጋልዳ̇ፖ ኬስኪ̇ኖ ና̈ሳ̈ዲ ፋጻሪ ኣፊላ ማኢ ኢ ቡ̈ዲን ኢ ጋልዳ̇ ዬይን ዬሱ̈ሳ ላፍ ዶኢንዶ̈ን ቤቃ̇ሪ ኢ̈ጪ̇ዴ።

ሃዋ̈ራታን ኦ̈ሳ 24:25

ጳውሎ̈ሲ ጺሊቲ ጎይኬ ኣሲ ፌ̈ና ኢ̈ት ባዝ ጋልዳፖ ና̈ጊዝ ጎይ ቢርት ቲ̈ን ዬይዝ ፊርዳ ጎይ ሶ̈ሊን ፊልኮ̈ሲ ኢ̈ጫ̇ሪ “ዓት ሉካ̇ቤ ታ̈ብ ኮሽኪ̇ኖ ሜላ ቃም̇ ኔ̈ና ጼይጊሳንዳ” ጌይዴ።

ሮሜ 12:3

ማ ዪንቲ̇ ዎይን ጾ̈ሲ ዪንታ̇̇ቦ ኢሚ̇ኖ ኣማ̇ኒንዲፌ̈ን ዪንታ̇ ዪርክ ዎታሪ ቤቂ̇ብትዶኬ ዪንታ̇̇ቦ ኮሻ̇ዚምፖ ኣ̈̇ሪ ኦቲራ ቆፊ ቆፓካዮ̈ዲፌ̈ኒ ጾ̈ሲ̇ ታ̈ብ ኢሚ̇ኖ ኤሪቲንባራ ዪንታ̇̇ቦ ሶ̈ላ̈ሬ።

1 ቆሮ 15:34

ዪንታ̇ ቡ̈ዲንባር ቆፓ̇ር ቤቂ̇ብቴ፤ ናጋራ ኦ̈ፒቴ፤ ዪንታ̇ ጊዳ̇ ፔታ̇ን ፔታ̇ናን ጾ̈ሳ̇ ኤሪባ̈ሶን ዎኮታ̇ቦ ዪንታ̇ ዬሊንዳቦ ቆፓ̇ር ታ ዪኖ̇ ጌይኔ።

1 ቆሮ 9:25

ዎ ዎጺ̇ዛን ዎይ ኢንታ̇ ጋሊ̇ን ሚ̈ጛምፔ̈ኒ ኮሺንቻ̇ር ጋስ ማ̈ቃካ̇ይ ኮይሪ̈ሬ። ኢንቲ̇ ዪ̈ፌን ዎይ ዳቡሪዛ̈ዲ ዪዝ ሺሊ̇ማ̈ታ ኣክሊላ ዲጛንዳቦ። ኑ ዳቡሪዛ̈ዲ ዪባ̈ሶ ሜናብ ዶኢዝ ኣክሊላ ሺልማ̈ታ ዲጛንዳቦ።

2 ቆሮ 5:13

ኑ ዣ̈ሾት ማ̈ቄጌዪናር ጾ̈ሳ̇ ጊሻ̇ቦ፤ ዣ̈ሾት ባዪ ኮሽ̇ ኣስ ማ̈ቄ̇ጌይናር ዪንታ̇ ጊሻ̇ቦ።

ጋላ̈ታ 5:23

ኣሽኪቲ፣ ኢ̈ታ ባዝ ኦ̈ዚምፖ̇ ፌ̈ና ና̈ጋንዳብ ዳንዳኢ። ዪን ፌ̈ኖ ኮሽ̇ ባዛን ኦ̈ፖ ጋ̈ሪ ካዪዝ ሂጋ̇ ባዬ̇።

ፊል 4:8

ቴ ኢሺንታ̇ን! ዉርሲ ጋልዳ ቴ ጋ̈ዚንዳ፥ ኪን ማ̈ቂ̇ኖ ባዝ፥ ቦንቺ̇ንቲ̇ኖ ባዝ፥ ኮሽ ማ̈ቂ̇ኖ ባዝ፥ ጺላ̇ ማ̈ቂ̇ኖ ባዝኬ ካንቲ̇ኖ ባዝ ዎይ ኮሺቲር ማ̈ቂ̇ን ጋላታር ማ̈ቂ̇ን ዪንፌ̈ኖ ባዛን ቆፒ̇ብቴ።

