ሳጻ 4:10 - ኦራ ጫ̈ቃ ማጻ̈ፋ

¹⁰ ላምታ̇ም ኦይዲ̇ ጪጛሻን ሜናብ ዶኢዛ̈ቦ፥ ዙ̈ፋና ጋልዳ ዶኢኖ ኢ ቲ̈ኒን ጋልዳ ፌ ዴሚንባር ጉፕ ጋ̈ሪ ኢ̈ብ ሞ̈ኪንቲ̇̈ሬ፤ ፌ ኣኪሊላሬ ዲንር ኢ ዙ̈ፋኒን ቲ̈ን ጋዳ̇ሪ፥

ሳጻ 4:10 ပူးပေါင်းရင်းမြစ်များ

ማ̈ቶ̈ሳ 2:11

ኢናፖ̇ ኢንቲ̇ ኬ̈ ጌላምባራ ናኣ̈ዲ ፌ ኢንዲ̇ን ማ̈ራሚባር ዎልኣ ዎዶ̈ን ቤቂ̇ዴ። ኢናፖ̇ ቡቂንታ̇ር ኢ̈ብ ሞ̈ኪንቲ̇ዴ። ማ ፌ ሳ̈ጺኒን ፊርቃ̇ሪ ዎርቃ፣ ኢጻ̈ናኬ ካርባኬ ኢ̈ብ ኪልስ ኢሚ̇ዴ።

ሉቃ̈ሳ 24:52

ኢንታ̇ሬ ኢ̈ብ ሞ̈ኪንቲ̇ዴ፤ ኢናፖ̇ ጴች ኡፋይስባራ ዬሩሳ̈ላም ማ̈ቂ̇ ሉኪ̇ዴ።

1 ቆሮ 15:10

ዎቲናካሬ ታ̈ ዓት ዓና̇ ማ̈ቂ̇ኖንዳ ጾ̈ሳ̇ ኮሺ̇ቲባራ፤ ጾ̈ሲ̇ ታ̈ብ ቤይሲኖ ኢ ኮሺ̇ቲንዳሬ ኣ̈ፍ ቤይ ሜላ̇ ኣታካ̇ዬ፤ ታ̈ኒ ሜላንፖ̇ ሺ ኦ̈ሳባር ዳ̈ቡሪኔ፤ ዪኖ̇ ጾ̈ሳ̇ ፌ ኮሺ̇ቲባር ታባር ማ̈ቃ̇ር ኦ̈ንዶኬ ታ̈ና ጊዳካ̇ዬ።

ሳጻ 10:6

ሜናብ ዶኢዛ፣ ኣፎ ሳ̈ዚንዶ፣ ሳ̈ዶ ሳ̈ዚንዲኬ ባሃ̈ራኬ ማ ኢንታ ጋርታ ዎ ባዛን ዎይ ኮቺ̇ኖ ጾ̈ሳ̇ ሱምባራ ጫ̈ቃ̇ሪ “ታብዚ ኪ̈ታንቻ̇̈ዲ ፌ ሞይዚን ፉጊ̇ዝ ጋላሳን ጾ̈ሲ ፌ ኣሽካራን ናባንቦ ኤሪሲኖንዲፌ̈ኒ ጾ̈ሳ̇ ሚስጢሪን ፎቲንታ̇̈ርዶኬ ዓኒ̇ፖ ጌዳ ጋምኢባ̈ሴ!” ጌይዴ።

