ቲ̈ታ̇ 1:5 - ኦራ ጫ̈ቃ ማጻ̈ፋ

⁵ ቴ ኔ̈ና ቃርጤ̈ሳ ዴሴቲን ጋልዳ ኣሺ̇ኖንዳ፥ ኢና ኣቲ̇ኖ ጌ̈ዛካ̇ዮ ባዛን ኔ ጌ̈ዚንምፔ̈ንኬ ቴ ኔ̈ና ኪ̈ቲ̇ኖንዲፌ̈ኒ ኢና ዎ ካታማን ጋርታ̇ ዎይ ዎ̈ሳ ኬ̈ ጪጛሻን ማራጻ ጋዳ̇ምፔ̈ኒዬ።

ቲ̈ታ̇ 1:5 ပူးပေါင်းရင်းမြစ်များ

ሃዋ̈ራታን ኦ̈ሳ 11:30

ሚሺ̇ን ኬሲ̇ ሺ̈ሻ̇ሪ ባርናባ̈ስኬ ሳ̈ኦ̈ላ ኩሽባር ጪጛሻንቦ ሚሺዴ።

ሃዋ̈ራታን ኦ̈ሳ 14:23

ኢናፖ̇ ዎ̈ሳ ኬ̈ን ዎይን ጋርታ̇ ጪጛሽ ማራ̇ጺኖፖ ዓኒ ጾ̈ማባርኬ ዎ̈ሳባራ ኢንቲ ኣማ̇ኒኖ ጎዳ̈ቦ ኣ ዓዳራ ኢሚ̇ዴ።

ሃዋ̈ራታን ኦ̈ሳ 2:11

ማ ቄርጤ̈ሳፕኬ ኣራባፖ̇ ዬይኖ ኣሳንር ዎ። ዪዚ ዪን ኑ ዎይ ጾ̈ሳ̇ ኦ̈ኖ ጴቻ̇ ኦ̈ሲን ኣሳን ኑ ኖ̈ኒንባር ሶ̈ላዚን ዓ̈ዲሼ ኑ ሲስኪ̈ሬ።

ሃዋ̈ራታን ኦ̈ሳ 27:12

ዪና̇ ማርካ̇ብ ኤቃ̇ዝ ቤሲ̇ንዳ̇ ባርጊ ኬል̇ባራ ኢና ጋምኣንዳ̇ቦ ዋ̈ዪዛኮታ̇ቦ ኣሳን ጋርታፖ ሺን “ኑ ሉካ̇ሪ ፊንቃ ጋ̈ዝ ካታሚን ጋርታ̇ ባርጊን ኣ̈ስቶ̇” ጋ̈ሪ ፌ ቆፊን ሺ̈ሺ̇ዴ። ፊንቃ ኦ̈ፓ ኣዋ̈ፍ ጌላ ጎይኬ ሲጛል ኣዋ̈ፍ ጌላ ጎይ ጊዲ̇ን ጋርታ̇ ዎ ቃርጣ̈ስ ጋ̈ዝ ማርካ̇ቢ ኤቂ̇ዝ ካታማ ጋርታ̇ ዎ ቤሴ̇።

ሃዋ̈ራታን ኦ̈ሳ 27:13

ሲጛ̈ላፖ ዋዪባ̈ሶ ጊላ̇ ኣይጊ ባቂ̇ን ቤቃ̇ሪ ኢንቲ ቆፒ̇ኖንዲፌ̈ን ኮሽ̇ ማ̈ቂ̇ኖ ኢንታ̇ብ ማይጺን ማሊቂን ዲንሪ ዬ̈ ኤ̈ዴ፤ ማርካ̇ባ ኤቂ̇ዝ ቤሲ̇ን ጋልዳፖ̇ ዲንዳ̇ሪ ቃርጣ̈ሳ ላፊንባር ቡጊድን ቡጊዲን ኤ̇ር ኣ̈̇ዴ።

ሃዋ̈ራታን ኦ̈ሳ 27:21

ኣሳን ኣባካር ፊ̈ሽ ሞ̈ካ̇ይዶር ዎይሊን ቃም̇ ጋምኢኖኮታ̇ቦ ጳውሎ̈ሲ ኢንታ ጊዳ̇ ኤቃ̇ሪ “ኣሳን! ዪንቲ ታ ጌይኖን ኤሮ ጌይኖኮ፥ ቃርጣ̈ሳፖ ዲንዳካ̇ይኮ ዎን ዓ ዎይ ሜታኬ ያክ ዪንታ̇ ዬሊ̇ባ̈ስዶን፤

