ቲ̈ታ̇ 1:9 - ኦራ ጫ̈ቃ ማጻ̈ፋ

⁹ ኢ ኪን ቲምርቲ̇ን ታማ̈ርሲሙታ ዞራንዳብኬ ኪን ቲምሪቲ̇ን ኢጺ̇ዝ ኣሳን ዞራር ማሃንዳ̇ቦ ፌ ታማ̈ሪኖንዲፌ̈ኒ ኣማ̇ኒንቲ̇ኖ ቃ̈ሊን ጋልዳ ሚ̈ጛር ኤቃ̇ንዳቦ ኮሺ̇̈ሬ።

ቲ̈ታ̇ 1:9 ပူးပေါင်းရင်းမြစ်များ

ሃዋ̈ራታን ኦ̈ሳ 18:28

ዬሱ̈ሲ ኢ ክርስቶ̈ሳ ማ̈ቂ̇ኖን ጌ̈ሻ̇ ማጻ̈ፋ ጋልዳፖ̇ ኢንታ ቤይሲ ሙታ̇ ፋላሚ ኣይሁዳን ጋሚዴ።

1 ቆሮ 14:24

ዎቲናካሬ ዎይን ካ̈ያ ካ̈ዪርኮ ኣማ̇ኒባሶ ኣሲ ዎይ ባዝ ዪን ኤሪባ̈ሶ ኣሲ ኢና ጌላሪ ካ̈ያ ሶ̈ላዚን ሲስካ̇ሪ ኢ ናጋሪን ኢ̈ብ ኤሪንታ̈̇ሬ፤ ኢ ሲስኪ̇ኖ ቃ̈ሊን ኢ ጋልዳ ፊርዳ̈̈ሬ።

1 ታሳ 5:21

ዎይ ባዝ ማላ̇ር ቤቂ̇ብቴ ኮሽ̇ ማ̈ቂ̇ኖን ኤኪ̇ብቴ።

2 ታሳ 2:15

ዪዚ ቴ ኢሺንታ̇ን! ሚ̈ጛር ኤቂ̇ብቴ፤ ኑ̈ኒ ዪንታ̇ብ ኖ̈ናባር ሶ̈ሊኖንዳር ማ̈ቂ̇ን ጻ̈ፋር ሚሺኖ ቲሚርቲ̇ን ሚ̈ንር ኤ̈ብቴ።

1 ጢማ̈ 1:10

ኦሎላ ጋዲ̇ዛንቦ፣ ኣቲናባር ሱርቂ̇ዝ ኣቲናንቦ፣ ኣስ ኤ̈ ዎ̈ጚዛንቦ፣ ማቃ ማቂ̇ዛንቦ፣ ማቃባር ጫ̈ቂ̇ዛንቤኬ ኪን ቲሚርቲ̇ንባር ዎልፌ̈ን ሉኪ̇ባ̈ሶ ኦ̈ሳ ኦ̈ዛን ዎይንቦ።

1 ጢማ̈ 1:15

“ዬሱ̈ስ ክርስቶ̈ሲ ናጋራንቻ̇ን ፋንዳቦ ኣላሚን ዓኒ ጋ̈ላዳ ዬይዴ” ጋ̈ዝ ቃ̈ሊን ኪንኬ ኣሲ ዎይ ኣማ̇ናንዳብ ኮሺ̇ዝ ቃ̈ላ፤ ናጋራንች ዎይንፖ ሺ ናጋራንቻ ታ̈ና።

1 ጢማ̈ 1:19

ኣማ̇ናኬ ኮሽ̇ ቆ̈ፊ ኔ̈ብ ዶኣጋቤ። ፔቲ̇ ፔቲ̇ ኣሳን ፌ ቆፊን ኣሻ̇̈ሪ፥ ባሃ̈ራ ጋልዳ ዉርጊ ዲንዲን ጎጚን ዉርጊንባር ያዚንዲፌ̈ኒ ኢንታ̇ር ፌ ኣማ̇ኒን ይሲ̇ኔ።

1 ጢማ̈ 4:9

ዪና̇ ሶ̈ሊንዳ ኣሲ ዎይዲ ኪን ጌዪ ኤካ̇ንዳቦ ኮሺ̇ዝ ሶ̈ላ።

1 ጢማ̈ 6:3

ኪንባር ጾ̈ሳ̇ ጎሽታ̇ዝ ጎይን ኤርሳ̇ዝ ቲሚርቲ̇ንባር ዎል ዬላ̇ዝ ኑ ጎዳ ዬሱ̈ስ ክርስቶ̈ሳ ኮሻ̇ ቃ̈ሊን ኣሻ̇ሪ ማቃ ቲሚርታ ታማ̈ርሲዝ ኣሲ ዎኮ፤

