ሳጻ 7:2 - ኦራ ጫ̈ቃ ማጻ̈ፋ

² ኢናፖ ሼምፓባር ዶኢዝ ጾ̈ሳ̇̈ ማይታሚን ኤ̈ኖ ሜላ ኪ̈ታንቻ̇ሬ ኣዋ̈ፍ ኬሲ ጎይባር ዬ̈ዚምባር ቴ ቤቃ̇ዴ፤ ዪ ኪ̈ታንቻ̈ዲ ሳ̈ዚንዲኬ ባሃ̈ሪን ጎዳኣምፔን ሲልጣ̈ና ኢንታ̇ብ ኢሚ̇ንቲ̇ኖ ኦይዲ ኪታንቻንኮ ፌ ቆ̈ ሾክ ዎታሪ፥

ሳጻ 7:2 ပူးပေါင်းရင်းမြစ်များ

ማ̈ቶ̈ሳ 16:16

ዪና̇ ኢዝባራ ሲሞ̈ን ጴ̈ጥሮ̈ሲ ኢ̈ኮ “ኔ̈ኒ ሜናብ ዶኢዝ ጾ̈ሳ̇̇ ናኣ ክርስቶ̈ሳ” ጋ̈ር ማሂዴ።

ማ̈ቶ̈ሳ 26:63

ዎቲናካሬ ዬሱ̈ሲ ዚም ዶኢዴ። ኢናፖ̇ ቄ̈ሳ ኣላቃ̈ዲ ማ̈ቃ̇ር ዬሱ̈ሳኮ “ቴ ኔ̈ና ጾ̈ሳ̇̇ ሱምባር ኦይጫ̇̈ሬ! ጾ̈ሳ̇̇ ናኣ ክርስቶ̈ሳ ኔ̈ናኮ ሶ̈ላቤ!” ጌይዴ።

ዋ̈ኒ̇ሳ 6:27

ታ ኣሳ ናኣ̈ዲ ዪንታ̇ብ ኢማ̇ዝ ሜናብ ዶኣምፔ̈ን ዎታዝ ፊ̈ሺምቦ̇ ኦ̈ብትዶኬ፥ ሳማር ያዝ ፊ̈ሺምቦ̇ ኦ̈ፒ̇ቴ። ጾ̈ሳ̇̇ ባ̈ባ̈ዲ ቴ ዪኖ̇ ኦ̈ምፔ̈ን ሲልጣ̈ና ታ̈ብ ኢሚ̇ኔ።

2 ቆሮ 1:22

ኑ ኢያይ ማ̈ቂ̇ኖን ማርኪቲዝ ማ̈ታማ ኑ ጋልዳ ጋዲ̇ ዎሃ ኑ̈ብ ኢማ̇ዝ ባዚምቦ ፌ ጌ̈ሻ ኣያ̇ና̈ዳ ቃብዳፌ̈ን ኑ ቡ̈ዲን ጋርታ ጋዲ̇ኖ ኢያ።

ኤፍ 1:13

ዪንቲ̇ ኪን ቃ̈ላ ማ̈ቂ̇ኖን ዪንታ̇ ፋዝ ዎጛሊን ሲስካ̇ሪ ክርስቶ̈ሳ ኣማ̇ኒዴ። ኢያሬ ዪንታ̇ብ ኢማ̇ንዳ ጌይኖ ጌ̈ሻ̇ ኣያ̇ና ጎይባራ ዪንቲ ኢዬይ ማ̈ቂ̇ኖን ኤርሲዝ ማይታማ ዪንታ̇ ጋልዳ ቡኪ̇ዴ።

ኤፍ 4:30

ጾ̈ሳ̇̇ ዪንታ̇ ፎቲ ፋዝ ቃ̈ሚንቦ ጋ̈ሪ ዪንታ̇ ጋልዳ ማይታማፌ̈ኒ ቡኪ̇ንቲ̇ኖ ጌ̈ሻ ኣያ̇ና ሺ̈ን ዎታፒቴ̇።

1 ታሳ 1:9

ኑ̈ኒ ዪንታ̇ኮ ዬይኖንባራ ዪንቲ ኑ̈ና ዎዛርፌ̈ን ሞኪ̇ ኤኪ̇ኖኮ፤ ማ ዪንቲ ኤ̈ቃ ጎይናዚን ኣሻ̇ር ሜናብ ዶኢዝ ኪን ጾ̈ሳ̇̇̈ቦ ኦ̈ንዳቦ ዎዛርፌ̈ን ኢ̈ክ ማ̈ቂ̇ኖኮ ዪን ኣሳን ፌ̈ብ ፌ ኖ̈ኒንባር ማርኪቲ̈ሬ።

2 ጢማ̈ 2:19

ዎቲናካር “ጎዳ̈ዲ ፌዪ ማ̈ቂ̇ኖን ኤሪ̈ሬ፤” ማ “ጎዳ ሱምን ጼይጊዝ ኣሲ ዎይ ኢ̈ት ባዝ ጋልዳፖ ጎቶ̇” ጌይዝ ማይታማ ኢዝ ጋልዳ ጋዲ̇ኖ ጾ̈ሲ ቶሊኖ ቱ̈ሲን ኤንኣባሴ።

