ቲ̈ታ̇ 1:3 - ኦራ ጫ̈ቃ ማጻ̈ፋ

³ ኑ̈ና ፋዝ ጾ̈ሳ̇ ኢ ጌይኖ ኬሊ̇ን ዬሊ̇ን ኢ ኪ̈ታባራ ታ̈ኒ ኢ ቃ̈ላ ሳባ̇ካምፔ̈ን ታ̈ቦ ዓዳራ ኢሚ̇ኖ ጎይባራ ኢ ፌ ቃ̈ሊን ኣሳብ ኤርሲዴ።

ቲ̈ታ̇ 1:3 ပူးပေါင်းရင်းမြစ်များ

ማ̈ርቆ̈ሳ 1:15

“ኬላ̇ ዬሊ̇ኔ፤ ጾ̈ሳ̇̇ ካ̈ቲቲ ኡኪ̇ኔ፤ ማ̈ሪቲ ጌሊብቴ፤ ዎጛላባር ኣማ̇ኒብቴ̇” ጌዪ ሳባ̇ኪዴ።

ማ̈ርቆ̈ሳ 13:10

ዉርሲ ላይን ዬ̈ናፖ ቲ̈ኒታሪ ዎጛላዲ ዎርዣ ዎይ̈ቦ ዬላ̇ንዳብ ኮሺ̈ሬ።

ማ̈ርቆ̈ሳ 16:15

ኢናፖ̇ ኢንታ ኪ̈ቲ̇ርዶ̈ሪ “ሳ̈ዝ ኤ̈ሻ̇ ዎይ ጋልዳ ሉኪ̇ብቴ፤ ዎጛሊንዶ ኣሳ ዎይ̈ቦ ሶ̈ሊብቴ፥

ሉቃ̈ሳ 1:47

ታ̈ና ፋዛ ቴ ጾ̈ሳ̇̇ባር ታ ኡፋይታ̇̈ሬ፤

ሃዋ̈ራታን ኦ̈ሳ 10:36

ጾ̈ሳ̇̇̈ዲ ዎይ̈ቦ ጎድ ማ̈ቂ̇ኖ ዬሱ̈ስ ክርስቶ̈ስባራ ኢስሬ̈ል ዎርዣ̈ቦ ሚሺኖ ሳሪቲ ኢማ̇ዝ ኮሻ̇ ሶ̈ሊን ዪንቲ̇ ኤሪ̈ሬ።

ሃዋ̈ራታን ኦ̈ሳ 17:26

ኢ ኣሳ ዜር ዎይ ፔቲ̇ ኣሳፖ ኮቻ̇ሪ ሳ̈ዝ ዎይ ጋልዳ ዶኣምፔ̈ን ዎቲዴ። ኢንቲ̇ ዶኣዝ ላይንዲኬ ዶኣዝ ቤሲ̇ን ኢንታ̇ብ ዎሳ̇ኒ ኢሚ̇ዴ።

ሮሜ 16:25

ታ̈ኒ ዬሱስ ክርስቶ̈ሳባዝ ሳባ̇ኪኖ ቃ̈ሊንባርኬ ሚናፖ̇ ኣ̈ቺንታ̇ር ጋምኢኖ ዎቲናካር ዓት ፋላ̇ጋልዳ ኬስኪ̇ኖ ኪን ሚስጢሪን ጎይባራ ዪንቲ̇ ዪንታ̇ ኣማ̇ኒንባራ ሚ̈ጚ ዶኣምፔ̈ኒ ዎታንዳብ ዳንዳኢ̈ዛ ጾ̈ሳ̇̇̈ቦ ቦንች ማ̈ቆ̇።

ሮሜ 16:26

ዎቲናካር ዓት̇ ዓና̇ ኪን ባዚንዳ ፋላ̇ ጋል ኬስኪ̇ኔ፤ ሜናብ ዶኢዝ ጾ̈ሳ̇̇ ኪ̈ትባራ ዎርዣን ዎይ ኣማ̇ናር ኪ̈ቲንታ̇ምፔ̈ኒ ናባን ጻ̈ፊኖ ማጻ̈ፋ ጎይባራ ጾ̈ሲ̇ ኢንቲ̇ ዎይ ኢያ ኤራምፔ̈ኒ ዎቲኔ።

