ሳጻ 8:10 - ኦራ ጫ̈ቃ ማጻ̈ፋ

^10-11 ዓይዚ ኪ̈ታንቻ̇̈ዲ ፌ ሞይዚን ፉጊ̇ዴ፤ ኢናፖ ዣባ̇ ታማፌ̈ን ኤይቲ̇ዝ ጴች ቤ̈ርሲ ኣፋፖ ኬዲ̇ዴ፤ ዪ ቤ̈ርሳ ኢ ሱ̈ምንዳ “ጫ̈ጛ” ጌይንቲ̈ሬ፤ ኢ ዋ̈ን ኣ̈ፊን ሲሲን ጋልዳኬ ዶቃ ዋ̈ን ጋልዳ ኬዲ̇ዴ። ዋ̈ምቦ ሲሲንዳ ጫ̈ጚዛ ማ̈ቃ̇ዴ፤ ዪን ዋ̈ን ጫ̈ጚዛኮታ̇ቦ ዎይሊን ኣሲ ዓይቂ̇ዴ።

ሳጻ 8:10 ပူးပေါင်းရင်းမြစ်များ

ማ̈ቶ̈ሳ 25:1

ዬሱ̈ሲ ኢንታ̇ኮ “ዪና̇ ኢዝባራ ጾ̈ሳ̇̇ ካቲ̇ቲንዳ ፌ ፎኢንን ፌ ኩሽታ ኤ̈̇ሪ ኢሲ̇ ሞኪ̇ ኤካ̇ንዳብ ጊ̈ጊንቲ̇ኖ ታጳ̇ ዉዲራን ማይጻ̈ሬ።

ሉቃ̈ሳ 10:18

ኢያር ኢንታ̇ኮ “ሴ̈ጣኖ ዳዳፌ̈ኒ ኣፋፖ̇ ኬዳ̇ምባ̇ር ቴ ቤቃ̇ዴ።

ዪሁ 1:13

ፌ ኢ̈ታ ኦ̈ሲን ጉፊንታ ጮ̈ሽኪዝ ባሃ̈ራ ጋልዶ ጴች ውርጊፌ̈ኒዬ፥ ማ ጊልዲጊልድ ጌይኖ ም ኢንታ̇ብ ጊ̈ጊኖ ጌዳክ ዓኒክ ጌይዝ ቤ̈ርሳንፌ̈ኔ።

ሳጻ 1:20

ቴ ኡሻቻ̇ ኩሺን ጋርታ ኔ ቤቂ̇ኖ ታብዛ ቤ̈ርሳንኬ ታብዛ ዎርቃ ጋልዳፖ ኮቺ̇ኖ ማቅራዛን ቢርሺቺንዳ ዓኖ̇፦ ታብዛ ቤ̈ርሳን ታብዛ ዎ̈ሳ ኬንቦ ኪ̈ታንቻን፤ ፎኢን ጋዲ̇ዝ ታብዛ ኢቃን ታብዛ ዎ̈ሳ ኬ̈ን።

ሳጻ 12:4

ፌ ጎልሲምባራ ቤርሳን ጋርታ̇ፖ ሲሲን ኣፋፖ ጎ̈ቻ̇ር ሳ̈ዳ̇ ቶጚዴ፤ ኣሲን ዬሌጌይን ኢዝ ናኣ ቆ̈ንዳብ ቆፓ̇ሪ ዳዋዲ ኣሲን ቲ̈ን ኣ̈ር ኤቂ̇ዴ።

ሳጻ 14:7

ኢያር ፌ ቆ̈ን ሾክ̇ ዎታሪ “ጾ̈ሳ̇̈ቦ ኢ̈ጪ̇ብቴ! ኢያ ቦንቺ̇ብቴ! ኢ ፊርዳ ቃማ̇ ዬሊ̇ኔ፤ ኣፎ ሳ̈ዚንዲኬ ሳ̈ዶ ሳ̈ዚንዶ፤ ባሃ̈ሪንዲኬ ዋ̈ ዶቃን ኮቺ̇ኖ ጾ̈ሳ̇̈ቦ ሞ̈ኪንቲብቴ̇!” ጌይዴ።

ሳጻ 16:4

ዓይዚ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ዋ̈ን ጋልዳኬ ዶቃ ዋ̈ን ጋልዳ ዉሊዴ፤ ዋ̈ንሬ ሱ̈ ማ̈ቂ̇ዴ፤

ሳጻ 6:13

ጴች ኣይጊ ዬ̈ሪ ሚ ኣ̈ፍ ጋ̈ራዚንዲፌ̈ኒ ኣፎ ቤርሳንር ጋ̈ሪንቲ̇ዴ።

ሳጻ 8:7

ቲ̈ኖ ኪ̈ታንቻ̇̈ዲ ፌ ኤ̈ኖ ሞይዚን ፉጊ̇ዴ፤ ኢናፖ ሻች̇ኬ ሱ̈ኬ ቡሺንቲ̇ኖ ታማ ዬ̈ሪ ቶ̈ራ ሳ̈ዳ ቶጚቲዴ፤ ሳ̈ዚን ጋልዳፖ ሲሲን ሚጫ̇ዴ፤ ሚ ጋርታፓር ሲሳ̈ ሚጪ̇ዴ፤ ሳ̈ዶ ማ̈ታ ዎይ ሚጪ̇ዴ።

ሳጻ 9:1

ኢሺቻ ኪ̈ታንቻ̇̈ዲ ፌ ኤ̈ኖ ሞ̈ይዚን ፉጊ̇ዴ፤ ኢናፖ̇፥ ኣፋፖ ቶ̈ራ ሳ̈ዳ̇ ኬዲ̇ኖ ፔቲ̇ ቤ̈ርስ ቴ ቤቃ̇ዴ፤ ቶ̈ራ ዎሳሊ ባዮ̇ ዶ̈ቺ̇ን ፊርቂዝ ቁልፋ ኢ̈ብ ኢሚ̇ንቲዴ።

ሳጻ 9:15

ዓኒ̇ ሳኣቲምቦ፥ ዓኒ̇ ቃሚ̇ንቦ፥ ዓኒ ኣጋኒምቦ፥ ማ ዓኒ̇ ላይምቦ ጊ̈ጊንቲ̇ኖ ኦይዲ ኪ̈ታንቻን ኣሳ ዜር ጋርታፖ ሲሳ ዎምፔ̈ን ቢሊንቲ̇ዴ።

ሳጻ 9:18

ኢንታ ኖ̈ና ጋርታፖ ኬስኪ̇ኖ ታማ፣ ጩይዣዲኬ ዲ̈ናባራ ኣሳ ዜር ጋርታ̇ፖ ሲሳ ዓይቂ̇ዴ።