ሳጻ 7:14 - ኦራ ጫ̈ቃ ማጻ̈ፋ

¹⁴ ታ̈ናሬ ኢኮ “ጎዳዶ! ኔ ኤራ̈ሬ” ጋ̈ዴ፤ ኢያር ታኮ “ዓን ጴቻ ሜቲን ጋማሪ ዬይኖን፤ ፌ ኣፊላንሬ ዶራ ሱ̈ንባር ሜ̈ጫ̇ሪ ቦ̈ርስ ማሂኔ፤

ሳጻ 7:14 ပူးပေါင်းရင်းမြစ်များ

ማ̈ቶ̈ሳ 24:21

ዪና̇ ኬሊ̇ምባራ ዓና̇ ኣላሚን ኮቺ̇ንቲ̇ኖምፖ ኤ̈̇ር ዓታ̇̈ብ ዬሊ̇ዝ ዲራ̈ስ ማ̈ቃካ̇ዮ ባዚ ዎሃፓሬ ኢዝፌ̈ኖ ባዚ ዉርሲ ማ̈ቃምፔ̈ን ባዮ̇ ጴች ሜቶ ኢዝ ጋላሲ̇ን ማ̈ቃ̇̈ሬ።

ማ̈ርቆ̈ሳ 13:19

ኣባ ጌይን ዪና̇ ኢዝ ኬሊ̇ንባራ ጾ̈ሲ̇ ቲ̈ን ሳ̈ዝ ኤ̈ሺ̇ን ኮቺ̇ኖምፖ ኤ̈̇ር ዓኖ̇ ዬሊ̇ዝ ዲራ̈ስ ጌዳ ቲ̈ናሬ ማ̈ቃ̇ምፔ̈ን ባዮ̇ ጴች ሜታ ዬይሬ።

ዋ̈ኒ̇ሳ 16:33

ዪኖ̇ ቴ ዪንታ̇ብ ሶ̈ሊኖንዳ̇ ዪንቲ̇ ታባር ዶኤጌይን ሳሪቲ ዪንታ̇ብ ዶኣምፔ̈ኔ። ዪንቲ̇ ኣላሚን ጋልዳ ዎምባራ ሜታ ዪንታ̇ብ ዎ፤ ዎቲናካሬ ዓይዞ ኢ̈ጫ̇ፒ̇ቴ! ታ̈ኒ ኣላሚን ጋሚኔ” ጌይዴ።

ሃዋ̈ራታን ኦ̈ሳ 14:22

ኣማ̇ኒኖ ኣሳን ጎዳ̈ባራ ሚ̈ጛምፔንኬ ኢንቲ ፌ ኣማ̇ኒኖ ኣማ̇ኒንባር ሚ̈ጛር ዶኣምፔ̈ን ኢንታ ሚ̈ን ዞሪ ዎታሪ “ኑ̈ኒ ጾ̈ሳ̇ ካ̈ቲቲን ጋርታ ጌላንዳ̇ቦ ዎይሊን ሜታ ጋማር ኣ̈ንዳቦ ኮሺሬ” ጋ̈ር ኢንታ ታማ̈ርሲዴ።

ሮሜ 5:3

ዪ̈ባር ሙታ̇ ጊዳካይዶን ኑ̈ና ዬላ̇ዝ ሜቲንባራር ኡፋይቲ̇̈ሬ፥ ኣባ ጌይን ሜታ ጋርታ̇ፖ ጋርዢቺ̇ ቤንታ̇ዚንዶ ኑ̈ኒ ኤሪ̈ሬ፤

1 ቆሮ 6:11

ዪንታ̇ ጋርታፓ̇ር ፔታ̇ን ፔታ̇ናኒ ሚን ዪንፌ̈ኖ ባዛን ዎቲኔ። ዎቲናካር ዓት ዪንቲ̇ ጎዳ ዬሱ̈ስ ክርስቶ̈ሳ ሱምባርኬ ኑ ጾ̈ሳ̇ ኣያ̇ናባራ ናጋራ ጋርታ̇ፖ ሜ̈ጪንቲ̇ኔ፤ ዪንቲ̇ ጾ̈ሳ̇̇̈ቦ ጌዪ ቆሪንቲ̇ኖ ጌ̈ሽ̇ ዎርዣ ማ̈ቂኔ፤ ማ ጺላ̇ ኣስ ማ̈ቂ̇ኔ።

2 ታሳ 1:4

ዪ̈ኮታ̇ቦ ዎይሊን ሜታ ዪንታ̇ ዬሊ̇ናካሬ ዪንቲ̇ ኢዝ ጊዳ̇ ጋርታ ዎዛርፌ̈ን ጋርዢ ዪንታ̇ ኣማ̇ኒንባር ሚ̈ጚኖንዶ ዎ̈ሳ ኬ̈ንቦ ኑ ዪንታ̇ባዝ ሶ̈ሊሙታ ዪንታ̇ባር ኬርፊ̈ሬ።

ኢብ 13:12

ዬሱ̈ሳር ማ ዎርዣ ፌ ሱ̈ባር ጌ̈ሻ̇ንዳቦ ካታሚንፖ ቡጊድ ኬስካ̇ር ሜታ ኤኪ̇ዴ።

ኢብ 9:14

ጌ̈ሻ ኣያ̇ና ጎይባራ ሜናብ ፌ̈ና ማዛ ባዮ̇ ዣርሻ ማሃር ጾ̈ሳ̇ቦ ሺ̈ሺ̇ኖ ክርስቶ̈ሳ ሱ̈ን ኑ̈ኒ ሜናብ ዶኢዝ ጾ̈ሳ̇ቦ ኦ̈ምፔን ኑ ቆፊንዶ ማ̈ዲባ̈ሶ ዎጋን ጋርታፖ ዎዛርፌ̈ን ሺ ጌ̈ሻ̇ንዳዶ̈ኔ!

