3 ዪ̈ኮታ̇ቦ ኢዝ ኣስና ሼምፓባር ዶኢን ሜላ ኣቲና ኢስቴጌዪን ኢዛ ኦሎላ ጋዲ̇ኔ ጌዪንቲ̇̈ሬ። ኢዝ ኣስና ዓይቄጌይንዶ፤ ኢዛ “ሜላ ኣቲና ኣ̈ል ኢስታ̇ንዳብ ዳንዳኣባሴ” ጋ̈ዝ ሂጊ̇ን ጋልዳፖ ናጻ ኬስካሬ፥ ኢስቴጌይናር ኦሎ̇ላ ጋዳካ̇ዬ።
ቴ ዪንታ̇ክ ጋ̈ዚንዳ ፌ ማጪ̇ን ኢዛ ኣሳባር ሱርቃ̈ካ̇ይዶ̈ን ሜላ̇ ዓሪ ኢዞ ኬሲ̇ዝ ኣሲ ዎይ ኣሲንዶ̇ ኦሎላ ጋዲ̇ዝ ኣስ ማሂ̈ሬ፥ ማ ኢዞ ኤኪ̇ዝ ኣሲ ዎይ ኦሎላ ጋዲ̇ኖ ማ̈ቂ̇̈ሬ።
ፔቲ̇ ባዝ ሚሳ̇ሊባር ቤቂ̇ስቶ፥ ኢስቲ̇ኖ ፔቲ̇ ማጪ̇ንዳ ኢዝ ኣስና ሼምፓባር ዶኢን ኢዛ ሜላ ኣሳ ኣ̈ል ኢስታ̇ንዳብ ዳንዳኣባሴ፤ ኢ ዓይቄጌይን ኢስታ̇ንዳቦ ዳንዳኣ̈ሬ።
ቴ ኢሺንታ̇ን! ዪንታ̇ኮንዳሬ ዪና̇ ኢዝፌ̈ኔ፤ ዪንቲ̇ ክርስቶ̈ሳይ ማ̈ቂ̇ኖኮታ̇ቦ፥ ኣሲ ኣሳ ጋልዳፖ ዓይቃባር ፋጊንታ̇ዚንዲፌ̈ኒ ዪንቲ̇ ሂጋ̇ ጋልዳፖ̇ ፋጊንቲ̇ኔ፤ ዪ̈ኮታ̇ቦ ኑ̈ ዎይን ጾ̈ሳ̇̇ ኦ̈ሳ̈ቦ ኣ̈ፍ ካጻ̇ምፔ̈ኒ ዪንቲ̇ ዓይቃ ጋርታ̇ፖ ዲንዲ̇ኖ ክርስቶ̈ሳይ ማ̈ቂ̇ኔ።