ሳጻ 4:8 - ኦራ ጫ̈ቃ ማጻ̈ፋ

⁸ ዪን ኦይዲ ኮቺንታ̇ን ኢንታ ቆሚ̇ን ቆሚ̇ን ኢንታ̇ብ ሌሂ ካፓ̇ ዎ፤ ኢንታ ጋሊ̇ን ዎይኬ ኢንታ ካ̈ፒ̇ን ጋርሲን ዎይ ኣ̈ፊ ኩሚኔ። ኢንታ̇ር ቃምኬ ጋላስኬ፥ “ጌ̈ሻ̈̇ዶ! ጌ̈ሻ̈̇ዶ! ጌ̈ሻ̈̇ዶ! ሚናፓር ዎ፥ ዓታር ዎ፥ ጊዳክ ዬይዛ፥ ዎይን ዳንዳኢኖ ጎዳ ጾ̈ሳ̇̈̇ዶ!” ጋዚ̈ን ኣሺባ̈ሴ።

ሳጻ 4:8 ပူးပေါင်းရင်းမြစ်များ

ሃዋ̈ራታን ኦ̈ሳ 20:31

ዪ̈ኮታ̇ቦ ዪንቲ̇ ዪንታ ና̈ጊብቴ! ቴ ዓይዚ ላይ ዎይ ቃም̇ኬ ጋላስኬ ዬ̈ካ̇ ኣብጻ̇ሙታ̇ ዪንታ̇ ዞሪኖ ዞሪን ቆፒ̇ብቴ።

2 ቆሮ 6:18

ቴ ዪንታ̇ብ ባ̈ባ ማ̈ቃ̇ንዳ፤ ዪንታ̇̇ር ታ̈ብ ኣቲና ናኢኬ ማጫ̇ ናኢ ማ̈ቂ̇̈ሬ፤ ጌይሬ ዎይን ዳንዳኢዝ ጾ̈ሳ̇̇̈ዲ።” ጌይኔ።

1 ታሳ 2:9

ኑ ኢሺንታ̇ን! ኑ̈ኒ ዎዛርፌ̈ን ኦ̈ ዳ̈ቡሪኖኮ ዪንቲ̇ ኤሪ̈ሬ፤ ኑ̈ኒ ዪንታ̇ብ ቶ̈ፊ ማ̈ቅባ̈ዳ ጋ̈ሪ ጋ̈ላሳ̈ር ቃማ̇ር ኦ̈ሙታ ዎጛላ ሳባ̇ኪዴ።

1 ጢማ̈ 4:16

ኔ ኔ ቆሚንዴኬ ኔ ታማ̈ርሳዝ ቲሚርቲ̇ንዶ ሚ̈ጛር ና̈ጋቤ፤ ባዛን ዪንባራ ሚ̈ጛቤ፤ ኔ ዪኖ̇ ዎቴጌይንዶ ኔ ቆሚ̇ንዲኬ ኔ̈ኮን ሲስኪ̇ዝ ኣሳን ኔ ፋ̈ሬ።

2 ጢማ̈ 4:2

ቃ̈ሊን ሳ̈ባ̇ካቤ፤ ኬሊ̇ን ኮሽኪ̇ናር ኢቲ̇ናር ጊ̈ጊንታ̇ር ዶኣቤ፤ ጴች ዳንዳኣባራኬ ቲሚርታባራ ዎቢ̇ኖ ጺት ዎታቤ፥ ማ ጎይላቤ ሚ̈ንቤ።

ኢብ 13:8

ዬ̈ሱ̈ስ ክርስቶ̈ሲ ዚና̈ባር ዓታ̇̈ባር ሜናባሬ ኢ ኢያ፤ ላ̈ሚንቲ̇ባ̈ሴ።

ሳጻ 1:4

ቴ ዋ̈ኒሲ ኢ̈ሳ ጋዳ̇ ዎ ታብዛ ዎ̈ሳ ኬ̈ንቦ፦ ሚናር ዎ፤ ዓታ̇ር ዎ፤ ጊዳክ ዬይዛ ጾ̈ሳ̇ ጋልዳፖ፥ ማ ኢ ዙፋ̈ና ቲ̈ን ዎን ታብዛ ኣያ̇ናን ጋልዳፖኬ ዓይቃ ጋርታፖ ዲንዳባር ቲ̈ን ኡስ̇ ማ̈ቂ̇ኖ፥ ሳ̈ዝ ጋልዶ ካ̈ቲንታን ዎይ ኣቂሲዛ፥ ኣማ̇ኒንቲ̇ኖ ማርካ ማ̈ቂኖ ዬሱ̈ስ ክርስቶ̈ሳ ካንንዲኬ ኢ ሳሪቲን ዪንታ̇ብ ማ̈ቆ̇ ጋ̈ሬ። ኑ̈ና ካኖ̈ቤኬ ፌ ሱ̈ንባራ ኑ ናጋሪን ጋልዳፖ ኑ̈ና ናጻ ኬሲ̇ኖ̈ንቦ፥