1 ታሳ 5:6

ዪ̈ኮታ̇ቦ ኑ̈ኒ ባ̈ርኪስቶ፤ ኑ ኑ̈ና ኢ̈ታ ባዝ ጋልዳፖ̇ ና̈ጊሙታ̇ ኑ̈ብ ኮሻ̇ዚንዲፌ̈ኒ ዶኢስትዶኬ ሜላንፌ̈ኒ ጊስባ̈ዳ።

1 ታሳ 5:8

ኑ̈ኒ ዎቲናካር ፎኢን ኣስ ማ̈ቂ̇ኖኮታ̈ቦ ኑ ኑ̈ና ኢ̈ታ ባዝ ጋልዳፖ ና̈ጊሙታ̇ ኑ̈ብ ኮሻ̇ዚንዲፌ̈ን ዶኢስቶ። ኦል ኦሊዝ ኣሲ ሲላባር ኮቺ̇ንቲ̇ኖ ኣፊላ ፌ ቲራ ጋልዳ ማኣዚንዲፌ̈ኒ ዪንታ̇ሬ ኑ̈ናሬ ኣማ̇ናኬ ካንኬ ዪና ኢዝፌ̈ን ማኢስቶ፤ ጾ̈ሲ ኑ̈ና ፋሬ ጌዪ ኢሚ̇ኖ ታስፊንዶ ሲላባር ኮቺ̇ኖ ባርኔ̈ጻፌ̈ኒ ኑ ቆሚ̇ን ጋልዳ ጋዲ̇ስቶ።

1 ጢማ̈ 1:10

ኦሎላ ጋዲ̇ዛንቦ፣ ኣቲናባር ሱርቂ̇ዝ ኣቲናንቦ፣ ኣስ ኤ̈ ዎ̈ጚዛንቦ፣ ማቃ ማቂ̇ዛንቦ፣ ማቃባር ጫ̈ቂ̇ዛንቤኬ ኪን ቲሚርቲ̇ንባር ዎልፌ̈ን ሉኪ̇ባ̈ሶ ኦ̈ሳ ኦ̈ዛን ዎይንቦ።

1 ጢማ̈ 1:14

ኑ ጾ̈ሳ̇̇̈ዲ ዬሱ̈ስ ክርስቶ̈ሳባራ ኑዪ ማ̈ቂ̇ኖ ኣማ̇ኒንዲኬ ካንንዶ ፌ ኮሺቲምባር ዎልኣ ታ̈ቦ ሺሻር ኢሚ̇ዴ።

1 ጢማ̈ 1:5

ዓና ኪ̈ቲን ቆፊንዳ ኪን ቡ̈ዳ ጋርታፖ፥ ኮሽ ቆፊ ጋልዳፔኬ ኪን ኣማ̈ና ጋልዳፖ ቤንቲ̇ዝ ካ̈ንንዶ።

1 ጢማ̈ 3:11

ማ ኢንታ ማጫ̇ንር ቦንቺ̇ንቲ̇ኖንኬ፥ ኣስ ዚጊሪባሶን፤ ፌ̈ብ ኮሻ̇ዚንዲፌ̈ን ዶኢዛንኬ ባዝ ዎይባራ ኣማ̇ኒንቲ̇ኖን ማ̈ቃ̇ንዳብ ኮሺ̇̈ሬ።

1 ጢማ̈ 3:2

ዪዚ ዎ̈ሳ ኬ̈ ቲ̈ኒዝ ኣሲ ኢ ጋልዳ ኢ̈ታ ባዝ ሶ̈ሊንቲ̇ባ̈ሶ̈ዳ፣ ማጫ̇ ላጊካ̇ዮ ኣስ፣ ፌ̈ና ኢ̈ታ ባዝ ጋልዳፖ ና̈ጊዝ ኣሲ፣ ቦንቺ̇ንታ̇ር ዶኢዝ ኣሲ፣ ዛቃ̇ ሞኪ̇ዝ ኣስ፣ ታ̈ማ̈ርሳ̇ንዳቦ ኤራ ዎ ኣሲ፣

1 ጢማ̈ 3:4

ፌ ኣ̈ሊን ኮሺንቺ̇ ኣቂሲዝ ኣሲ፣ ኢ ናኣን ኢያ ቦ̈ንቺ ኢ̈ቦ ኪ̈ቲንቲ̇ዝ ኣስ ማ̈ቃ̇ንዳቦ ኮሺ̇̈ሬ።

1 ጢማ̈ 3:8

ዪና̇ ኢዝፌ̈ኒ ዳ̈ቆናን ቦንቺንቲ̇ኖንኬ ፌ ሶ̈ሊኖ ቃ̈ሊን ላ̈ሚ̇ባ̈ሶ ኣስ፣ ኡሽ̇ ዎይሊሲባ̈ሶ ኣስ፣ ኮሺ̇ባ̈ሶ ጎይባር ቤንቲ̇ዝ ሚ̈ሺ̇ ኮዪባ̈ሶ ኣስ ማ̈ቃ̇ንዳብ ኮሺ̇̈ሬ።