ሃዋ̈ራታን ኦ̈ሳ 27:7

ኑ̈ኒ ዎይሊን ጋላስ ካች ካች ሉኪ̇ሙታ̇ዶ̈ሪ ዎይሊን ሜታባር ቃንዶ̈ሳ ካታሚን ላፍ ዬሊ̇ዴ፤ ጌዳ ኑ̈ኒ ቲ̈ን ሉካካ̇ይፌ̈ን ኣይጊን ኑ̈ና ጋሚን ሲሊሞ̈ና ጋ̈ዝ ቤሲ̇ን ኡንኪንባር ኣ̈̇ሪ ቃርጤ̈ሳ ጋ̈ዝ ዴሴ̈ቲን ቡጊዲን ኤ̈̇ር ኣይጊ ባዮ̇ ጎይን ሉኪ̇ዴ።

1 ቆሮ 11:34

ዪንቲ̇ ሺ̈ቃሪ ዎልኣ ና̈ጋካ̇ይዶር ሞ̈ዚምባራ ጾ̈ሳ̇ ፊርዳ ዪንታ̇ ጋልዳ ዬ̈ካ̇ዮ̈ዲፌ̈ኒ ጋፍሲንቲ̇ኖ ኣሲ ዎኮ ፌ ኣ̈ል ሙዮጋ̈ቤ። ዓኒ̇ፖ̇ ኣቲ̇ኖ ባዛንቦ ቴ ዪንታ̇ክ ኢና ሉካ̇ራ ዪንታ̇ ታማ̈ርሳንዳ̇።

1 ቆሮ 14:40

ዎቲናካሬ ዎይ ባዚ ዎጋባር ማ̈ቆ̇ጋ̈ቤ።

1 ቆሮ 4:17

ዪኒ̇ ጊሻ̇ቦ ቴ ካዛ̈ዲኬ ኣማ̇ኒንቲ̇ኖ፥ ጎዳባር ታ̈ብ ናኢ ማ̈ቂ̇ኖ ጢማ̈ቶ̈ሳ ቴ ዪንታ̇̇ብ ሚሺኔ፤ ታ̈ኒ ዎይ ቤስ̇ ዎ̈ሳ ኬ̈ ጋርታ̇ ታማ̈ርሳ̇ዚንዲፌ̈ኒ ኢያር ክርስቶ̈ሳ ዎሂን ቴ ዎዛርፌ̈ን ዬሙታ ዎኮ ኢ ዪንታ̇ ቆፊሲ̈ሬ።

ቆላ̈ሳ̈ሳ 2:5

ታ̈ኒ ዓት ዪንታ̇ ጋርታ̇ ኢና ዪንታ̇ባር ባዪካሬ ቆፊባር ዪንታ̇ባር ዎ፤ ዪንቲ ጾ̈ሳ̇̇ ቃ̈ሊን ኪ̈ታ̇ዚንዲፌ̈ኒ ዎቲሙታ̇ኬ ክርስቶ̈ሳባር ዪንታ̇ብ ዎ ኣማ̇ኒንባር ሚ̈ጛር ኤቂ̇ኖን ቤቃ̇ራ ታ̈ኒ ኡፋይቲ̇ኔ።

1 ጢማ̈ 1:3

ታ̈ኒ ሜ̈ቂዶ̈ና ሉካ̈̇ርዶራ ኔ̈ኮ ዓዳራ ጌይኖንዲፌ̈ን ፔቲ̇ ፔቲ̇ ኣሳን ማቃ ቲሚርታ ታማ̈ርሳካ̇ዮ̈ዲፌ̈ኒ ዎታንዳቦ ኔ̈ኒ ኢና ኤፍሶ̈ና ዶ̈ኣቤ።

2 ጢማ̈ 2:2

ዎይሊን ማርካ ቲ̈ን ኔ̈ ታ ጋልዳፖ ሲስኪ̇ኖ ቲሚርቲ̇ን ሜላን ታማ̈ርሳንዳ̇ቦ ዳንዳኢዝ ኤራ ዎንቦ ኣማ̇ኒንቲ̇ኖ ኣሳንቦ ዓዳራ ኢማ̇ቤ።

ቲ̈ታ̇ 1:12

ሜላ ኣቲ̇ን ኢንታ ናባ̈ ጌ̈ታ ኢንታ̇ባዝ ሶ̈ሊ̈ርዶሪ “ቃርጤ̈ሳ ኣሳን ዎይ ጋ̈ላስ ማቃ ማቂ̇ዛን፥ ኢ̈ታ ማ̈ታባዝፌ̈ኖ ኣሴ ማ ኦ̈ሳ ኦ̈ባሶን ሙ̈ያር ሚሽኪ̇ባ̈ሶን” ጌይኔ።