ሳጻ 4:4 - ኦራ ጫ̈ቃ ማጻ̈ፋ

⁴ ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 4:4 ပူးပေါင်းရင်းမြစ်များ

ማ̈ቶ̈ሳ 19:28

ዬሱ̈ሳር ኢንታ̇ኮ “ቴ ዪንታ̇ክ ኪን ጋ̈ሬ፥ ቢርት ዬ̈ዝ ኦራ ኣላሚን ጋልዳ ታ ኣሳ ናኣ̈ዲ ቴ ቦንቻ̇ ዙ̈ፋና ጋልዳ ዶኣዚምባራ ዪንታ̇ር ታ̈ና ኣማ̇ኒ ቴ ዎሂን ዬሙታ̇ ዎ ኣሳን ታጶ ናምኢ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ዜርን ጋልዳ ፊርዲ̈ሬ።

ሉቃ̈ሳ 22:30

ዪና̇ሬ ዪንቲ̇ ቴ ካ̈ቲቲን ጋርታ̇ ዶኣር ሞ̈ንፔ̈ንኬ ኡሽካምፔ̈ኒ ማ ዙፋ̈ና ጋልዳ ዶኣሪ ታጶ̇ ናምኢ ኢስሬ̈ላ ኮ̈ራን ጋልዳ̇ ፊርዳምፔ̈ኔ” ጌይዴ።

2 ጢማ̈ 4:8

ዓኒፖ̈ ጌ̈ዳ ጺሊ̇ቲ ኣኪሊላ ጊ̈ጊንታ̇ር ታ̈ብ ዶኢኔ፤ ዪና̇ ኣኪሊሊንዶ ኪን ፊርዳ ፊርዲዝ ጎዳ̈ዲ ዪና̇ ኢዝ ጋላስ ታ̈̈ብ ኢሚ̇̈ሬ፤ ማ ታ̈ብ ሙታ ጊዳካ̇ይዶን ኢ ዬንቲ̇ን ኢኒ̇ቲሙታ̇ ዎንቦ ዎይ ኢሚ̇̈ሬ።

ሳጻ 11:16

ጾ̈ሳ̇̈ ቲ̈ን ፌ ዙፋ̈ናን ጋልዳ ዶኢኖ ላምታም ኦይዲ ጪጛሻንሬ ፌ ዴ̈ሚንባራ ጉጲጛሪ ጾ̈ሳ̇̈ቦ ጎሽቲ̇ዴ፤

ሳጻ 14:3

ዙፋ̈ኒን ቲ̈ንኬ ኦይዲ ሼምፓባሮ ኮቺንታ̇ን ቲ̈ን ማ ጪጛሻን ቲ̈ን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳን ኦራ ዬ̈ ዬጺ̇ዴ፤ ዪና ዬንዶ ሳ̈ዝ̈ ጋልዳ ጾ̈ሲ ፋኖን ዪን ፔቲ̇ ጼ̈ታኬ ኦይዲ̇ ታጶ ኦይዲ̇ ሙኩላ ኣሳንፖ ሜላ ኦ̈ናካር ታማ̈ራንዳብ ዳንዳኣካ̇ዬ።

ሳጻ 19:14

ቦ̈ርስ ፋራን ጋልዳ ቶጊ̇ኖን፥ ቦርስ ቆይሲዝ ጌ̈ሽ̇ ኣፊላ ማኢኖ ኣፎ ዎታዳ̇ራን ኢ ዎሂን ዬሬ።

ሳጻ 19:4

ላምታም ኦይዲ ጪጛሻንኬ ኦይዲ ሼምፓባሮ ኮቺንታ̇ን ፌ ዙፋ̈ና ጋልዳ ዶኢኖ ጾ̈ሳ̇ ቲ̈ን ቡቂንታ̇ሪ ኢ̈ኮ “ኣሚንኤ! ሃሌሉያ!” ጌዪሙታ̇ ሞ̈ኪንቲ̇ዴ።

