ሳጻ 7:15 - ኦራ ጫ̈ቃ ማጻ̈ፋ

¹⁵ ዪ̈ኮታ̇ቦ ጾ̈ሳ̇̈ ዙፋ̈ና ቲ̈ን ኤቃ̇ሪ ቃማ̇ሬ ጋላሳ̇ር ጾ̈ሳ̇̈ ኬ̈ ጋርታ ኢ̈ብ ኦ̈ሬ፤ ዙፋ̈ና ጋልዳ ዶኢኖዲ ኢንታ̇ብ ሺፋ ማ̈ቂ̇ሬ።

ሳጻ 7:15 ပူးပေါင်းရင်းမြစ်များ

ዋ̈ኒ̇ሳ 1:14

ቃ̈ላ̈ዳር ኣስ ማ̈ቃ̇ር ኑ ጊዳ̇ ዶኢዴ፤ ኑ̈ናሬ ኣንጃኬ ኪንቲ ኩማሪ ፌ ባ̈ባፖ̇ ዬይኖ ፔቲ̇ ናኣ ኢ ቦንቺ̇ን ኑ ቤቂ̇ዴ።

1 ቆሮ 3:16

ዪንቲ̇ ጾ̈ሳ̇̇ ኬ̈ ማ̈ቂ̇ኖንዲኬ ጾ̈ሳ̇ ኣያ̇ና ዪንታ̇ ጋርታ ዶኣዚን ዪንቲ̇ ኤሪባ̈ሳ?

2 ቆሮ 6:16

ጾ̈ሳ̇ ኬ̈ኬ ጻላሃክ ኣብዚ ዎል ዬልራ? ኣባ ጌይን ጾ̈ሳ̇̇̈ዲ፦ “ታ̈ኒ ቴ ዎርዣ ጊዳ̇ ዶኣንዳ፤ ቴ ኢንታ̇ ጊዳ ዬ ቢሪንታ̇ንዳ፤ ቴ ኢንታ̇ ጾ̈ስ ማ̈ቃ̇ንዳ፤ ኢን̇ታ̇ሬ ቴ ዎርዣ ማ̈ቂ̇̈ሬ” ጋ̈ሪ ሶ̈ሊኖንዲፌ̈ኒ ኑ ዎይ ሜናብ ዶኢዛ ጾ̈ሳ̇ ኬ̈።

ኢብ 12:2

ኑ ዎጻ̇ዚንዳሬ ኑ ኣማ̇ኒምቦ ዋና̇ ቲ̈ኖዳሬ ጋስ ውርሲዳሬ ኢያ ማ̈ቂ̇ኖ ዬሱ̈ሳ ቤቃ̇ሪዬ፤ ኢ ፌ ቲ̈ኖ ኢያ ና̈ጊኖ ኡፋይሲንኮታቦ ማስቃላ ጋልዶ ዬ̈ላ̇ ዓይቂን ኣባካር ማሂ ፋይዳካይዶር ዪና̇ ሜቲንዲኬ ዓይቂን ጋርዣሪ ጾ̈ሳ̇̇̈ቦ ኡሻች ጎይ ዶኢ̈ዴ።

ኢብ 8:1

ዪዚ ኑ̈ኒ ሶ̈ሊንታ̇ንዳቦ ኮሺ̇ዝ ባዛን ጋርታፖ ዋ̈ና ባዚንዳ ዓኖ̇፤ ኢዛሬ ኣፋ ዎይፖ ሾክ̇ ጌይኖ ጾ̈ሳ̇ቦ ኡሻች ጎይ ዶኢኖ ዓ̈ፌ̈ኖ ቄ̈ሳ ኣላቃ ኑ̈ብ ዎ።

ሳጻ 11:19

ኣፋ ዎ ጾ̈ሳ̇̈ ኬ̈ዳር ፊርቂንቲ̇ዴ፤ ኢ̈ኮ ጫ̈ቃ ታ̈ቦቲንዳር ዪና̇ ጾ̈ሳ̇̈ ኬ̈ን ጋርታ̇ ቤንታ̇ዴ። ዳዳ ጊርቂዴ፤ ዜ̈ሊንር ዜ̈ሊጚዴ፤ ሳ̈ዛር ኤንኢዴ፤ ጴች ሻቻ̇ር ኬዲ̇ዴ።

