ሳጻ 8:3 - ኦራ ጫ̈ቃ ማጻ̈ፋ

³ ኢጻ̈ና ጩይሺ̇ዝ ዎርቃባር ኦ̈ንቲኖ ቄንዳላ ኤ̈ኖ ሜላ ኪ̈ታንቾ ዬ̈ሪ ካ̈ሻ̇ ቤሲ̇ን ላፍ ኤቂ̇ዴ፤ ዙፋና ቲ̈ን ዎ ዎርቃባር ኦ̈ኖ ካ̈ሻ ቤሲ̇ን ጋልዳ ጌ̈ሻ̇ ኣሳን ዎሲንባራ ዎልኣ ፔታ̇ን ሺሻ̇ምፔ̈ን ዎይሊን ኢጻ̈ና ኢ̈ብ ኢሚ̇ንቲ̇ዴ።

ሳጻ 8:3 ပူးပေါင်းရင်းမြစ်များ

ሉቃ̈ሳ 1:10

ጾ̈ሳ̇̇ ኬ̈ ጋርታ̇ ኢጻ̈ና ጩይታ̇ምባራ ዎርዣ ዎይ ዛ̈ናዶ̈ሪ ጾ̈ሳ̇̇ ዎ̈ሲ̈ሬ።

ሮሜ 8:34

ኢንታ̇ ጋልዳ ፊርዲ̇ዛ ኦ̈ኖ? ኑ ጊሻ̇ብ ዓይቂ̇ኖዲ፣ ዓይቃ ጋርታ̇ፖ̇ ዲንዲኖ̈ዲ፣ ጾ̈ሳ̇ ባ̈ባ̈ቦ ኡሻች ጎይ ዶኢኖ̈ዲ ኢ ኑ ጊሻ̇ብ ጪጛሽ ማ̈ቃ̇ር ጌሺ̈ሬ።

ኢብ 7:25

ዪ̈ኮታቦ ኢ ኢንታ ጊሽ ̇ጪጛሽ ማ̈ቃ̇ር ጌሻንዳቦ ሜናብ ሼምፓባር ማ̈ቃ̇ር ዶኢዛኮታቦ ኢ ጎይባራ ጾ̈ሳ̇ኮ ዬይዛን ዎይ ዉርሲ ፋንዳብ ዳንዳኢ̈ሬ።

ኢብ 9:4

ዪና ኪፊሊን ጋርታ ዎርቃባር ኦ̈ንቲ̇ኖ ኢጻ̈̈ና ጩይሺ̇ዝ ቄንዳላኬ ኢዝ ጋሊ̇ን ዎርቃባር ሜ̈ሺኖ ጫ̈ቃ ታ̈ቦ̈ቲንዲክ ዎ፤ ዪና ታ̈ቦቲን ጋርታ ማና̇ ዎ ዎርቃ̇ባር ኮቺ̇ኖ ሌ̈ማታ ዎ፤ ማ ፉርቲ̇ኖ ኣ̈ሮና ጉፊንዶ፤ ጾ̈ሳ̇ ሂጊ̇ን ኢዝ ጋልዳ ጻ̈ፊንቲ̇ኖ ናምኢ ሹቻ̇ን ኢና ዎ።

ሳጻ 10:1

ኢናፖ ሻ̈ራ ማኢኖ ሜላ ሚን ኪ̈ታንቻ ኣፋፖ̇ ሶ̈ባምባ̇ር ቴ ቤቃ̇ዴ፤ ፉዳ ኢ ቆማ̇ጋልዳ ዙ̈ላ ቢሪንቲ̇ኔ፤ ኢ ዴ̈ማ̈ባራ ኣዋ̈ኣፍፌ̈ኔ፤ ኢ ቶሃን ታማ ቱ̈ሳፌ̈ኔ።