ሳጻ 1:8

ሚናፖ ዎ፥ ዓታ̇ር ዎ፥ ጊዳክ ዬይዛ ዎይን ዳንዳ̇ኢዛ ጎዳ ጾ̈ሳ̇̈ዲ “ኣልፋሬ ኦሜ̈ጋር ታ̈ና!” ጌይሬ።

ሳጻ 11:17

ጎሽቲሙታ̇ዶ̈ሪ፥ “ሚናፓ̇ር ዎዲ፥ ዓታ̇ር ዎዲ፥ ዎይን ዳንዳኢዛ ጎዳ ጾ̈ሳ̇̈̇ዶ! ጴቻ̇ ሲልጣ̈ኒን ኔ ኤ̈ኖኮታ̇ብኬ፥ ካዉቲኖኮታቦ ኑ ኔ̈ና ጋላቲ̈ሬ።

ሳጻ 14:11

“ኢንታ ቢጻ ቤይሳዝ ታሚን ጋርታፖ ኬስካ̇ዝ ጩይዢንዳ ሜናብ ጩይታሙታ ፉዳ ኬስካ̇̈ሬ፤ ማ̈ታ ባዛ̈ብኬ ኢ ሚሲላ̈ቦ ሞ̈ኪንቲዛን ኢ ሱ̈ምን ማሊ̇ን ኤኪ̇ኖን ዎይ ቃማ̇ር ጋላሳ̇ሬ ሼምፓንዳብ ዳንዳኢባ̈ሴ” ጌይዴ።

ሳጻ 14:3

ዙፋ̈ኒን ቲ̈ንኬ ኦይዲ ሼምፓባሮ ኮቺንታ̇ን ቲ̈ን ማ ጪጛሻን ቲ̈ን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳን ኦራ ዬ̈ ዬጺ̇ዴ፤ ዪና ዬንዶ ሳ̈ዝ̈ ጋልዳ ጾ̈ሲ ፋኖን ዪን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳንፖ ሜላ ኦ̈ናካር ታማ̈ራንዳብ ዳንዳኣካ̇ዬ።

ሳጻ 15:3

ጾ̈ሳ̇̈ ኣሽካራ ሙ̈ሳ ዬንዲኬ ዶራ̈ ማዝሙሪን ዬጺ̇̈ዴ። ኢንቲ̇ ዬጺ̇̈ርዶሪ፥ “ዎይን ዳንዳኢኖ ጎዳ ጾ̈ሳ̇̇̈ዶ! ኔ ኦ̈ሳ̈ዲ ጴችኬ ኣስ ጋራ̇ሚሲዝ ባዜ፤ ዎርዣን ካ̈ታዶ! ኔ ኦ̈ኖ ኦ̈ሲንዳ ጺላ̇ኬ ኪንኬ፤

ሳጻ 15:7

ሼምፓባሮ ኮቺንታን ኦይዳ̇ን ጋርታ̇ፖ ፔታ̇ና̈ዲ ታብዛ ኪ̈ታንቻንቦ ሜናብ ዶኢዝ ጾ̈ሳ̇̈ ኢ ጎይሊንባር ኩሚኖ ታብዛ ዎርቃ ዋ̈ንጫን ኢንታ̇ብ ኢሚዴ።

ሳጻ 16:14

ኢንቲ ጋራሚዝ ባዝ ኦ̈ዝ ኢ̈ታ ኣያ̇ናን፤ ዪን ኢ̈ታ ኣያ̇ናን ዎይን ዳንዳኢኖ ጾ̈ሳ̇̈ ጴቻ̇ ቃሚ̇ን ጋላስ ኦሊንታ̇ዝ ኦሊምቦ ኣሳን ሺ̈ሻ̇ንዳቦ ኣላማ ጋልዶ ካ̈ቲንታን ዎይንኮ ሉኪ̇̈ሬ።

ሳጻ 16:7

ካ̈ሻ̇ ቤሲ̇ን ጋልዳ፤ “ኣዓ! ዎይን ዳንዳኢኖ ጎዳ ጾ̈ሳ̇̈ዶ! ኔ ጺላ̇ኬ ኪን ፊርዳ̈ሬ” ዪዝ ጌይዝ ቆ̈ ቴ ሲስካ̇ዴ።

ሳጻ 19:15

ኢ ኖ̈ና ጋርታፖ ዎርዣን ቃጺ̇ ዉርሲዝ ኣጪንች ማሺ̇ ኬስኪ̇̈ሬ፤ ማ ኢ ኢንታ ፌ ዎልቃባር ጋሚ ኣቂሲ̈ሬ፤ ኢ ዎይን ዳንዳኢኖ ጾ̈ሳ̇̈ ጎይላ ኢ̈ቺ̇ዛ ኤርሲዝ ዎይና ጂን ጪ̈ጪዝ ዶ̈ቻ ጋርታ ጪ̈ጪ̈ሬ።

