ሮሜ 6:3 - ኦራ ጫ̈ቃ ማጻ̈ፋ

³ ዬሱ̈ስ ክርስቶ̈ሳባር ዎልኣ ፔታ̇ን ማ̈ቃ̇ንዳቦ ጻማ̇ቂንቲኖን ዎይ ኢ ዓይቂንባራር ኢባር ዎል ፔታ̇ን ማ̈ቃ̇ንዳብ ጻማ̇ቂንቲ̇ኖን ዪንቲ̇ ኤሪባ̈ሳ?

ሮሜ 6:3 ပူးပေါင်းရင်းမြစ်များ

ማ̈ቶ̈ሳ 28:19

ዪዚ ዪንቲ̇ ሳ̈ዝ ጋልዳ ዎ ዎርዣ ዎይ̈ኮ ሉ̈ኪ̇ብቴ። ሉካ̇ር ባ̈ባ፣ ናኣ፣ ጌ̈ሻ̇ ኣያ̇ና ሱምባራ ኢንታ ጻማቂሙታ̇፥ ቴ ዪንታ̇ ኪቲ̇ኖ ባዛን ዎይ ፎታ̇ምፔን ኢንታ̇ ታማ̈ርሲሙታ̇፥ ታ̈ብ ታማ̈ሪ ማሂብቴ̇። ታ̈ናሬ ኣላሚን ዉርሲን ዬሊ̇ዝ ዲራ̈ስ ዎይ ጋላስ ዪንታ̇ባር ዎ” ጌይዴ።

ሃዋ̈ራታን ኦ̈ሳ 19:5

ኢንታር ዪኖ̇ ሲስካ̇ሪ ጎዳ ዬ̈ሱ̈ስ ሱ̈ምባር ጻማ̇ቂንቲ̇ዴ።

ሃዋ̈ራታን ኦ̈ሳ 2:38

ጴ̈ጥሮ̈ሳር ኢንታ̇ኮ “ማ̈ሪቲ ጌሊብቴ፤ ዪንታ̇ ናጋራ ዪንታ̇ብ ኣቶ̇ ጌዪንታ̇ምፔ̈ን ዪንቲ̇ ዎይን ዬሱ̈ስ ክርስቶ̈ሳ ሱምባር ጻማ̇ቂንቲ̇ብቴ̇፤ ጾ̈ሲ̇ ዪንታ̇ብ ጌ̈ሻ ኣያ̇ና ኢሚ̇̈ሬ።

ሃዋ̈ራታን ኦ̈ሳ 8:16

ኣባ ጌይን ሳማ̈ራ ኣሳን ጎዳ ዬሱ̈ሳ ሱምንባር ኣማ̇ናር ጻማ̇ቂንቲንዶኬ ጌ̈ሻ̇ ኣያ̇ኖ ኢንታ ጋርታ̇ፖ̇ ፔቲ̇ ኣሳ ጋልዳር ቢርት ሶ̈ባካ̇ዬ።

ሮሜ 6:16

ዪንቲ̈ ፔቲ̇ ኣሳብ ኣይላ ማ̈ቃ̇ሪ ኪቲንቲ̇ ኤጌይንዶ ና̈ሳ ዪ̈ቦ ዪንቲ̇ ኣይላ ማ̈ቂ̇ኖን ኤሪ̈ሬ፤ ዪና̇ ኢዝፌ̈ን ዪንቲ̇ ናጋራቦ ኪቲ̇ንቴጌዪን ዪንታ̇ ጋልዳ ዓይቃ ኤሄ̈ዝ ናጋሪምቦ ኣይላ ማ̈ቂ̇̈ሬ፤ ጾ̈ሳ̇ቦ ኪቲ̇ንቴጌዪን ጺሊ̇ቲ ዲጚ̈ሬ።

