ሮሜ 10:9 - ኦራ ጫ̈ቃ ማጻ̈ፋ

⁹ ዬሱ̈ሲ ጎድ ማ̈ቂ̇ኖን ኔ ኖ̈ኒንባር ማርኪቴጌዪንኬ ጾ̈ሲ̇ ኢያ ዓይቃ ጋርታ̇ፖ ዲንኖን ኔ ቡ̈ዲምባር ኣማ̇ኔጌዪን ፋጻ̈ሬ።

ሮሜ 10:9 ပူးပေါင်းရင်းမြစ်များ

ሉቃ̈ሳ 12:8

“ቴ ዪንታ̇ብ ሶ̈ላዚንዳ̇፥ ኣሳ ቲ̈ን ‘ቴ ዬሱ̈ሳዬ’ ጌዪ ማርኪቲዛ̈ቦ ዎይ ቴ ኣሳ ናኣ̈ዳር ማ ጾ̈ሳ̇̇ ኪ̈ታንቻ̇ን ቲ̈ን ‘ኢ ቴዬ̇’ ጋ̈ር ማርኪታ̈ሬ።

ዋ̈ኒ̇ሳ 9:22

ባ̈ባ̈ዲኬ ኢንዲንዲኬ ዪኖ̇ ጌዪኖንዳ፥ ኣይሁድ ኣላቃንቦ ኢ̈ጪ̇ኖኮታ̇ቦ። “ዬሱ̈ሲ ኢ ክርስቶ̈ሳ” ጌዪ ማርኪ̇ቲኖ ኣሲ ቤንቴጌይን ኣይሁዳን ዎ̈ሳ ኬ̈ ጋርታ̇ፖ̇ ዳኪንታ̇ምፔ̇̈ን ጋ̈ሪ ዎልዎልኣ ሶ̈ሊንቲ̇ ቃቺ̇ኔ።

ሃዋ̈ራታን ኦ̈ሳ 16:31

ኢንታ̇ሬ “ኔ̈ኒ ጎዳ ዬሱ̈ሳ ኣማ̇ናቤ፤ ኔ̈ናሬ ኔ ኣ̈ሎ ኣሳንሬ ፋጺ̈ሬ” ጌይዴ።

ሃዋ̈ራታን ኦ̈ሳ 2:24

ዎቲናካሬ ጾ̈ሲ̇ ኢ ጋልዳፖ̇ ዓይቃ ዎልቂ̇ን ፋይሪ ዓይቃ ጋርታ̇ፖ̇ ኢያ ዲንዴ፤ ኣባ ጌይን ዓይቆ ኢያ ጋማንዳብ ዳንዳኢባ̈ሶኮታ̇ቦ።

ሃዋ̈ራታን ኦ̈ሳ 2:32

ጾ̈ሲ̇ ዬሱ̈ሳ ዓይቃ ጋርታ̇ፖ̇ ዲንኔ፤ ኑ ዎይን ዪኒ̇ቦ ማርካ̇።

ሃዋ̈ራታን ኦ̈ሳ 8:36

ኢንቲ̇ ሉካ̇ዚምባ̇ራ ጎይም ጋልዳ ዋ̈ ዎ ቤስ̇ ዬላ̇ሪ ና̈ሳ ዳይናዲ ኢ̈ኮ “ዓይ ዋ̈ ዎ፤ ዪዚ ታ ዓንዳ ጻማ̇ቂንታ̇ንዳብ ታ̈ና ካያዝ ባዚን ኣብዛ?” ጌይዴ።

ሮሜ 10:10

ኣሲ ፌ ቡ̈ዳባር ኣማ̇ኔጌይን ጺሊ̇̈ሬ፤ ፌ ኖ̈ኒምባር ማርኪ̇ቴጌይን ፋጺ̈ሬ፤

ሮሜ 14:11

“ ‘ታ̈ኒ ሼምፓባሮ̈ዳ፤ ኣሲ ዎይሲ ቴ ቲ̈ን ቡቂንቲ̇̈ሬ፤ ቴ ጾ̈ስ ማ̈ቂ̇ኖን ፌ ኖ̈ናባር ማርኪቲ̈ሬ’ ጌይሬ ጾ̈ሲ̇” ጋ̈ር ጻ̈ፊንቲ̇ኔ።