ሳጻ 2:10

ኔ̈ና ጊዳክ ዬላ̇ዝ ሜቲምቦ ኢ̈ጫፔ፥ ዪዚ ሴ̈ይጣኖ ዪንታ̇ ፋታ̇ናንዳብ ኮያሪ ዪንታ̇ ጋርታፖ ፔታ̇ን ፔታ̇ናን ቃሺ ኣ̈ል ጌልሲ̈ሬ፥ ታጳ ቃም̇ ዪንቲ ሜታ ኤኪ̇̈ሬ፤ ኔ ዓይቂ̇ዝ ዲራስ ኣማ̇ኒንቲ̇ኖ ማ̈ቃ̇ቤ፤ ሼምፓ ኣኪሊላ ቴ ኔ̈ብ ኢማ̇ንዳ።

ሳጻ 20:4

ዪኒ̇ፖ ዎሃ ዙፋ̈ናን ቤቃ̇ዴ፤ ዪን ዙፋ̈ናን ጋልዳ ፊርዲዝ ሲልጣ̇̈ና ኢንታ̇ብ ኢሚ̇ንቲኖን ዶኢንዶ̈ን ቤቃ̇ዴ፤ ዬሱ̈ሳባዝ ኢንቲ̇ ሶ̈ሊኖኮታ̇ብኬ ጾ̈ሳ̇ ቃ̈ላ ማርኪቲኖኮታ̇ቦ ኢንታ ቆ ቃጺንቲ̇ኖ ኣሳን ሼምፓን ቴ ቤቃ̇ዴ፤ ኢንቲ ማ̈ታ ባዛ̈ብኬ ኢ ሚሲላ̈ቦ ሞ̈ኪንታካ̇ዮን፥ ኢ ማሊ̇ንዳር ፌ ዴ̈ሚን ጋልዳር ማ̈ቆ̇ ፌ ኩሽታ ኤካካ̇ዮን፤ ኢንቲ̇ ዓይቃ ጋርታ̇ፖ ዲንዳ̇ሪ ክርስቶ̈ሳባራ ሙኩላ ላይ ካዉቲዴ።

ሳጻ 3:18

ኔ̈ኒ ዱር ማ̈ቃ̇ንዳብ ኮያዶኮ ታማ ጋርታ ጌላር ኬስኪ̇ኖ ዎርቂን ታ ጋልዳፖ ዎጛንዳቦ፥ ጾ̈ሲ ኮቺ̇ኖ ካሊ̇ን ካጛንዳቦ፥ ቦ̈ርስ ኣፊላ ማኣንዳቦ፥ ኔ ኣ̈ፊንዳር ቤቃ̇ንዳ̇ብ ዳንዳኣምፔ̈ን ኣ̈ፋ ጋ̈ላ ታ ጋልዳፖ ዎጛራ ኔ ኣ̈ፊን ዲርካ̇ምፔ̈ን ቴ ኔ̈ና ዞራ̈ሬ።

ሳጻ 4:10

ላምታ̇ም ኦይዲ̇ ጪጛሻን ሜናብ ዶኢዛ̈ቦ፥ ዙ̈ፋና ጋልዳ ዶኢኖ ኢ ቲ̈ኒን ጋልዳ ፌ ዴሚንባር ጉፕ ጋ̈ሪ ኢ̈ብ ሞ̈ኪንቲ̇̈ሬ፤ ፌ ኣኪሊላሬ ዲንር ኢ ዙ̈ፋኒን ቲ̈ን ጋዳ̇ሪ፥

ሳጻ 4:6

ዙፋ̈ኒን ቲ̈ኒን ጋልዳ ጺላ̇ክ ጊልዢዥ ጌይኖ ማስቶ̈ታ ባሃ̈ራ ማይጺዝ ባዚ ዎ፤ ዙፋ̈ኒን ጊዳ̇ ማ ኢዝ ቡጊዲምባ̇ራ፥ ቲ̈ን ጎይኬ ጋስ ጎይ ዎይሊን ኣ̈ፊ ዎ ሼምፓባሮ ኮቺንታን ኦይዲ̇ ዎ።

ሳጻ 5:11

ቴ ጌዳ ቤቃ̇ምባራ ዙ̈ፋኒንቦ፥ ኮቺንታ̇ንቤኬ ጪጛሻንቦ ቡጊዲንባራ ዎይሊን ኪ̈ታንቻን ጊርሲን ሲስካ̇ዴ፤ ኢንታ̇ሬ ፋይዲርኮ ዎይሊን ሙኩላኬ ዎይሊን ሚ̈ሎ̈ና ማቂ̇̈ሬ።