ሮሜ 6:8

ዪዚ ኑ̈ኒ ክርስቶ̈ሳባር ዎልኣ ዓይቄ̇ጌይን፤ ኢባራ ሼምፓባር ዶኣዚን ኑ̈ኒ ኣማ̇ኒ̈ሬ።

ሮሜ 7:1

ቴ ኢሺንታ̇ን! ቴ ዓና̇ ሶ̈ላዚንዳ ሂጊ̇ን ኤሪዝ ኣሳንቦ፤ ሂጎ̇ ኣሳ ጋልዳ ኢ̈ብ ሲልጣና ዎ̈ዲ ኣሲ ሼምፓባር ዶኤጌይን ሙታ̇፤ ዪንቲ̇ ዪኖ̇ ኤሪባ̈ሳ?

1 ቆሮ 10:2

ኢንቲ̇ ሙ̈ሳ ዎሂን ዬዝ ኣስ ማ̈ቂ̇ኖንኮታ̇ቦ ዎይን ሻ̈ሪንባርኬ ባሃ̈ሪን ጋርታ̇ ጻማ̇ቂንቲ̇ዴ።

1 ቆሮ 12:13

ኑ̈ኒ ኣይሁድ ዜር ማ̈ቂ̇ን ኣይሁድ ባዮ̇ ኣስ ማቂ̇ን፤ ኣይላ ማ̈ቂ̇ን ዎይ ኣይላ ጊዳካ̇ዮ ኣስ ማ̈ቂ̇ን፤ ኑ̈ኒ ዎልኣ ፔታ̇ን ማ̈ቃ̇ንዳቦ ጌ̈ሻ̇ ኣያ̇ናባር ጻማ̇ቂን̇ቲኔ፤ ኑ ዎይን ዪ̈ ፔቲ̇ ኣያ̇ና ጋልዳፖ ኡሽኪ̇ኔ።

1 ቆሮ 15:29

ዪዚ ዓይቂ̇ኖ ኣሳን ዲንዲባ̈ስኮ ዓይቂ̇ኖ ኣሳንኮታ̇ቦ ጻማ̇ቂንቲ̇ዝ ኣሳን ኣባብ ዋ̈ዪ̈ራ? ዓይቂ̇ኖ ኣሳን ዉርሲ ዲንዲባ̈ስኮ ኣሳን ኢንታ̇ ጊሻ̇ብ ኣባብ ጻማ̇ቂንቲ̈ራ?

1 ቆሮ 3:16

ዪንቲ̇ ጾ̈ሳ̇̇ ኬ̈ ማ̈ቂ̇ኖንዲኬ ጾ̈ሳ̇ ኣያ̇ና ዪንታ̇ ጋርታ ዶኣዚን ዪንቲ̇ ኤሪባ̈ሳ?

1 ቆሮ 5:6

ዪዚ ዪንታ̇ ኦቲሪንዳ ኮሽ̇ ጊዳካ̇ዬ፤ ጊላ̇ ኢርሺ̇ንዳ̇ ሙኑቂን ዎይ ሹ̈ጚቻ̇ዚን ዪንቲ ኤሪባ̈ሳ?

1 ቆሮ 6:19

ዪንታ̇ ጋሊ̇ንዳ ጾ̈ሲ ዪንታ̇̇ብ ኢሚ̇ኖ ዪንታ̇ ጋርታ̇ ዶኢዛ ጌ̈ሻ̇ ኣያ̇ና ኢዝ ጋርታ̇ ዶኢዝ ኬ̈ ማ̈ቂ̇ኖን ዪንቲ̇ ኤሪባ̈ሳ? ዪዚ ዪንቲ ጾ̈ሳ̇̇̈ይዶኬ ዪንቲ ዪንቴ̇ይ ጊዳካ̇ዬ።

