ሳጻ 5:13 - ኦራ ጫ̈ቃ ማጻ̈ፋ

¹³ ኣፋኬ ሳ̈ዳኬ፥ ሳ̈ዝ ጻ̈ናኬ ባሃራ ጋርታ ዎ ኮቺንታን ዎይ፥ “ዙ̈ፋኒን ጋልዳ ዶኢኖ̈ባኬ ዶራ̈ቦ፥ ጋላታ፥ ጴቺቲ፥ ቦንችኬ ዎልቃ ሜናብ ኢ̈ብ ማ̈ቆ!” ጋ̈ዚን ሲስካ̇ዴ።

ሳጻ 5:13 ပူးပေါင်းရင်းမြစ်များ

ማ̈ቶ̈ሳ 6:13

ኢ̈ት ባዝ ጋልዳፖ̇ ኑ̈ና ና̈ጋብዶኬ፥ ፋታና ጋርታ̇ ኑ̈ና ጌልሳ̇ፔ̇። [ካ̈ቲቲ፥ ዎልቃኬ ቦንችኬ ሜናብ ኔዬ̇፤ ኣሚንኤ።’]

ሉቃ̈ሳ 2:14

“ፉዳ ሾክ̇ ጌይኖ ቤስ̇ ጋልዳ̇ ጾ̈ሳ̇̇̈ቦ ቦንች ማ̈ቆ̇፤ ሳ̈ዝ ጋልዳ̇ሬ ጾ̈ሲ̇ ኢንታ̇ ካዝ ኣሳ ናኣንቦ ሳሪቲ ማ̈ቃ̇ጋ̈ቤ” ጌይዴ።

ዋ̈ኒ̇ሳ 1:29

ኢዝ ዎንን ዋ̈ኒ̇ሲ፥ ዬሱ̈ሲ ኢ̈ክ ዬ̈ዚምባ̇ር ቤቃ̇ሪ “ዓዲሼ ቤቂብቴ! ኣሳ ናጋራ ጌ̈ሺ̇ዛ ጾ̈ሳ̇̇ ዶራ ዓ̈ዳ!

ሮሜ 11:36

ዎይ ባዝ ኮቺ̇ኖ̈ዲ ኢያ፤ ማ ዎይ ባዚ ዶኢዛ̈ዲ ኢባርኬ ኢ̈ ቦንቻ̇ብኬ ዶኢ̈ሬ። ሜናብ ቦንቺ̇ ኢ̈ብ ማ̈ቆ̇! ኣሚንኤ!

ሮሜ 16:27

ኢ ሙታ̇ ኤራ ማ̈ቂ̇ኖ ፔቲ̇ ጾ̈ቦ፥ ዬሱስ ክርስቶ̈ሳ ጎይባራ ሜናብ ጋላታ ኢ̈ብ ማ̈ቆ̇! ኣሚንኤ።

ሮሜ 9:5

ኢንቲ̇ ሚኖ ኢስሬ̈ላንቦ ባ̈ቢንታ̇ ማ̈ቂ̇ኖን ጋልዳፖ ዬሊንቲ̇ኔ፤ ክርስቶ̈ሳር ኢንታ̇ ዜር ጋርታ̇ፖ ዬሊንቲ̇ኔ፤ ኢ ዎይፖ ሾክ ጌይኖ̈ዳ፤ ማ ኢ ሜናብ ኣንጂንቲ̇ኖ ጾ̈ሴ̇። ኣሚንኤ!

ኤፍ 3:21

ኢ̈ቦ ዎ̈ሳ ኬ̈ ጋርታ̇ኬ ዬሱ̈ስ ክርስቶ̈ሳ ጎይባራ ናኣ ናኣፖ ኤ̈ር ዓጛር ናኣ ናእ ዬሊ̇ዝ ዲራስ ዎይ ጋላስ ቦንች̇ ኢ̈ብ ማ̈ቆ፤ ኣሚንኤ።

ፊል 2:10

ዪ̈ዳሬ ኣፎ ሳ̈ዝኬ ሳ̈ዶ̇ ሳ̈ዝ፥ ማ ሳ̈ዝ ጻና ዎን ዎይሲ፥ ዬሱ̈ሳ ሱምምቦ ቡቂንታ̇ምፔ̈ኒ

ቆላ̈ሳ̈ሳ 1:23

ዪና̇ ማ̈ቃ̇̈ዚንዳ ዪንቲ̇ ሲስኪ̇ኖ ዎጛሊንባር ሚ̈ጛርኬ ዎጛሊንባር ቤንቲ̇ኖ ታስፊን ጋልዳፖ ዓናር ጌዳር ጋ̈ካ̇ይዶር ኤቄ̈ጌይን ሙታ̇፤ ዪና ዪንቲ̇ ሲስኪ̇ኖንዲኬ ሳ̈ዝ ጋልዳ ዎ ኣሳንቦ ዎይ ሳባ̇ኪንቲ̇ኖ ዎጛሊንዳ ዓና̇ ኢዞ፤ ታ ጳውሎ̈ሳሬ ዓና ዎጛሊንቦ ኦ̈ዝ ኣስ ማ̈ቂ̇ኔ።

1 ጢማ̈ 4:16

ኔ ኔ ቆሚንዴኬ ኔ ታማ̈ርሳዝ ቲሚርቲ̇ንዶ ሚ̈ጛር ና̈ጋቤ፤ ባዛን ዪንባራ ሚ̈ጛቤ፤ ኔ ዪኖ̇ ዎቴጌይንዶ ኔ ቆሚ̇ንዲኬ ኔ̈ኮን ሲስኪ̇ዝ ኣሳን ኔ ፋ̈ሬ።