1 ጴጥ 1:19

ዪንታ̇ ፋንዳ̇ብ ጪጊንቲ̇ኖንዳ ኢ ጋልዳ ማዛ ባዮ̇ ጌ̈ሽ̇ ማ̈ቂ̇ኖ ዶሪ ማ̈ቂ̇ኖ ቦንቺንቲ̇ኖ ዬሱ̈ሳ ሱ̈ንዶ።

1 ዋ̈ኒ̇ 1:7

ጾ̈ሳ̇ ፎኢን ማ̈ቂ̇ኖንዲፌ̈ኒ ኑ̈ናር ፎኢንባራ ቢሪንቴ̇ጌንዶ ኑ̈ቦ ዎል ዎልኣ ፔቲ̇ቲ ዎ። ኢ ናኣ ዬሱ̈ስ ክርስቶ̈ሳ ሱ̈ንዳሬ ና̈ጋራ ዎይሶ ጋልዳፖ ኑ̈ና ሜ̈ጫ̇ ጌ̈ሻ̇̈ሬ።

ሳጻ 12:11

ኢንቲ ዶራ̈ ሱ̈ንባርኬ ፌ ሶ̈ሊኖ ማርኪቲ ቃ̈ሊንባራ ኢያ ጋሚኔ፤ ኢንቲ̇ ፌ ሼምፒ̇ምቦ ሚጪንታ̇ካይዶር ፌ̈ና ዓይቃብ ኣ̈ ኢሚ̇ኔ፤

ሳጻ 15:2

ዪኒ̇ፖ ዓኒ ታማባር ቡሺንቲ̇ኖ ማስቶ̈ታ ባሃራ ማይጺዝ ባዝ ቴ ቤቃ̇ዴ፤ ማ ማ̈ታ ባዛ̈ዲኬ ኢ ሚሲሊንዶ ማ ኢ ሱ̈ምን ፋይዲን ማሊ̇ን ጋሚኖ ኣሳን ቴ ቤቃ̇ዴ፤ ጾ̈ሲ ኢንታ̇ብ ኢሚ̇ኖ ዚምቢን ኤ̈ሪ ማስቶ̈ታ ባሃ̈ሪን ላፍ ኤቂ̇ኔ።

ሳጻ 17:6

ዪና̇ ኣሲንዳ ጌ̈ሽ̇ ኣሳን ሱ̈ንባርኬ ዬ̈ሱ̈ሳብ ማርኪቲኖኮታ̇ብ ዓይቂ̇ኖ ኣሳን ሱ̈ንባራ ማሲቲንዶን ቴ ቤቃ̇ዴ፤ ቴ ኢዞ ቤቃ̇ራ ዎይሊን ጋራ̇ሚንታ̇ዴ።

ሳጻ 2:9

ኔ ሜቲንዲ̇ኬ ኔ ዎርባዪቲን ታ̈ኒ ኤራ̈ሬ፤ ማ̈ቂ̇ናካሬ ኔ ዱሬ፤ ኣይሁዳ ዜር ባዪዶሪ ፌ̈ና ኣይሁዳ ዜር ጌይዛን፥ ሴ̈ጣናባር ማ̈ባራ ማ̈ቃ̇ር ዎን ኔ ሱምን ኢ̈ሲ̇ኖን ቴ ኤራ̈ሬ።

ሳጻ 22:14

ሼምፓ ኢሚ̇ዝ ሚን ጋልዳፖ ኣ̈ፍ ሞ̈ንዳብኬ ኢዝ ካሪምባራ ካታሚን ጋርታ ጌላንዳቦ ዳንዳኣምፔ̈ኒ ፌ ኣፊሊን ሜ̈ጪዛን ኢንቲ̇ ኣንጂ̇ንቲ̇ኖን።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።

ሳጻ 7:9

ኢናፖ ቴ ቲ̈ኒን ጋርታ ኦ̈ናካር ፋይዲ ዉርሲባ̈ሶ ዎይሊን ዎርዣ ቴ ቤቃ̇ዴ፤ ኢንታ̇ሬ ዎርዣ ጋርታፖኬ ዜር ዎይ ጋርታፖ̇፥ ዱማ ዱማ ኖ̈ና ሶ̈ሊዛን ዎይን ጋርታፖ̇ ቆሪንታ̇ር ኬስኪ̇ኖ ኣሴ፤ ዪን ቦ̈ርስ ኣፊላ ማ̈ኣሪ ሜ̈ጻ̇ ዋ̈ይ ፌ ኩሽታ ኤ̈ሪ ዙፋና ቲ̈ንኬ ዶራ ቲ̈ን ኤቂ̇ኔ።