1 ጢማ̈ 5:1

ጪጚኖ ኣስ ኔ ባ̈ባፌ̈ን ቤቃ̈ር ዞ̈ራብዶኬ ጎይላፔ፤ ናኢቲ ማቂ̇ኖ ኣቲናንስ ኔ ኢሺፌ̈ን ማሃር ቤቃ̇ቤ።

ቲ̈ታ̇ 1:13

ዪ̈ ና̈ሳ̈ዲ ኢንታ ባዝ ማርኪቲኖንዳ ኪን፤ ዪ̈ኮታ̇ቦ ኢንታ ኣማ̇ኒንዳ ኪን ጎይም ጋልዳ ኤቃ̇ምፔ̈ንኬ፤ ኣይሁዳን ሶ̈ላ ፋባ̈ሶ ጋልዳፖ̇ ኢንቲ̇ ጎታ̇ምፔ̈ኒ ማ ኪንን ኢጺ̇ዝ ኣሳን ኪ̈ታ̇ዝ ኪ̈ቲን ሲስካካ̇ዮ̈ድፌ̈ኒ ኢንታ̇ ሚ̈ንር ጎይላቤ።

ቲ̈ታ̇ 1:8

ዪ̈ኒ̇ፖ̇ ኢ ዛቃ̇ ሞኪ̇ዝ ኣሲ፣ ኮሽ ማ̈ቂ̇ኖ ባዝ ካዝ ኣሲ፣ ኢ̈ታ ባዝ ኦ̈ዚን ጋልዳፖ ፌ̈ና ና̈ጊዝ ኣሲ፣ ጌ̈ሽ ኣስ ማ̈ቃ̇ንዳብ ኮሺ̇̈ሬ ማ ፌ ኢኒ̇ን ዎይ ኩምንዳ̇ብ ዎጺ̇ዝ ኣስ ማ̈ቃ̇ንዳብ ኮሺ̇ባ̈ሴ።

ቲ̈ታ̇ 2:7

ዎይ ባዝባራ ኔ ኔ ቆሚ̇ን ኮሽ ኦ̈ሳ ኦ̈ሙታ ኢንታ̇ብ ሚሳ̇̈ሊ ማ̈ቃ̇ራ ቤይሳቤ፤ ኔ ታማ̈ርሳዝ ቲምርቲንባራር ማ̈ቂ̇ን ኪንኬ ኣማ̇ኒንቲ̇ኖ ኣስ ማ̈ቃ̇ቤ።

ፊልሞ̈ና 1:9

ማ̈ቂ̇ናካሬ ታ̈ኒ ዪኖ ዎታቤ ጌያ ኪ̈ታ̇ናፖ ቴ ዬሱ̈ስ ክርስቶ̈ሳኮታ̇ቦ ቃ̇ሺ ኣ̈ል ጋርታ̇ ዎ ቴ ጪጛሻ ጳ̈ዉሎ̈ስ ካንባራ ቴ ኔ̈ና ጌሻዚን ዶሲኔ።

1 ጴጥ 1:13

ዪ̈ኮታ̇ቦ ዪንታ̇ ቡዲን ኦ̈ሳብ ጊ̈ጊብቴ፤ ኢ̈ት ባዝ ጋልዳፖ ዪንቲ̇ ዪንታ̇ ና̈ጊብቴ፤ ዬሱ̈ስ ክርስቶ̈ሲ ዬይዝ ጋላስ̇ ዲጛዝ ኣንጂንቦ ኩም ታስፋ ዪንታ̇ብ ዶኦጋ̈ቤ።

1 ጴጥ 4:7

ዪዚ ዎይ ባዛብ ውርሲን ዬሊ̇ኔ፤ ዪንቲ ሚ̈ጛሪ ዎ̈ሳ̇ንዳብ ዳንዳኣምፔ̈ኒ ኮሺንቺ ቆፒ̇ዝ ቡ̈ዳ ዪንታ̇ብ ዶኦጋ̈ቤ፤ ማ ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇።

1 ጴጥ 5:8

ዪንቲ̇ ዪንታ̇ብ ኮሻ̇ዚንዲፌ̈ን ዶኢብቴ̇፥ ማ ባርኪብቴ! ዪንታ̇ ጻላ̈ታ ሴ̈ጣኖ ቆ̈ዝባዝ ኮያሪ ዲ̇ዝ ዞብፌ̈ኒ ዪንታ̇ ቡጉዳባራ ቢሪንቲ̇̈ሬ።

2 ጴጥ 1:6

ኤሪን ጋልዳ ፌ̈ና ኢ̈ታ ባዝ ጋልዳፖ ና̈ጊ፣ ማ ኢዝ ጋልዳ ዳ̈ንዳኣ፣ ዳንዳኢን ጋ̈ልዳ ጾ̈ሳ̇̇̈ቦ ጎሽቲ፣