1 ዎቲናካር ኔ̈ኒ ኪን ማ̈ቂ̇ኖ ቲሚርቲንባር ዎልፌ̈ን ሉኪ̇ዝ ቲሚርታ̇ ታማ̈ርሳቤ።
ኦሎላ ጋዲ̇ዛንቦ፣ ኣቲናባር ሱርቂ̇ዝ ኣቲናንቦ፣ ኣስ ኤ̈ ዎ̈ጚዛንቦ፣ ማቃ ማቂ̇ዛንቦ፣ ማቃባር ጫ̈ቂ̇ዛንቤኬ ኪን ቲሚርቲ̇ንባር ዎልፌ̈ን ሉኪ̇ባ̈ሶ ኦ̈ሳ ኦ̈ዛን ዎይንቦ።
ኪንባር ጾ̈ሳ̇ ጎሽታ̇ዝ ጎይን ኤርሳ̇ዝ ቲሚርቲ̇ንባር ዎል ዬላ̇ዝ ኑ ጎዳ ዬሱ̈ስ ክርስቶ̈ሳ ኮሻ̇ ቃ̈ሊን ኣሻ̇ሪ ማቃ ቲሚርታ ታማ̈ርሲዝ ኣሲ ዎኮ፤
ኔ̈ኒ ታ ጋልዳፖ ታማ̈ሪኖ ኮሽ ቃ̈ሊንዶ ሚሳ̇̈ሊፌ̈ን ዎታራ ዬሱ̈ስ ክርስቶ̈ሳባራ ኑ̈ብ ዎ ኣማ̇ኒንዴኬ ካንን ያካ̇ይፌ̈ን ና̈ጋቤ።
ኢ ኪን ቲምርቲ̇ን ታማ̈ርሲሙታ ዞራንዳብኬ ኪን ቲምሪቲ̇ን ኢጺ̇ዝ ኣሳን ዞራር ማሃንዳ̇ቦ ፌ ታማ̈ሪኖንዲፌ̈ኒ ኣማ̇ኒንቲ̇ኖ ቃ̈ሊን ጋልዳ ሚ̈ጛር ኤቃ̇ንዳቦ ኮሺ̇̈ሬ።
ዪና̇ ኣማ̇ኒንቲ̇ኖ ሶ̈ላ። ጾ̈ሳ̇̇̈ ኣማ̇ኒኖ ኣሳን ኮሽ̇ ኦ̈ሳቦ ሚ̈ጛምፔ̈ኒ ዪን ባዛን ጌ̈ዚንር ኔ ኢንታ̇ብ ሶ̈ላምፔ̈ኒ ቴ ኮያ̇̈ሬ፤ ዪና̇ ዎይ ኣሳቦ ማ̈ዲ̇ዝ ኮሽ̇ ባዜ።
ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።