ሳጻ 14:18

ታማ ጋልዳ ኢ̈ብ ሲልጣ̈ና ዎ ሜላ ኪ̈ታንቾ ካ̈ሻ̇ ቤሲ̇ን ላፋፖ ኬስካ̇ሪ ኣጪንች ባ̈ጪ ኤ̈ኖ ኪ̈ታንቻ̇̈ኮ “ዎይና ኣ̈ፊን ካጻ̇ ዲሊኖኮታ̇ቦ ኔ ባ̈ጪን ኣጪንቺንባራ ሳ̈ዝ ጋልዳ ዎ ዎይና ኣፋን ዎይ ቃጻ̇ር ሺ̈ሻ̇ቤ!” ጋ̈ሪ ፌ ቆ̈ ሾክ̇ ዎታር ዉይሲዴ።

ሳጻ 5:8

ኢ ማጻ̈ፊን ኤኪ̇ን ኦይዲ ኮቺንታ̇ንኬ ላምታ̇ም ኦይዲ ጪጛሻን ዶራ ቲ̈ን ፌ ዴ̈ማ̈ባር ጉጲጚዴ፥ ኢንቲ ዎይን ፌ ኩሽታ ዚምቢኬ ኢዝ ጋርታ̇ ኢጻ̈ና ኩሚኖ ዎርቃባር ኮቺ̇ኖ ሙዳ̈ያ ኤኔ፥ ዪና̇ ኢጻ̈ኒንዳ ጌ̈ሻ̇ ኣሳን ዎ̈ሲ̇ዝ ዎ̈ሳ።

ሳጻ 6:9

ኢሺቻ ማይታሚን ፊርቃምባ̇ራ ጾ̈ሳ̇̈ ቃ̈ሊን ሳባኪ̇ኖኮታ̇ብኬ ዬሱ̈ሳባዝ ማርኪቲኖኮታ̇ቦ ኣሲ ኢንታ̇ ዎኖ ኣሳን ሼምፒ̇ንዳ ካ̈ሻ ቤሲ̇ን ጻና ቤቃ̇ዴ፤

ሳጻ 7:2

ኢናፖ ሼምፓባር ዶኢዝ ጾ̈ሳ̇̈ ማይታሚን ኤ̈ኖ ሜላ ኪ̈ታንቻ̇ሬ ኣዋ̈ፍ ኬሲ ጎይባር ዬ̈ዚምባር ቴ ቤቃ̇ዴ፤ ዪ ኪ̈ታንቻ̈ዲ ሳ̈ዚንዲኬ ባሃ̈ሪን ጎዳኣምፔን ሲልጣ̈ና ኢንታ̇ብ ኢሚ̇ንቲ̇ኖ ኦይዲ ኪታንቻንኮ ፌ ቆ̈ ሾክ ዎታሪ፥

ሳጻ 8:4

ኢጻ̈ኒን ጩይዢንዳ ጌ̈ሻ̈ ኣሳን ዎ̈ሲንባራ ዎልኣ ኪ̈ታንቻ ኩሽታፖ ጾ̈ሳ̇̈ ቲ̈ን ዬ̈ላ̇ዴ።

ሳጻ 8:5

ዪኒ̇ፖ ዎሃ ኪ̈ታንቻ̈ዲ ኢጻ̈ና ጩይሻ̇ዝ ቄንዳሊን ኤ̈ሪ ካ̈ሻ̇ ቤሲ̇ን ጋልዳፖ ታማ ኤካ̇ር ኢዝባር ኩምሪ ቶ̈ራ ሳ̈ዳ ዡጊዲ̇ዴ፤ ኢናፖ ዳዳ ጊርቂዴ፤ ዜ̈ሊን ዜ̈ሊጚዴ፤ ሳ̈ዛር ኤንኢዴ።

ሳጻ 9:13

ሌሂ ኪ̈ታንቻ̇̈ዲ ፌ ኤ̈ኖ ሞይዚን ፉጊ̇ዴ፤ ኢናፖ ጾ̈ሳ̇̈ ቲ̈ን ዎ ዎርቃባር ኦ̈ንቲኖ ዣርሻ ቤሲ̇ን ጋልዶ ኡሺንቺ̇̈ን ጋርታፖ ጊርሲ̇ ኬስኪ̇ን ሲስካ̇ዴ።