2 ጢማ̈ 1:13

ኔ̈ኒ ታ ጋልዳፖ ታማ̈ሪኖ ኮሽ ቃ̈ሊንዶ ሚሳ̇̈ሊፌ̈ን ዎታራ ዬሱ̈ስ ክርስቶ̈ሳባራ ኑ̈ብ ዎ ኣማ̇ኒንዴኬ ካንን ያካ̇ይፌ̈ን ና̈ጋቤ።

2 ጢማ̈ 2:2

ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።

2 ጢማ̈ 2:25

ኢያ ኢጺ̇ዝ ኣሳንቦ ኢ ቡ̈ዳ ዳልግ ማ̈ቃ̇ር ታማ̈ርሲ ማሃንዳብ ኮሺ̈ሬ፤ ኦ ኤሬ ኢንቲ ኪንን ኤራምፔ̈ን ጾ̈ሳ̇ ኢንታ̇ብ ማ̈ሪቲ ጌላምፔ̈ን ዎታንዳብ ዳንዳኢ̈ሬ።

2 ጢማ̈ 3:14

ዎቲናካር ኔ̈ ኦ ጋልዳፖ ታማ̈ሪኖኮ ኔ ኤራ̈ዚንኮታ̇ቦ ኔ ታማ̈ሪኖንባርኬ ኔ ኤሪኖ ኪንንባራ ሚ̈ጛር ኤቃ̇ቤ።

2 ጢማ̈ 4:3

ኣሲ ሼ̈ምፓ ኢማ̇ዝ ቲምርቲ̇ን ኢጺ̇ዚ ኬሊ̇ ዬይሬ፤ ዪኒ̇ፖ ፌ̈ብ ኮሽኪ̇ዝ ባዝሙታ ሶ̈ሊዝ ኣስታማ̈ሪ ፌ̈ብ ሺ̈ሺ̈ሬ።

ቲ̈ታ̇ 1:11

ኢንቲ ማቃባር ኣባክ ዲጛንዳብ ኮያሪ ታማ̈ርሳንዳቦ ኮሺባ̈ሶ ቲሚርታ ታማ̈ርሲሙታ̇ ፌ ኣ̈ላባር ኮሽ̇ ዎ ኣሳን ኢ̈ሲ̇ዛኮታ̇ቦ ዪንፌ̈ኖ ኣሳን ዪ̈ዲፌ̈ኖ ባዝ ሶ̈ላካ̇ይፌ̈ኒ ኢንታ̇ ካያንዳ̇ብ ኮሺ̈̇ሬ።

ቲ̈ታ̇ 2:1

ዎቲናካር ኔ̈ኒ ኪን ማ̈ቂ̇ኖ ቲሚርቲንባር ዎልፌ̈ን ሉኪ̇ዝ ቲሚርታ̇ ታማ̈ርሳቤ።

ዪሁ 1:3

ቴ ላጋ̇ን! ኑ ዎይን ዎልኣ ኤኪ̇ኖ ፋቲን ጎይ ቴ ዪንታ̇ቦ ጻ̈ፋንዳብ ኮዪንዶን፥ ዎቲናካር ዓት ናምኢንንዳብ ኮሺባ̈ሶ ጎይባራ ፔቲ̇ ቶህ ጾ̈ሲ ፌ ዎርዣ̈ብ ኢሚ̇ኖ ኣማ̇ኒንኮታ̇ ዪንቲ̇ ሚ̈ጛር ኦሊንታ̇ምፔ̈ኒ ዪንታ̇ ዞራንዳቦ ታ̈ብ ኮሺ̇ኔ።

ሳጻ 2:25

ዪንቲ̇ ቴ ዬይዝ ዲራስ ዪንታ̇ብ ዎ ኣማ̇ኒን ሚ̈ንር ኤ̈ብቴ̇።

ሳጻ 3:11

ዪዚ ቴ ኤሊ̇ባር ዬ̈ንዳ፤ ኔ ኣኪሊሊን ኦ̈ናካር ኔ ጋልዳ̇ፖ ኤካካ̇ዮ̈ዲፌ̈ን ኔ̈ብ ዎን ሚ̈ንር ኤ̈ቤ።

ሳጻ 3:3

ዪዚ ኔ̈ ኤኪ̇ኖንዲኬ ታማ̈ሪኖ ቲሚርቲ̇ንዶ ቦቲጛፔ፤ ኢዝቦ ኪ̈ቲንታ̇ቤ፤ ማ ማ̈ሪቲ ጌላቤ፤ ኔ̈ኒ ባርካካ̇ይ ኣቴ̇ጌይን ታ̈ኒ ሶላፌ̈ን ኔ ቆፓካ̇ይዶን ኔ̈ክ ዬ̈ሬ፥ ታ̈ኒ ኣ ሳኣ̈ታ ጋልዳ ዬ̈ርኮ ኔ ኤራባሴ።