ሳጻ 5:14

ኦይዲ ሼምፓባሮ ኮቺንታ̇ንሬ “ኣሚንኤ!” ጌይዴ፤ ላምታም ኦይዲ ጪጛሻንሬ ፌ ዴ̈ሚንባር ኢ ቲ̈ን ኬዳ̇ሪ ኢ̈ብ ሞ̈ኪንቲ̇ዴ።

ሳጻ 5:6

ዪኒ̇ፖ ዓኒ ዙፋ̈ኒንቦ ሼምፓባሮ ኮቺንታን ኦይዳ̇ንቤኬ ጪጛሻን ጊዳ̇ ሹኪንቲ̇ኖ ዶሪ ማይጺዝ ዶሪ ኤቂ̇ንዶን ቤቃ̇ዴ፤ ዪ ዶራ̈ቦ ታብዛ ኡሺንችኬ ታብዛ ኣ̈ፊ ዎ፥ ኢንታ̇ሬ ኣላማ ዎይ ጋልዳ ኪ̈ቲንታ̇ር ሉኪ̇ኖ ጾ̈ሳ̇ ኣያ̇ና ታብዛን።

ሳጻ 5:8

ኢ ማጻ̈ፊን ኤኪ̇ን ኦይዲ ኮቺንታ̇ንኬ ላምታ̇ም ኦይዲ ጪጛሻን ዶራ ቲ̈ን ፌ ዴ̈ማ̈ባር ጉጲጚዴ፥ ኢንቲ ዎይን ፌ ኩሽታ ዚምቢኬ ኢዝ ጋርታ̇ ኢጻ̈ና ኩሚኖ ዎርቃባር ኮቺ̇ኖ ሙዳ̈ያ ኤኔ፥ ዪና̇ ኢጻ̈ኒንዳ ጌ̈ሻ̇ ኣሳን ዎ̈ሲ̇ዝ ዎ̈ሳ።

ሳጻ 6:11

ኢንታብ ዎይንቦ ቦ̈ርስ ኣፊላ ኢሚ̇ንቲ̇ዴ፤ ጊዳክ ኢንታፌ̈ን ቢርት ዓይቂ̇ዛን፥ ኢንታፌን ጾ̈ሳ̇ብ ኦ̈ዝ ኢንታ̇ ላጋ̇ንኬ ኢንታ̇ ኢሺንታ̇ን ፋይዲን ኩሚዝ ዲራስ ኢንቲ̇ ጊላ̇ ሼምፓር ዶኣምፔ̈ኒ ኢንታብ ሶ̈ሊዴ።

ሳጻ 7:11

ኪ̈ታንቻን ዎይ ዙፋኒንቦ፥ ጪጛሻንቦኬ ሼምፓባሮ ኦይዲ ኮቺንታንቦ ቡጊዲንባራ ኤቂ̇ኔ፤ ዙፋኒን ቲ̈ን ፌ ዴ̈ሚንባር ጉፕ ጋር ጾ̈ሳ̇̈ቦ ሞ̈ኪንቲሙታ̇፦

ሳጻ 7:9

ኢናፖ ቴ ቲ̈ኒን ጋርታ ኦ̈ናካር ፋይዲ ዉርሲባ̈ሶ ዎይሊን ዎርዣ ቴ ቤቃ̇ዴ፤ ኢንታ̇ሬ ዎርዣ ጋርታፖኬ ዜር ዎይ ጋርታፖ̇፥ ዱማ ዱማ ኖ̈ና ሶ̈ሊዛን ዎይን ጋርታፖ̇ ቆሪንታ̇ር ኬስኪ̇ኖ ኣሴ፤ ዪን ቦ̈ርስ ኣፊላ ማ̈ኣሪ ሜ̈ጻ̇ ዋ̈ይ ፌ ኩሽታ ኤ̈ሪ ዙፋና ቲ̈ንኬ ዶራ ቲ̈ን ኤቂ̇ኔ።

ሳጻ 9:7

ቦ̈ላን ኦላብ ጊ̈ጊንቲ̇ኖ ፋራ ማይጺ̈ሬ፤ ኢንታ ቆማ̇ ጋልዳ ዎርቃ ኣኪሊላ ማይጺዝ ባዚ ዎ፤ ኢንታ ሲሊ̇ምፖ ፉዳ ኢንታ ቆሚ̇ንዳ ኣሳ ቆም̇ ማይጻ̈ሬ፤