ሮሜ 5:6

ኑ ኑ̈ና ፋንዳብ ዳንዳኣካ̇ዮ ኣስ ማ̈ቃ̇ር ዎዶን ጾ̈ሲ ጌይኖ ኬ̈ሊ̇ንባራ ክርስቶ̈ሲ ናጋራንቻ̇ንኮታ̇ቦ ዓይቂ̇ዴ።

1 ቆሮ 9:17

ዎጛሊን ቃ̈ሊን ታ̈ኒ ዶሳራ ሳባኬጌይን ታ ዳ­̈ቡርሲምቦ ዋ̈ጋ ታ̈ብ ዶኣ̈ሬ። ቴ ዶሳካ̇ይዶራ “ኔ ዓኖ̇ ኦ̈ቤ” ጋ̈ራ ኪ̈ቲንቲ̇ኖምቦ ጋ̈ር ኦጌዪን ታ̈ብ ኢሚ̇ንቲ̇ኖ ዓዳሪን ፎታዶ̇ኬ ሜላ ቴ ኦ̈ኖ ባዚ ባዬ̇።

ጋላ̈ታ 4:4

ዎቲናካሬ ጌዪኖ ኬሊ̇ን ዬሊ̇ን ጾ̈ሳ̇̇̈ዲ ፌ ናኣ ኑ̈ብ ሚሺዴ። ኢያሬ ማጫ̇ ጋልዳፖ̇ ዬሊንቲ̇ኔ፤ ሙ̈ሳ ሂጊ̇ን ጻና ኣቂኔ።

ኤፍ 1:10

ኬሊ̇ን ዬላ̇ዚንባራ ጾ̈ሳ̇̇̈ዲ ኣፋር ማ̈ቂ̇ን ሳ̈ዳ̇ር ዎ ባዛን ዎይ ክርስቶ̈ሳፖ ጻና ሺ̈ሻ̇ንዳብ ቆፒ̇ኔ።

ኤፍ 2:17

ኢናፖ ዬ̈ሪ ዪንቲ ጾ̈ሳ̇ ጋልዳፖ ጎታ̇ር ኣቲ̇ኖንብኬ ማ ጾ̈ሳ̇ባር ኡካ̇ር ዎን ኢንታ̇ቦ ሳሪቲ ኢሚ̇ዛ ጾ̈ሳ̇ ቃ̈ላ ሳባኪዴ።

ፊል 1:13

ዪኒ̇ባራ ታ̈ናር ቃቺንቲ̇ኖንዳ ክርስቶ̈ሳ ዎጛሊን ሳባ̇ኪኖን ጊሽ̇ ማ̈ቂ̇ኖን ካ̈ታ ኣ̈ሊን ና̈ጊዝ ዎታ̈̇ዳራ̈ንኬ ማ ኢና ዎ ሜላ ኣሳ̈ንር ዎይ ኤሪ̈ኔ።

ቆላ̈ሳ̈ሳ 1:23

ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

ቆላ̈ሳ̈ሳ 1:6

ዪንቲ̇ ዎጛላ ቃ̈ሊን ሲስኪ̇̈ኖንምፔኬ ጾ̈ሳ̇ ኮሺ̇ቲን ኪን ማ̈ቂ̇ኖን ኤሪኖፖ ኤ̈ሪ ዓና̇ ዎጛሊንዳ ዪንታ̇ ጊዳ̇ ኣ̈ፍ ካጺ̇ኖንዲፌ̈ኒ ሳ̈ዝ ኤ̈ሻ̇ ዎይ ጋልዳ ኣ̈ፍ ካጻ̇ሙታ̇ ዲጫ̇ሙታ̇ ዎ።

1 ታሳ 2:4

ዎቲናካር ጾ̈ሲ ዎጛላ ኦ̈ሲንዶ ኑ̈ቦ ዓዳራባር ኢሚ̇ኖኮታ̇ቦ ሶ̈ሊ̈ሬ። ኑ ዪኖ̇ ዎታዚንዳ ኑ ቡ̈ዲን ቤቂ̇ዝ ጾ̈ሳ̇ ኡፋይሳ̇ንዳብ ጋ̈ሪዶኬ ኣስ ኡፋይሳ̇ንዳ̇ቦ ጋ̈ር ጊዳካ̇ዬ።