ሳጻ 13:6

ኢ ጾ̈ሳ̇ዳኬ ጾ̈ሳ̇̈ ሱምንዶ፣ ጾ̈ሳ̇ ዶኣዝ ቤሲንዲ̇ኬ ማ ኣፋ ዶኢዛን ቆ̈ሳ ኤ̈ዴ።

ሳጻ 20:10

ኢንታ ባሊኖ ዳ̈ቢሎሲ ማ̈ታ ባዛ̈ዲኬ ዎርዳ ናባ̈ዲ ዎ ዲናባር ሚቺ̇ዝ ታማ ባሃ̈ራ ጋርታ ቶጚንቲ̇ዴ፤ ኢንቲ̇ ቤስ̇ ኢና ቃማ̇ሬ ጋላሳ̇ር ሜናብ ቢጻ ቤቂ̇ ዶኢ̈ሬ።

ሳጻ 21:22

ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ።

ሳጻ 22:3

ዪዚ ዓኒ̇ፖ ጌዳ ኣባካር ባ̈ዲ ዶኢባ̈ሴ፤ ጾ̈ሳ̇ዳኬ ዶራ̈ ዙፋ̈ናዲ ካታሚን ጋርታ ዶኢ̈ሬ፥ ኢ ኦ̈ሽካራንር ኢ̈ብ ኦ̈ሬ።

ሳጻ 22:5

ዓኒ̇ፖ ጌዳ ቃሚ̇ ዶኢባ̈ሴ፤ ጎዳ ጾ̈ሳ̇ዲ ኢንታ̇ብ ፎኢሲዛኮታ̇ቦ ታማ ፎኢን ዎይ ኣዋ̈ፍ ፎኢን ኢንታ̇ብ ኮሺባ̈ሴ፤ ኢንቲ ሜናብ ካዉቲ ዶኢ̈ሬ።

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 4:8

ዪን ኦይዲ ኮቺንታ̇ን ኢንታ ቆሚ̇ን ቆሚ̇ን ኢንታ̇ብ ሌሂ ካፓ̇ ዎ፤ ኢንታ ጋሊ̇ን ዎይኬ ኢንታ ካ̈ፒ̇ን ጋርሲን ዎይ ኣ̈ፊ ኩሚኔ። ኢንታ̇ር ቃምኬ ጋላስኬ፥ “ጌ̈ሻ̈̇ዶ! ጌ̈ሻ̈̇ዶ! ጌ̈ሻ̈̇ዶ! ሚናፓር ዎ፥ ዓታር ዎ፥ ጊዳክ ዬይዛ፥ ዎይን ዳንዳኢኖ ጎዳ ጾ̈ሳ̇̈̇ዶ!” ጋዚ̈ን ኣሺባ̈ሴ።

ሳጻ 4:9

ዪን ኮቺንታ̇ን ዙፋ̈ኒን ጋልዳ ዶኢኖቦኬ ሜናብ ዶኢዛ̈ቦ ቦንች፣ ጋላታኬ ጴቺቲስኬ ኢ̈ብ ሺሻ̇ምባራ ዎይ ጋላስ፥

ሳጻ 7:9

ኢናፖ ቴ ቲ̈ኒን ጋርታ ኦ̈ናካር ፋይዲ ዉርሲባ̈ሶ ዎይሊን ዎርዣ ቴ ቤቃ̇ዴ፤ ኢንታ̇ሬ ዎርዣ ጋርታፖኬ ዜር ዎይ ጋርታፖ̇፥ ዱማ ዱማ ኖ̈ና ሶ̈ሊዛን ዎይን ጋርታፖ̇ ቆሪንታ̇ር ኬስኪ̇ኖ ኣሴ፤ ዪን ቦ̈ርስ ኣፊላ ማ̈ኣሪ ሜ̈ጻ̇ ዋ̈ይ ፌ ኩሽታ ኤ̈ሪ ዙፋና ቲ̈ንኬ ዶራ ቲ̈ን ኤቂ̇ኔ።