ሳጻ 3:18 - ኦራ ጫ̈ቃ ማጻ̈ፋ

¹⁸ ኔ̈ኒ ዱር ማ̈ቃ̇ንዳብ ኮያዶኮ ታማ ጋርታ ጌላር ኬስኪ̇ኖ ዎርቂን ታ ጋልዳፖ ዎጛንዳቦ፥ ጾ̈ሲ ኮቺ̇ኖ ካሊ̇ን ካጛንዳቦ፥ ቦ̈ርስ ኣፊላ ማኣንዳቦ፥ ኔ ኣ̈ፊንዳር ቤቃ̇ንዳ̇ብ ዳንዳኣምፔ̈ን ኣ̈ፋ ጋ̈ላ ታ ጋልዳፖ ዎጛራ ኔ ኣ̈ፊን ዲርካ̇ምፔ̈ን ቴ ኔ̈ና ዞራ̈ሬ።

ሳጻ 3:18 ပူးပေါင်းရင်းမြစ်များ

ማ̈ቶ̈ሳ 13:44

“ጾ̈ሳ̇̇ ካ̈ቲቲንዳ̇ ዎት ጋድ ጋርታ̇ ኣ̈ቺ̇ንቲ̇ኖ ቆሊንን ማይጻ̈ሬ። ፔቲ̇ ኣሲ ዪኖ̇ ቆሊንን ዲጛሪ ማሂ ቤስ̇ ኢና ኣ̈ቺ̇ዴ። ኢ ዎይሊን ኡፋይቲ̇ኖኮታ̇ቦ ሉካ̇ሪ ፌ̈ብ ዎ ባዝ ዎይ ኤ̈ጚ ዎጛር ዪኖ̇ ዎት ጋዲን ፌ̈ብ ዎጚ ኤኪ̇ዴ።

ማ̈ቶ̈ሳ 25:9

ኤጫ ዉዲራን ‘ኑ̈ብኬ ዪንታ̇ቦ ዎልኣ ጊዲዝ ላ̈ምቦ ኑ̈ክ ባዬ̇፥ ዪ̈ፖ̇ ዪንቲ̇ ዎጚዝ ቤስ̇ ሉካ̇ሪ ዪንታ̇ብ ማ̈ቂ̇ዝ ላ̈ምባ ዎ̈ጚብቴ̇’ ጋ̈ር ማሂዴ።

ሉቃ̈ሳ 12:21

ዪዚ ጾ̈ሳ̇̇ ቲ̈ን ዎርባያ ማ̈ቃ̇ር ሳ̈ዝ ጋልዳ̇ ፌ̈ቦ ቆሊን ሺ̈ሺ̇ዝ ኣሲ ኢ ዉርሲንዳ̇ ዪኒ̇ፌ̈ን ማ̈ቃ̇̈ሬ” ጌይዴ።

2 ቆሮ 5:3

ኑ̈ኒ ዪኖ̇ ኢዞ ዬላ̇ር ማኤጌይን ካላ̇ ማ̈ቃ̇ር ቤንቲ̇ባ̈ሴ።

2 ቆሮ 8:9

ኑ ጎዳ ዬሱ̈ስ ክርስቶ̈ሳ ኮሺ̇ቲን ዪንቲ̇ ኤሪ̈ሬ። ኢ ዎርባያ ማ̈ቂ̇ን ዪንቲ̇ ዱር ማ̈ቃ̇ምፔ̈ን፤ ኢ ዱርዶሪ ዪንታ̇ ጊሻ̇ቦ ጋ̈ሪ ዎርባያ ማ̈ቂ̇ኔ።

1 ጢማ̈ 6:18

ማ ኢንቲ ኮሽ ኦ̈ሳ ኦ̈ምፔ̈ን፥ ኮሽ ኦ̈ሳባር ዱር ማ̈ቃ̇ምፔ̈ኒ፥ ኢንታብ ዎ ባዝ ሜላንቦ ፋጋ̇ር ኢማ̇ንዳቦ ጊ̈ጊንቲ̇ኖ ኣስ ማ̈ቃ̇ምፔ̈ኒ ኢንታ̇ ዞራቤ።

ዓይ 2:5

ዶሲንቲ̇ኖ ቴ ኢሺንታ̇ን! ዪኖ̇ ሲስኪብቴ̇፤ ጾ̈ሲ̇ ፌ̈ና ካዝ ኣሳንቦ̈ ኢማ̇ንዳ ጌይኖ̈ ካ̈ቲቲን ኤካ̇ምፔ̈ንኬ፥ ኣማ̇ናባር ዱር ማ̈ቃ̇ምፔ̈ኒ፥ ዓኒ̇ ኣላሚን ጋልዳ ዎ ዎርባያን ማራጻካያ?