ኢብ 12:22

ዪንቲ ዎቲናካሬ ጺዮ̈ና ኢንዲንኮ ኡኪ̇ኔ፤ ኢዛሬ ሜናብ ዶኢዛ ጾ̈ሳ̇̈ ካታ̈ማ፥ ኣፎ ዬሩሳ̈ላሞ፤ ኡፋይስባር ሺቂኖንኮ፥ ዎይሊን ሙኩላ ማ̈ቂ̇ዝ ኪ̈ታንቻንኮ ዪንቲ ኡኪ̇ኔ።

ሳጻ 1:3

ዪና̇ ዎይ ፎቲንታዝ ኬሊ̇ን ኡክ̇ ማ̈ቂ̇ኖኮታ̇ቦ ዓና̇ ቲንቢታ ቃ̈ሊን ናባ̇ቢዝ ኣሲ ኣንጂ̇ንቲኖ̈ዳ! ማ ዪና̇ ቃ̈ሊን ሲስካ̇ሪ ኢዝ ጋርታ ጻ̈ፊንቲ̇ኖን ኦ̈ሳ ጋልዳ ፌ̈ሺ̇ዛን ኣንጂ̇ንቲ̇ኖን።

ሳጻ 10:1

ኢናፖ ሻ̈ራ ማኢኖ ሜላ ሚን ኪ̈ታንቻ ኣፋፖ̇ ሶ̈ባምባ̇ር ቴ ቤቃ̇ዴ፤ ፉዳ ኢ ቆማ̇ጋልዳ ዙ̈ላ ቢሪንቲ̇ኔ፤ ኢ ዴ̈ማ̈ባራ ኣዋ̈ኣፍፌ̈ኔ፤ ኢ ቶሃን ታማ ቱ̈ሳፌ̈ኔ።

ሳጻ 10:4

ታብዛ ዳዳን ፌ ጊርሲ̇ን ሲሲ̇ኖፖ ዓኒ ታ̈ኒ ቴ ሲስኪ̇ኖን ኤሊ̇ር ጻ̈ፋንዳብ ቆፓ̇ዴ፤ ዎቲናካሬ “ታብዛ ዳዳን ሶ̈ሊኖን ሚስጢራባር ኤ̈ብዶኬ ጻ̈ፋፔ̇” ዪዝ ጌይዝ ጊርስ ኣፋፖ ቴ ሲስካ̇ዴ።

ሳጻ 16:12

ሌሂ ኪ̈ታንቻ̇̈ዲ ፌ ኤ̈ኖ ዋ̈ንጪን ጋርቶ̇ንዶ ጴች ዋ̈ን ኤፊራ̈ጢ̈ሲ ጋልዳ ዉሊዴ፤ ኣዋፍ ኬሲ ጎይፖ ዬይዝ ካ̈ቲንታ̇ንቦ ጎይ ፊርቂንታ̇ንፔ̈ኒ ዋ̈ን ሜላዴ።

ሳጻ 5:2

ኢናፖ ሚ̈ን ኪ̈ታንቻ̇ ፔታ̇ንዶሪ ፌ ቆ̈ ሾክ̇ ዎታሪ “ማይታማን ቢላ̇ንዳብኬ ማጻ̈ፊን ፊርቃ̇ንዳብ ዳንዳኢዝ ሲልጣና ዎ ኦ̈ኖ?” ጋ̈ሪ ሶ̈ላምባር ቤቃ̇ዴ።

ሳጻ 8:3

ኢጻ̈ና ጩይሺ̇ዝ ዎርቃባር ኦ̈ንቲኖ ቄንዳላ ኤ̈ኖ ሜላ ኪ̈ታንቾ ዬ̈ሪ ካ̈ሻ̇ ቤሲ̇ን ላፍ ኤቂ̇ዴ፤ ዙፋና ቲ̈ን ዎ ዎርቃባር ኦ̈ኖ ካ̈ሻ ቤሲ̇ን ጋልዳ ጌ̈ሻ̇ ኣሳን ዎሲንባራ ዎልኣ ፔታ̇ን ሺሻ̇ምፔ̈ን ዎይሊን ኢጻ̈ና ኢ̈ብ ኢሚ̇ንቲ̇ዴ።

ሳጻ 9:14

ጊርሲንዳ̇ሬ ሞይዛ ኤ̈ኖ ሌሂ ኪታንቻ̇̈ኮ “ጴች ዋ̈ን ኤፊራ̈ጢሲኮ ቃቺ̇ንቲ̇ኖ ኦይዲ ኪ̈ታንቻ̇ን ቢላ̇ቤ!” ጌይዴ።

ሳጻ 9:4

“ሳ̈ዝ ጋልዳ ማ̈ታ̇ር ማ̈ቆ ጫ̈ላ̇ ባዚ ዎይ ዎይ ሚር ማ̈ቂ̇ን ጎዳኣፒ̇ቴ፤ ኢንታ ዴ̈ሚን ጋልዳ ጾ̈ሳ̇̈ ማይታማ ባዮ ኣሳን ሙታ̇ ጎዳኢብቴ” ጋ̈ር ኢንታ̇ብ ሶ̈ሊዴ።