ሳጻ 7:17 - ኦራ ጫ̈ቃ ማጻ̈ፋ

¹⁷ ዙፋና ጊዳ̇ ዎ ዶራ̈ዲ ኢንታ ዬ̈ጚ̈ሬ፤ ሼምፓ ኢማ̇ዝ ዋ̈ንኮ ኢንታ ቲ̈ናር ኤጚ̈ሬ፤ ጾ̈ሳ̇̈ዲ ኢንታ ኣብን ዎይ ኢንታ ኣ̈ፊን ጋልዳፖ̇ ቁቺ̇̈ሬ” ጌይዴ።

ሳጻ 7:17 ပူးပေါင်းရင်းမြစ်များ

ማ̈ቶ̈ሳ 5:4

ኣዛ̇ኒዛን ጾ̈ሳ̇̇ ኢንታ̇ ሚን̈ዛኮታ̇ቦ፥ ኢንቲ̇ ኣንጂንቲኖን።

ዋ̈ኒ̇ሳ 10:11

“ኮሽ ዬ̈ን ና̈ሳ ታ̈ና፤ ኮሽ ዬ̈ን ና̈ሳ̈ዲ ፌ ዶራን ጊሽ ፌ ሼምፒ̇ን ዓይቃብ ኣ̈ ኢሚ̇̈ሬ።

ዋ̈ኒ̇ሳ 10:14

ኮሽ ዬ̈ን ና̈ሳ ታ̈ና፤ ታ ባ̈ባ ታ̈ና ኤራዚንዲፌ̈ንኬ ታ̈ናር ታ ባ̈ባ̈ ኤራዚንዲፌ̈ኒ፥ ታ̈ኒ ቴ ዶራን ኤራሬ፤ ኢንታ̇ር ታ̈ና ኤሪ̈ሬ። ታ̈ኒ ቴ ዶራን ጊሺ̇ምቦ̇ ቴ ሼምፒ̇ን ዓይቃብ ኣ̈ ኢማ̇̈ሬ።

ዋ̈ኒ̇ሳ 4:10

ዬሱ̈ሳር ኢዝኮ “ጾ̈ሳ̇̇ ኢሚ̇ዝ ባዝኬ፥ ማ ኔ̈ክ ‘ታ̈ና ዋ̈ ታ̈ና ኡሺ̇ሼ’ ጌይዛ ኢ ኦ̈ናኮ ኔ ኤሪኖኮ፥ ኢያ ጌሻንዳ̇ ኮሻ̇ዚን ኔ̈ናዶ̈ን፥ ኢያር ኔ̈ቦ ሼምፓ ኢሚ̇ዝ ዋ̈ ኢሚ̇̈ርዶ̈ን” ጌይዴ።

ዋ̈ኒ̇ሳ 4:11

ኣሲንዳ̇ር ኢ̈ኮ “ላ̈! ኪ̈ቲ̇ዝ ባዚ ኔ̈ብ ባዪ፥ ዶ̈ቺ̇ንዳ̇ር ጎቴ̇፤ ዪዚ ዪ ሼምፓ ዋ̈ ኔ ዎይዲፖ̇ ዲጛራ?

ዋ̈ኒ̇ሳ 4:14

ቴ ኢማ̇ዝ ዋ̈ን ኡሽኪ̇ዝ ኣሲ ኣባካር ጌይን ዉርሲ ባርሲንቲ̇ባ̈ሴ። ቴ ኢማ̇ዝ ዋ̈ን ኢ ጋርታ̇ፖ̇ ፉዳ ኬስኪ̇ዝ ዶቃ ዋ̈ፌ̈ን ሜናብ ሼምፓባር ዶኢ ኢሚ̇ዝ ዋ̈ ማ̈̇ቃ̇̈ሬ” ጌይዴ።

ሃዋ̈ራታን ኦ̈ሳ 20:28

ጌ̈ሻ̇ ኣያ̇ናዲ ፌ ዎርዣ̈ ና̈ጎ ጋ̈̈ር ዪንታ ማራ̇ጺኖ̈ኮታ̇ቦ ዪዚ ዪንቲ̇ ዪንታ ቆሚንዲኬ ዎርዣ ኮሺንቻር ና̈ጊብቴ̇፤ ኢ ፌ ሱ̈ምባር ዎዚኖ ዎ̈ሳ ኬ̈ን ና̈ጊብቴ።