1 ጢማ̈ 1:1

ኣማ̇ናባራ ታ̈ቦ ኪን ናኢ ማ̈ቂ̇ኖ ጢማ̈ቶ̈ሶ! ኑ ባ̈ባ ጾ̈ሳ̇ፔኬ፥ ኑ ታስፋ ዬሱ̈ስ ክርስቶ̈ሳ ኪ̈ታባራ ኢ̈ቦ ሃዋ̈ራ ማ̈ቂ̇ኖ ታ ጳውሎ̈ሳ ጋልዳፖ ዓና̇ ኪ̈ቲን ኔ̈ብ ሚሺኔ፤ ጾ̈ሳ̇̇̈ ኑ ባ̈ባ ጋልዳፕኬ ኑ ጎዳ ዬሱ̈ስ ክርስቶ̈ሳ ጋልዳፖ ኮሺ̇ቲ፥ ማ̈ሪቲኬ ሳሪቲ ኔ̈ብ ማ̈ቆ̇ጋ̈ቤ።

1 ጢማ̈ 1:11

ዪና̇ ኪን ቲሚርቲ̇ንዳ ኣንጂ̇ንቲ̇ኖ ጾ̈ሳ̇ ታ̈ቦ ዓዳራ ኢሚ̇ኖ ቦንች ዎጛሊንባር ዎልኣ ፔታ̇ኔ።

1 ጢማ̈ 2:3

ዪና ኑ̈ና ፋኖ ጾ̈ሳ̇ ቲ̈ን ኮሽ̇ኬ ኡፋይሲ̇ዝ ባዜ።

1 ጢማ̈ 4:10

ዪዚ ዪኒ̇ቦ ጋ̈ሪ ኑ ዋ̈ዪ ዳ̈ቡሪሬ፤ ዪ̈ዳሬ ኣስ ዎይዳ ማ ዎይፖ ሺ ኣማ̇ኒዝ ኣሳን ፋዛ ሼምፓባር ዶኢዝ ጾ̈ሳ̇ ጋልዳ ታስፋ ጋዲ̇ኖኮታ̇ቦ።

2 ጢማ̈ 4:17

ዎቲናካሬ ጎዳ ፌ ኪ̈ቲን ዎይ ቴ ጎይባራ ኣይሁድ ዜር ማ̈ቃካዮ̈ን ዎይ ሲስካ̇ምፔ̈ኒ ታባር ማ̈ቃር ታ̈ና ሚ̇ን ኤሲ̇ዴ፤ ዞብ̇ ኖ̈ና ጋርታፖ ታ̈ና ቡ̈ቲሲዴ።

ቲ̈ታ̇ 2:10

ኢንቲ̇ ፌ ላ̈ን ሚ̈ሽ ዉ̈ቃፖ̇ጋ̈ቤ፤ ዪዳሬ ኣባቦ ጌይን ኑ̈ና ፋዝ ጾ̈ሳ̇ ቲሚርቲ̇ን ዎይ ባዝባራ ቦንቺንታ̇ምፔ̈ን ኢንቲ ዎይ ጋላስ ኮሽ̇ ኦ̈ሳ ኦ̈ሙታ̇ ኢንቲ̇ ኣማ̇ኒንቲ̇ኖ ኣስ ማ̈ቂ̇ኖን ቤይሳጋ̈ቤ።

ቲ̈ታ̇ 2:13

ዪዚ ዪኒ̇ ጎይባራ ኣንጂንቲ̇ኖ ኑ ታስፋ ኢያሬ ኑ̈ና ፋዛ ጴቻ ኑ ጾ̈ሳ̇ ዬሱ̈ስ ክሪስቶ̈ሲ ፌ ቦ̈ንችባራ ማ̈ቂ̇ ዬ̈ዚን ኑ ና̈ጊሬ።

ሳጻ 14:16

ሻ̈ሪን ጋልዳ ዶኢኖ̈ዲ ፌ ኩሽቶ ባ̈ጪን ሳ̈ዳ ሚሺዴ፤ ሳ̈ዝ ጋልዳ ዎ ካ ዎይ ቴይሲንቲ̇ዴ።