1 ጴጥ 4:11

ታ̈ማርሲዝ ኣሲ ኢ ጾ̈ሳ̇ ቃ̈ሊን ታማ̈ርሳዚን ቆፓ̇ር ታ̈ማ̈ርሶጋ̈ቤ፤ ኦ̈ ማ̈ዲዛ̈ዳሬ ጾ̈ሲ ኢቦ ኢሚ̇ኖ ዎልቃባር ኦ̈ጋ̈ቤ፤ ዪዚ ዪኒ̇ባራ ጾ̈ሳ̇̇̈ዲ ዬሱ̈ስ ክርስቶ̈ሳ ጎይባራ ባዝ ዎይባራ ጋላቲንቲ̈̇ሬ፤ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

1 ጴጥ 5:11

ሜናብ ቦንችኬ ዎልቃኬ ኢ̈ብ ማ̈ቆ̇! ኣሚንኤ።

ዪሁ 1:25

ኢ ሙ̈ታ ጾ̈ስ ማ̈ቂ̇ኖ ኑ̈ና ፋዛ̈ቦ፥ ኑ ጎ̈ዳ ዬሱ̈ስ ክርስቶ̈ሳ ጎይባር ሚናፖ ኤ̈ር፥ ዓታ̇ር ማ̈ቂ̇ን፥ ሜና ዬሊ̇ዝ ዲራስ ቦንችኬ ጴቺቲ፥ ዎልቃኬ ሲልጣ̈ና ኢ̈ብ ማ̈ቆ̇! ኣሚንኤ።

ሳጻ 1:6

ጾ̈ሳ̇ ኢ ባ̈ባ̈ቦ ኦ̈ምፔ̈ን ኑ̈ና ካ̈ቲንታ̇ኬ ቄ̈ሳክ ማሂኖ ዬ̈ሱ̈ስ ክርስቶ̈ሳብ ቦንችኬ ዎልቃኬ ሜናብ ኢ̈ብ ማ̈ቆ̇! ኣሚንኤ።

ሳጻ 13:8

ኣላሚን ኮቺንቲ̇ኖፖ ኤር ኢንታ ሱምን ሹኪንቲ̇ኖ ዶራ ሼምፓ ማጻ̈ፊን ጋልዳ ጻ̈ፊንታካ̇ዮን ኣላሚን ጋልዳ ዎ ኣሳን ዎይ ዪ ማ̈ታ ባዛ̈ቦ ጎሽቲ̇̈ሬ።

ሳጻ 5:1

ዙፋ̈ና ጋልዳ ዶኢኖ̈ዲ፥ ጋርታ̇ ጎይኬ ጋሳ ጎይ ኢዝ ጋልዳ ጻ̈ፊንቲ̇ኖ ታብዛ ቤስ̇ ጋልዳ ማይታማባር ኣሻ̇ጊኖ ማጻ̈ፋ ፌ ኡሻቻ̇ ኩሽታ̇ ኤ̈ንዶን ቤቃ̇ዴ።

ሳጻ 5:12

ኢንቲ̇ ጴች ጊርስባራ፥ “ሹኪንቲ̇ኖ ዶራዲ ዎ̈ልቃ፥ ዱሪቲ፥ ኤሪቲ፥ ሚንቲ፥ ጴቺቲ፥ ቦንችኬ ጋላታ ኤካ̇ንዳብ ኢ̈ብ ቤይሲ̈ሬ” ጌዪ ዬጺ̇ዴ።

ሳጻ 5:3

ዎቲናካሬ ኣፋሬ ሳ̈ዳ̇ሬ ዎይ ሳ̈ዝ ጻና ጋርታ̇ር ማ̈ቂ̇ን ማጻ̈ፊን ፊርቃ̇ንዳብኬ ኢዝ ጋርቶ̇ን ቤቃ̇ንዳብ ዳንዳኢዝ ኣሲ ኦ̈ናካር ዪዴ።

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።

ሳጻ 5:9

ኢንቲ̇ ኦራ ማዝሙራባራ፦ “ኔ̈ኒ ማጻ̈ፊን ኤካ̇ንዳብኬ፥ ኢዝ ጋልዳ ዎ ማይታማን ፊርቃ̇ንዳቦ ኔ̈ብ ቤይሲ̈ሬ፤ ኣባ ጌይን ኔ̈ኒ ሹኪንታ̇ራ ኔ ሱ̈ንባር ኣሳ ዜር ጌይዛ ዎይ ጋርታፖ፥ ሳ̈ዝ ኤ̈ሺ̇ን ጋልዳ ኣሲ ሶ̈ሊንቲ̇ዝ ኖ̈ና ዎይ ጋርታፖ፥ ኣሳ ኮች ጌይዛ ዎይ ጋርታፖ፥ ዎ̈ርዣ ዎይ ጋርታፖ፥ ኣሳ ናኣን ጾ̈ሳ̇ቦ ዎዛንዳቦ፥ ኔ̈ኒ ሹኪንቲ̇ኔ።

ሳጻ 6:16

ኢንቲ̇ ኢንዳንኬኬ ሹቻንኮ “ዋ̈ዲቴ! ዪንቲ̇ ኑ̈ና ካጚብቴ! ዙፋ̈ኒን ጋልዳ ዶኢኖ ቲ̈ኒን ጋልዳፔኬ፤ ዶራ ጎይሊን ጋልዳፖ ኑ̈ና ኣ̈ቺ̇ብቴ!