1 ጴጥ 1:7

ዪኒ̇ፌ̈ኖ ፋታና ዪንታ̇ ዬላ̇ዚንዳ ዪንታ̇ ኣማ̇ኒን ኪን ማ̈ቂ̇ኖን ኤራንዳቦ፤ ሜላ ኣቲ̇ን ዪዝ ዎርቆ ዎርቃ ማ̈ቂ̇ኖን ኤሪንታ̇ዚንዳ ታማባር ባያ̇? ዎርቃ̇ፖ ሺዝ ዪንታ̇ ኣማ̇ኒንዳ ዪና̇ ኢዝፌ̈ኒ ፋታ̇ኒንታ̇ንዳብ ኮሻ̇̈ሬ፤ ዪና̇ ፋታ̇ኒንቲ̇ኖ ዪንታ̇ ኣማ̇ኒንኮታ̇ ዬሱ̈ስ ክርስቶ̈ሲ ዬይዝ ጋላስ ዪንቲ̇ ኣንጃኬ ቦ̈ንችኬ ዲጚ̈ሬ።

ሳጻ 16:15

ዪዚ “ቤቂብቴ! ቴ ዪንታ̇ክ ሶላፌ̈ን ዪንቲ ቆፓካ̇ይዶን ዬ̈ሬ! ኢ ካሊ̇ን ኣሳን ቤቄ̇ጌይን ኢ ዬ̈ልቃካ̇ዮ̈ዲፌ̈ኒ ባርካ̇ር ፌ ኣፊሊን ና̈ጊዝ ኣሲ ኢ ኣንጂንቲ̇ኖ ኣሴ” ጌይዴ።

ሳጻ 19:8

ቦልቂዛዲኬ ጌ̈ሽ ማ ሌ̈እ ቆይሲዝ ኣፊላ ማኣምፔ̈ን ኢዝቦ ኢሚንቲ̇ኔ” ጋ̈ሪ ዉይሳምባር ቴ ሲስካ̇ዴ። (ሌእ ኣፊሊንዳ ጌሻ ኣሳንኮ ጺሊ̇ቲ ኦ̈ሲንዶ)

ሳጻ 2:9

ኔ ሜቲንዲ̇ኬ ኔ ዎርባዪቲን ታ̈ኒ ኤራ̈ሬ፤ ማ̈ቂ̇ናካሬ ኔ ዱሬ፤ ኣይሁዳ ዜር ባዪዶሪ ፌ̈ና ኣይሁዳ ዜር ጌይዛን፥ ሴ̈ጣናባር ማ̈ባራ ማ̈ቃ̇ር ዎን ኔ ሱምን ኢ̈ሲ̇ኖን ቴ ኤራ̈ሬ።

ሳጻ 3:17

ኔኒ ‘ቴ ዱሬ፤ ዎይሊን ቆሊን ታ̈ብ ዎ̈፤ ታ̈ብ ዲሪጚኖ ባዚ ኣባካር ባዬ’ ጋ̈ሬ፤ ዎቲናካሬ ኔ̈ኒ ማንቂስ ማ̈ቂ̇ኖን፤ ዎርባያ ማ̈ቂኖን፤ ኣ̈ፊ ዎብ̇ ማ̈ቂ̇ኖንዲኬ ካላ̇ ማ̈ቂ̇ኖን ኔ̈ብ ኤሪንታ̇ባሴ።

ሳጻ 4:4

ዪና̇ ዙፋ̈ኒን ቡጊዲምባ̇ራ ላምታም ኦይዲ̇ ዙፋ̈ናን ዎ፤ ዪን ዙፋ̈ናን ጋልዳ ቦ̈ርስ ኣፊላ ማኣር ፌ ቆ̈ሚን ጋልዳ ዎርቃባር ኮቺ̇ኖ ኣኪሊላ ጋዲ̇ኖ ላምታም ኦይዲ ጪጛሻን ዶኢኔ።

ሳጻ 7:13

ጪጛሻን ጋርታፖ ፔታ̇ና̈ዲ ታ̈ክ ዓኒ ማ̈ቃ̇ሪ “ዓን ቦ̈ርስ ኣፊላ ማኢኖን ኢንቲ̇ ኦ̈ኖ? ኢንቲ ዎይዲፖ ዬይና?” ጋ̈ር ታ̈ና ኦይጪ̇ዴ።