ሳጻ 11:16

ጾ̈ሳ̇̈ ቲ̈ን ፌ ዙፋ̈ናን ጋልዳ ዶኢኖ ላምታም ኦይዲ ጪጛሻንሬ ፌ ዴ̈ሚንባራ ጉጲጛሪ ጾ̈ሳ̇̈ቦ ጎሽቲ̇ዴ፤

ሳጻ 15:4

ጎዳ̈ዶ! ኔ̈ብ ኢ̈ጪ̇ባ̈ሶዲኬ ኔ ሱ̈ምን ቦንቺ̇ባ̈ሶ ኦ̈ኖ? ኔ ሙታ̇ ጌ̈ሼ̇፤ ኔ̈ኮ ኪን ፊርዳ̈ዲ ኣስ ዎይ̈ቦ ቤንቲ̇ኖኮታ̇ቦ፥ ዎርዣን ዎይ ኔ ቲ̈ን ዬ̈ሪ ኔ̈ብ ሞ̈ኪንቲ̇̈ሬ” ጌይዴ።

ሳጻ 15:7

ሼምፓባሮ ኮቺንታን ኦይዳ̇ን ጋርታ̇ፖ ፔታ̇ና̈ዲ ታብዛ ኪ̈ታንቻንቦ ሜናብ ዶኢዝ ጾ̈ሳ̇̈ ኢ ጎይሊንባር ኩሚኖ ታብዛ ዎርቃ ዋ̈ንጫን ኢንታ̇ብ ኢሚዴ።

ሳጻ 19:4

ላምታም ኦይዲ ጪጛሻንኬ ኦይዲ ሼምፓባሮ ኮቺንታ̇ን ፌ ዙፋ̈ና ጋልዳ ዶኢኖ ጾ̈ሳ̇ ቲ̈ን ቡቂንታ̇ሪ ኢ̈ኮ “ኣሚንኤ! ሃሌሉያ!” ጌዪሙታ̇ ሞ̈ኪንቲ̇ዴ።

ሳጻ 4:2

ኤሊ̇ባራ ታ̈ኒ ጌ̈ሻ̇ ኣያ̇ናባር ኦ̈ሂንታ̇ዴ፤ ማ ኣፋ ዙፋ̈ና ቤቃ̇ዴ፤ ኢዝ ጋልዳ ፔቲ ኣሲ ዶኢኔ።

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 4:9

ዪን ኮቺንታ̇ን ዙፋ̈ኒን ጋልዳ ዶኢኖቦኬ ሜናብ ዶኢዛ̈ቦ ቦንች፣ ጋላታኬ ጴቺቲስኬ ኢ̈ብ ሺሻ̇ምባራ ዎይ ጋላስ፥

ሳጻ 5:14

ኦይዲ ሼምፓባሮ ኮቺንታ̇ንሬ “ኣሚንኤ!” ጌይዴ፤ ላምታም ኦይዲ ጪጛሻንሬ ፌ ዴ̈ሚንባር ኢ ቲ̈ን ኬዳ̇ሪ ኢ̈ብ ሞ̈ኪንቲ̇ዴ።

ሳጻ 5:8

ኢ ማጻ̈ፊን ኤኪ̇ን ኦይዲ ኮቺንታ̇ንኬ ላምታ̇ም ኦይዲ ጪጛሻን ዶራ ቲ̈ን ፌ ዴ̈ማ̈ባር ጉጲጚዴ፥ ኢንቲ ዎይን ፌ ኩሽታ ዚምቢኬ ኢዝ ጋርታ̇ ኢጻ̈ና ኩሚኖ ዎርቃባር ኮቺ̇ኖ ሙዳ̈ያ ኤኔ፥ ዪና̇ ኢጻ̈ኒንዳ ጌ̈ሻ̇ ኣሳን ዎ̈ሲ̇ዝ ዎ̈ሳ።

ሳጻ 7:11

ኪ̈ታንቻን ዎይ ዙፋኒንቦ፥ ጪጛሻንቦኬ ሼምፓባሮ ኦይዲ ኮቺንታንቦ ቡጊዲንባራ ኤቂ̇ኔ፤ ዙፋኒን ቲ̈ን ፌ ዴ̈ሚንባር ጉፕ ጋር ጾ̈ሳ̇̈ቦ ሞ̈ኪንቲሙታ̇፦