1 ጴጥ 5:2

ዪንታ̇ቦ ዓዳራባር ኢሚ̇ኖን ጾ̈ሳ̇ ዎርዣ ና̈ጊብቴ፤ ዪንቲ̇ ኢንታ̇ ና̈ጋዚንዳ ዎልቃባር ጊዳካ̇ይዶን ጾ̈ሳ̇ ኮዪዝ ጎይባራ ዶሳባር ማ̈ቆ̇፤ ሚ̈ሻ̇ብ ጋንዲሙታ̇ ጊዳካ̇ይዶን ኦ̈ሲምቦ ጋ̈ሪ ኦ̈ብቴ።

ሳጻ 14:4

ኢንቲ ማጫ̇ ዬሊ̇ ፌ̈ና ቄካይ ዎ ኣሴ፤ ኢንቲ̇ ዶራ ሉካ̇ዝ ቤሲ̇ን ዎይ ኢ ዎሂን ዬሬ። ኢንቲ ኣሳን ጊዳ̇ፖ ቆሪንታ̇ሪ ጾ̈ሳ̇̇̈ባኬ ዶራ̈ቦ ኡስ̇ፌ̈ን ሺ̈ቂ̇ኖ ኣሴ።

ሳጻ 21:22

ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ።

ሳጻ 21:23

ካታሚንቦ ጾ̈ሳ̇ ቦንቻ ፎኢሲዛኮታብኬ ዶራዲ ኢዝቦ ፎኢን ማ̈ቂ̇ኖኮታ̇ቦ ኣዋ̈ፍኬ ኣጋን ፎኢን ኢዝቦ ኮሺ̇ባ̈ሴ።

ሳጻ 21:4

ኢንታ ኣብን ዎይ ኢንታ ኣ̈ፊን ጋልዳፖ ቁቺ̇̈ሬ፤ ቲ̈ኖ ዎጋ ዎይ ኣ̈ኖኮታ̇ቦ ዓይቃ ዎይ ኣዛና ዎይ ዬ̈ፊ ዎይ ቢጻ ዓኒፖ̇ ጌዳ ዶኢባ̈ሴ” ጋ̈ሪ ሾክ̇ ጌይኖ ቆ̈ባራ ሶ̈ላምባር ሲስካ̇ዴ።

ሳጻ 21:6

ዪኒፖ ዓኒ ታ̈ኮ “ፎቲንቲ̇ዴ! ኣልፋሬ ኦሜ̈ጋሬ፥ ቲ̈ኖዳሬ ጋሶ̈ዳሬ ታ̈ና፤ ባርሲንቲኖ̈ቦ ሼምፓ ኢሚ̇ዝ ዋ̈ ዶቃ ጋርታ̇ፖ ኣባካር ጪጋካ̇ይዶን ቴ ሜላ̇ ኢማ̇ንዳ።

ሳጻ 22:1

ዓኒ̇ፖ ዎሃ ኪ̈ታንቻዲ ጾ̈̈ሳ̇̈ዲኬ ዶራ̈ ዙፋ̈ና ጋልዳፖ ኬስኪ̇ዛ ኮሽ̇ ማስቶ̈ታፌ̈ን ዪል ጌይኖን ሼምፓ ኢሚ̇ዝ ዋ̈ን ታ̈ና ቤይሲዴ።

ሳጻ 4:11

“ኑ ጎዳ̈ዳኬ ኑ ጾ̈ሳ̇̈̇ዶ! ዎይ ባዝ ኔ ኮቺ̇ኖኮታ̇ቦ፥ ባዝ ዎይዳር ኮቺንቲ̇ኖዲኬ፥ ሼምፓ ዲጚኖ̈ዲ ኔ ጌይን ማ̈ቂ̇ኖኮታ̇ቦ፥ ጴቺ̈ቲ፣ ቦንችኬ ዎልቃ̇ሬ ኔ̈ ኤካ̇ንዳብ ቤይሳ̈ሬ” ጌይሬ።

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።