ሳጻ 5:14 - ኦራ ጫ̈ቃ ማጻ̈ፋ

¹⁴ ኦይዲ ሼምፓባሮ ኮቺንታ̇ንሬ “ኣሚንኤ!” ጌይዴ፤ ላምታም ኦይዲ ጪጛሻንሬ ፌ ዴ̈ሚንባር ኢ ቲ̈ን ኬዳ̇ሪ ኢ̈ብ ሞ̈ኪንቲ̇ዴ።

ሳጻ 5:14 ပူးပေါင်းရင်းမြစ်များ

1 ቆሮ 14:16

ዪዚ ዪ̈ፌ̈ን ማ̈ቃካ̇ይ ኣቴ̇ጌይን ኔ ኔ ኦራ ኖ̈ኒንባር ጾ̈ሳ̇ ጋላታ̈ርዶራ ኔ ጋ̈ዚን ኤሪባ̈ሶ ዛቃ̇ ኣሲ ኔ ጋላታ ዎሲምቦ “ኣሚንኤ” ጋ̈ንዳ̇ብ ዎዛርታ̇ር ዳንዳኢ̈ራ?

ሳጻ 19:4

ላምታም ኦይዲ ጪጛሻንኬ ኦይዲ ሼምፓባሮ ኮቺንታ̇ን ፌ ዙፋ̈ና ጋልዳ ዶኢኖ ጾ̈ሳ̇ ቲ̈ን ቡቂንታ̇ሪ ኢ̈ኮ “ኣሚንኤ! ሃሌሉያ!” ጌዪሙታ̇ ሞ̈ኪንቲ̇ዴ።

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 4:6

ዙፋ̈ኒን ቲ̈ኒን ጋልዳ ጺላ̇ክ ጊልዢዥ ጌይኖ ማስቶ̈ታ ባሃ̈ራ ማይጺዝ ባዚ ዎ፤ ዙፋ̈ኒን ጊዳ̇ ማ ኢዝ ቡጊዲምባ̇ራ፥ ቲ̈ን ጎይኬ ጋስ ጎይ ዎይሊን ኣ̈ፊ ዎ ሼምፓባሮ ኮቺንታን ኦይዲ̇ ዎ።

ሳጻ 5:11

ቴ ጌዳ ቤቃ̇ምባራ ዙ̈ፋኒንቦ፥ ኮቺንታ̇ንቤኬ ጪጛሻንቦ ቡጊዲንባራ ዎይሊን ኪ̈ታንቻን ጊርሲን ሲስካ̇ዴ፤ ኢንታ̇ሬ ፋይዲርኮ ዎይሊን ሙኩላኬ ዎይሊን ሚ̈ሎ̈ና ማቂ̇̈ሬ።

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።

ሳጻ 5:8

ኢ ማጻ̈ፊን ኤኪ̇ን ኦይዲ ኮቺንታ̇ንኬ ላምታ̇ም ኦይዲ ጪጛሻን ዶራ ቲ̈ን ፌ ዴ̈ማ̈ባር ጉጲጚዴ፥ ኢንቲ ዎይን ፌ ኩሽታ ዚምቢኬ ኢዝ ጋርታ̇ ኢጻ̈ና ኩሚኖ ዎርቃባር ኮቺ̇ኖ ሙዳ̈ያ ኤኔ፥ ዪና̇ ኢጻ̈ኒንዳ ጌ̈ሻ̇ ኣሳን ዎ̈ሲ̇ዝ ዎ̈ሳ።

ሳጻ 7:12

“ኣሚንኤ! ቤርኢስ፣ ጴቺቲ፣ ኤሪቲ፣ ጋላታ፣ ቦንች፣ ዎልቃ፣ ሚንቲ፣ ኑ ጾ̈ሳ̇̈ቦ ሜናብ ኢ̈ብ ማ̈ቆ! ኣሚንኤ” ጌይዴ።