1 ቆሮ 6:9

ዉጫ ዉጪቲዝ ኣሳን ጾ̈ሳ̇ ካቲቲ̇ን ጋርታ̇ ጌሊባ̈ሶን ዪንቲ ኤሪባ̈ሳ? ዪንቲ̇ ባሊታ̇ፒ̇ቴ ኦሎላ ጋዲ̇ዛን፣ ኤ̈ቃ ጎይኒዛን፣ ፌ ማጪ̇ን ኣሻ̇ሪ ኣሳ ማጭባራ ሱርቂ̇ዛን፣ ኣቲናዶ̈ሪ ኣቲናባር ሱርቂዛን፥

1 ቆሮ 9:13

ጾ̈ሳ̇ ኬ̈ ጋርታ̇ ኦ̈ዝ ኣሳን ፌ ሞ̈ዝ ፊ̈ሺን ጾ̈ሳ̇ ኬ̈ን ጋርታፖ̇ ዲጛዚንዶ ማ ዣ̈ርሻ ቤሳ ጋልዳ ዣ̈ርሻ ሺ̈ሺ̇ዛንኬ ኢና ኦ̈ ማ̈ዲ̇ዛን ዣ̈ርሻብ ሺ̈ቂኖን ጋልዳፖ̇ ፋጊንታ̇ር ሞ̈ዚን ዪንቲ̇ ኤሪ̈ርባያ?

1 ቆሮ 9:24

ዎ ጋርታ̇ ዎይን ዎጺ̇̈ርዶኒ ኢንታ̇ ጋርታፖ̇ ፔታ̇ኒ ሙታ̇ ሺሊ̇ማ̈ታ ኤካ̇ዚን ዪንቲ̇ ኤሪ̈ርባያ? ዪ̈ኮታ̇ቦ ዪንታ̇̇ሬ ሺሊ̇ማታ̇ ኤካ̇ንዳብ ዎጺ̇ብቴ̇።

2 ቆሮ 13:5

ዪንቲ̇ ኣማ̇ናባር ሚ̈ጛር ዎን ኤራንዳ̇ቦ ዪንታ̇ ማሊ̇ ቤቂ̇ብቴ፤ ፋ̈ጪ ቤቂ̇ብቴ፤ ዬሱ̈ስ ክርስቶ̈ሲ ዪንታ̇ ጋርታ̇ ዎን ዪንቲ̇ ኤራካያ? ዪፖ̇ ኣቴ̇ጌዪን ዪንቲ̇ ፋታናባር ኬዲ̇ኔ ጌይዛ̈ዳ።

ጋላ̈ታ 3:27

ዪንቲ̇ ክርስቶ̈ሳባር ፔታ̇ን ማ̈ቃ̇ምፔ̈ን ጻማ̇ቂንቲ̇ኖን ዎይን ዪንቲ ክርስቶ̈ሳ ኣፊላፌ̈ኒ ማኢኔ።

ዓይ 4:4

ጾ̈ሳ̇̇ብ ኣማ̇ኒንቲባ̈ሶ ኣሳን! ዓኒ̇ ኣላሚን ጋልዳ ዎ̈ ኢ̈ታ ባዛን ዶሲዝ ኣሳን ጾ̈ሳ̇̇ባር ጎይል ማ̈ቂኖን ኤሪባ̈ሳ። ዪ̈ኮታ̇ቦ̈ ኣላሚን ዓኖ̇ ዶሲዝ ኣሲ ጾ̈ሳ̇̇ባር ጎይሌ̈።

1 ጴጥ 3:21

ዪና̈ ዋ̈ሲ̇ንዳ ዓት ዪንታ̇ ፋዚን ጺ̈ንቃ̇ታ ሚሳ̇̈ሊንዶ፤ ዪና̇ ጺንቃ̇ቲንዳ ኣሳ ጋልዶ ቃት ጌ̈ሻዚን ጊዳካ̇ይዶን ኮሽ ቆፊ ዲጛንዳቦ ጾ̈ሳ̇̇̈ቦ ሺ̈ቂዝ ዎ̈ሳ። ዪና ዪንታ̇ ፋዚንዳሬ ዬሱ̈ስ ክርስቶ̈ሳ ዲንዲን ጎይባራ።