ሮሜ 14:9

ክርስቶ̈ሲ ዓይቃ̇ር ዓይቃ ጋርታ̇ፖ ዲንዲ̇ኖ̈ዲ ሼምፓባራ ዎ̈ንብኬ ዓይቂ̇ኖንቦ ዎይ ጎድ ማ̈ቃ̇ንዳቦ።

ሮሜ 4:24

ኑ̈ ዎይንቦ። ጎዳ ዬሱ̈ሳ ዓይቃ ጋርታ̇ፖ ዲንኖ ጾ̈ሳ̇ ኣማ̇ኒዛን ኑ̈ባሬ ጾ̈ሲ̇ ኑ ኣማ̇ኒን ጺሊ̇ቲ ማ̈ሃር ፋይዲ̈ሬ።

ሮሜ 8:34

ኢንታ̇ ጋልዳ ፊርዲ̇ዛ ኦ̈ኖ? ኑ ጊሻ̇ብ ዓይቂ̇ኖዲ፣ ዓይቃ ጋርታ̇ፖ̇ ዲንዲኖ̈ዲ፣ ጾ̈ሳ̇ ባ̈ባ̈ቦ ኡሻች ጎይ ዶኢኖ̈ዲ ኢ ኑ ጊሻ̇ብ ጪጛሽ ማ̈ቃ̇ር ጌሺ̈ሬ።

1 ቆሮ 12:3

ዪ̈ኮታ̇ቦ ጾ̈ሳ̇ ኣያ̇ና ኢያ ቲ̈ኒን ዬሱ̈ሳ ባዲ̇ዝ ኣሲ ኦ̈ናካር ባዬ። ማ ጌ̈ሻ ኣያ̇ና ኢያ ቲ̈ናካ̇ይ ኣቴ̇ጌይንዶ ኦ̈ናካር “ዬሱ̈ሲ ጎዴ!” ጌይዝ ኣሲ ባዮ̇ን ቴ ዪንታ̇̇ብ ሶ̈ላሬ።

ፊል 2:11

ማ ኣሲ ዎይ “ዬሱ̈ሲ ጎዴ” ጌዪ ማርኪቲሙታ፥ ጾ̈ሳ̇̇̈ ባ̈ባ̈ቦ ቦንች ኢማ̇ምፔ̈ኒዬ።

1 ጴጥ 1:21

ዪንታ̇ ኣማ̇ኒንዲኬ ዪንታ̇ ታስፊን ጾ̈ሳ̇ ጋልዳ ማ̈ቃ̇ምፔ̈ን ዬሱ̈ሳ ጎይባራ ኢያ ዓይቃ ጋርታፖ̇ ዲንኖዲኬ ኢ̈ቦ ቦንች ኢሚ̇ኖ ጾ̈ሳ̇̇̈ባራ ዪንቲ̇ ኣማ̇ኒንቲ̇̈ሬ።

1 ዋ̈ኒ̇ 4:15

ዬሱ̈ሲ ጾ̈ሳ̇̇ ናኢ ማ̈ቂ̇ኖን ኣማ̇ኒዝ ኣሳ ጋርታ̇ ጾ̈ሲ ዶኢ̈ሬ፤ ና̈ሳ̈ዳሬ ጾ̈ሳ̇̇̈ባር ዶኢ̈ሬ።

2 ዋ̈ኒ̇ 1:7

ዬሱ̈ስ ክርስቶ̈ስ ኣስ ማ̈ቃ̇ር ሳ̈ዚን ዓኒ̇ ጋልዳ ዬይኖንዶ ኣማ̇ኒባ̈ሶ ዎይሊን ኣስ ባሊዝ ኣሳን ዲንዲ̇ኔ። ዪ̈ዲፌ̈ኖ ና̈ሳ̈ዲ ኣስ ባሊዝ ኣስኬ ክርስቶ̈ሳ ኢጺ̇ዝ ኣሴ።