ሳጻ 19:4

ላምታም ኦይዲ ጪጛሻንኬ ኦይዲ ሼምፓባሮ ኮቺንታ̇ን ፌ ዙፋ̈ና ጋልዳ ዶኢኖ ጾ̈ሳ̇ ቲ̈ን ቡቂንታ̇ሪ ኢ̈ኮ “ኣሚንኤ! ሃሌሉያ!” ጌዪሙታ̇ ሞ̈ኪንቲ̇ዴ።

ሳጻ 21:22

ዎይን ዳንዳኢኖ ጎዳ ጾ̈ሳ̇̇̈ዲኬ ዶራዲ ካታሚንቦ ጾ̈ሳ̇ ኬ ማ̈ቂ̇ኖኮታ̇ቦ ካታሚን ጋርታ ጾ̈ሳ̇ ኬ̈ ቴ ቤቃካ̇ዬ።

ሳጻ 3:7

ፊላ̈ዴልፋ ዎ̈ሳ ኬ̈ን ኪ̈ታንቻ̇̈ቦ ዪዝ ጋ̈ር ጻ̈ፋቤ፤ ጌ̈ሽ̇ኬ ኪን ማ̈ቂ̇ኖ፥ ዳዊታ ቁልፊን ፌ ኩሽታ̇ ኤ̈ኖ̈ዲ ሶ̈ሊኖ ሶ̈ላ፦ ኢ ፊርቂኖን ኦ̈ናካር ዪብጺ̇ባ̈ሴ፤ ኢ ዪብጺ̇ኖንዳር ኦ̈ናካር ፊርቂ̇ባሴ።

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 4:6

ዙፋ̈ኒን ቲ̈ኒን ጋልዳ ጺላ̇ክ ጊልዢዥ ጌይኖ ማስቶ̈ታ ባሃ̈ራ ማይጺዝ ባዚ ዎ፤ ዙፋ̈ኒን ጊዳ̇ ማ ኢዝ ቡጊዲምባ̇ራ፥ ቲ̈ን ጎይኬ ጋስ ጎይ ዎይሊን ኣ̈ፊ ዎ ሼምፓባሮ ኮቺንታን ኦይዲ̇ ዎ።

ሳጻ 4:9

ዪን ኮቺንታ̇ን ዙፋ̈ኒን ጋልዳ ዶኢኖቦኬ ሜናብ ዶኢዛ̈ቦ ቦንች፣ ጋላታኬ ጴቺቲስኬ ኢ̈ብ ሺሻ̇ምባራ ዎይ ጋላስ፥

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።

ሳጻ 6:1

ዪኒፖ̇ ዓኒ ዶራ̈ዲ ታብዛ ማይታማን ጋርታፖ̇ ፔታ̇ኒን ፊርቃምባ̇ር ቤቃ̇ዴ። ኦይዲ ኮቺንታ̇ን ጋርታፖ̇ ፔታ̇ናዲ ዳዳ ጊርስፌ̈ን ጉ̈ሚዝ ጊርስባራ “ዓይ ዬ̈ቤ!” ጋ̈ዚን ሲስካ̇ዴ።

ሳጻ 6:6

ኢናፖ ኦይዲ ሼምፓባሮ ኮቺንታ̇ን ጋርታፖ ኬስኪ̇ኖ ማይጺዝ ጊርስ ሲስካ̇ዴ፤ ዪና̇ ጊርሲንዳ “ናምኢ ቡርጩካ̇ ዜርቃ ል ፔቲ̇ ጋላሶ ኦ̈ሳቦ ዳሞ̈ዛ ማ̈ቆ፤ ኢሺ̇̈ን ቡርጩካ ጎስ̇ ል ፔቲ̇ ጋላሶ ኦ̈ሳቦ ዳሞዛ ማ̈ቆ፤ ዎቲናካር ኢዝ ኣ̈ፊን ጋርታ̇ፖ ዛይታ ኬስካ̇ዝ ሚንዲኬ ዎይና ሚን ይሳፔ̇!” ጋ̈ዚን ቴ ሲስካ̇ዴ።

ሳጻ 7:11

ኪ̈ታንቻን ዎይ ዙፋኒንቦ፥ ጪጛሻንቦኬ ሼምፓባሮ ኦይዲ ኮቺንታንቦ ቡጊዲንባራ ኤቂ̇ኔ፤ ዙፋኒን ቲ̈ን ፌ ዴ̈ሚንባር ጉፕ ጋር ጾ̈ሳ̇̈ቦ ሞ̈ኪንቲሙታ̇፦

ሳጻ 7:15

ዪ̈ኮታ̇ቦ ጾ̈ሳ̇̈ ዙፋ̈ና ቲ̈ን ኤቃ̇ሪ ቃማ̇ሬ ጋላሳ̇ር ጾ̈ሳ̇̈ ኬ̈ ጋርታ ኢ̈ብ ኦ̈ሬ፤ ዙፋ̈ና ጋልዳ ዶኢኖዲ ኢንታ̇ብ ሺፋ ማ̈ቂ̇ሬ።